L
Luna Omar
:: مسافر ::
من الاخر طالما اننا بنعترض معناها اننا شايفين دا غريب علينا و مش متقبلينه لان عندنا رغبه ان البلد تبقى افضل و شايفين نفسنا احسن من كدة و عندنا امل. اما بقى اننا نتقبله و نقول ماهو فى كل العالم.. فكده يبقى شيء يعيبنا اننا شايفين البلطجة و قله النظافه و الفوضى عادى و متقبلينه
A
Ahmed Gamil
:: مسافر ::
هو واضح ان بوست حضرتك جه ردا ع البوست بتاعي وانا حابب بس اوضحلك حاجة، انا ماقولتش ان مفيش نصب او سرقة ف اي دول تانيه بالعكس في كل الدول وحتي في اوروبا بس ع الاقل هناك في حدود مش توصل لحد يقف ادام عربيتك ويقولك هاتركب يعني هاتركب.. او حتي يبلطج عليك عشان انت مصري ومعاك اصحابك اجانب ويهددك ان لو ما ركبتهمش ممكن يعورك!.. واكتر من كدا بيحصل وممكن تروح تشوف التعليقات.. الحل بقا اننا نواجه الحاجات دي مش نقعد نقول مصر جميلة مصر حلوة مصر مافيهاش نصب.. عايز تفهمني ان شرطة السياحة اللي هناك دي مش بتقسم من اللي شغالين هناك بتوع الخيل والجمال.. طول ماالناس دي موجودة اللي هايروح هناك ماهوش رايح تاني وهايروح لبلده ويشتم فيك انت وبلدك علي سكوت الشرطة ووزارة السياحة.. لو رجعت لاهداف الجروب هتلاقي الهدف اننا كل واحد يحكي تجربته ف السفر الحلو عشان الناس تعمله والوحش عشان الناس تاخد بالها منه ومش يتنصب عليها.. اخر حاجة ابقي شوف تعليقات الغير مصريين والمواقف اللي حصلت معاهم ف الاهرامات وكرهتهم ف مصر كلها سواء كانوا لبنانيين او اردنيين او جزائريين او مغاربه اوووو حتي مصريين
S
Shimaa Mohamed
:: مسافر ::
انا اتنصب عليا في لبنان كتير في الروشة ركبت مركب قالي النص ساعة ب 50 دوﻻر وانا في الميه بقينا 35 دقيقة ومطلعش مش زنبي قالي كدة دخلتى نص ساعة تانية وهتدفعي 100 دوﻻر في مركب صغيرة اللى 50 جنيه هنا يلففك بيها براحتك وفي التاكسي بردو 100 دوﻻر من بيروت لصيدة واى مشوار كدة ودفعت وخوفت من منظرهم والله ومش بنحكى في صفحهم علي السلبيات بنقول الى اتبسطنا بيه كل مكان في الكﻻم دة للاجانب طﻻما برا بلده ﻻزم يحصل كدة
A
Ahmed Yosef
:: مسافر ::
فى فرق بين الحاجه الى المكان بيقدمها بسعر سياحى و بين الصيع و البلطجيه الى واقفا ترخم ع السياح عشان تقلب منه فلوس ايوه طبعا النصب موجود فى كل حته بس حضرتك دا اكبر معلم سياحى عندك فى القاهره و مصر كلها و سألت اى اجنبى تعرفى مصر هيقولك الاهرامات ودى حاجه السايح بيفكر يروحها لما ينزل مصر فالمفروض يبقى مكان منظم و مهيأ لاستقبال السياح مش يبقى مليان بالصيع الى هناك انما كنصب فدا موجود فى كل مكان بس مش فالمعالم المهمه
G
Gaiver Wessam
:: مسافر ::
ياعم ده انا كنت بقولة مش هاركب الحصان ده عايز حصان تانى يقولى لا هاتركب ده والحصان مكسح عايز عيل صغير ماسك عصاية يضرب فيه علشان يتحرك واضحك علية وقالى انا هاوريك الأهرام لاقيته مطلعنى قبه عاليه اوى ههههههه برة الأهرامات وقالى اهى شوفت الاهرامات كنت برة السياج الحديد إلى حوالين الأهرامات وقالى الأهرامات كلها قدامك ههههههههه
U
Usama Elhenawy
:: مسافر ::
في فرق بين النصب و الإكراه .. في كل الأماكن السياحية في العالم ممكن يتنصب عليك .. لكن مفيش بلطجة ولا سطو و لا إكراه في أي مكان . في أي مكان في العالم قول بس هتصل بالشرطة ، اللي بيبلطج عليك بيحصلة رعب و في ثانية مش هتلاقية .
هنا في مصر كل حاجة بتحصل قدامهم و أحيانا هما كمان بيطلبوا إتاوات .. أنا بحكيلك عن تجارب .
في الصين مثلا كنت متفق على ليموزين هتوصلني من شينزن لجوانزو وشوفت صورة السيارة ولما جينا نركب لاقيت عربية تاني رفضت أركب و الولد أصر إني أركب وصوته علي .. مسكت موبيلي وقولتله أنا هكلم الشرطة .. قبل ما أكمل الكلمة لاقيت عربية أحسن من اللي متفق عليها .
جرب هنا تقول لحد هكلم الشرطة !!!! و لا هيحصل حاجة لأنه عارف إن آخره أمين شرطة هيجي هياخدلة عشرين جنية وممكن يحبسك انت نفسك
هنا في مصر كل حاجة بتحصل قدامهم و أحيانا هما كمان بيطلبوا إتاوات .. أنا بحكيلك عن تجارب .
في الصين مثلا كنت متفق على ليموزين هتوصلني من شينزن لجوانزو وشوفت صورة السيارة ولما جينا نركب لاقيت عربية تاني رفضت أركب و الولد أصر إني أركب وصوته علي .. مسكت موبيلي وقولتله أنا هكلم الشرطة .. قبل ما أكمل الكلمة لاقيت عربية أحسن من اللي متفق عليها .
جرب هنا تقول لحد هكلم الشرطة !!!! و لا هيحصل حاجة لأنه عارف إن آخره أمين شرطة هيجي هياخدلة عشرين جنية وممكن يحبسك انت نفسك