يا ريت يا جماعة اللي يزور مصر بعد كده ويحكي عن...

[Radwa Awad]

طب انت مش عاوز تذكر مساوئ الاماكن اللي رحتها انت حر .

 

[Eman Saadawy]

هما حرريين يتكلمو في العيوب والمميزات احنا مش حنمسك لسانهم زي ما اتعودنا هنا نقول كله حلو وجميل والعكس صحيح

 

[Engy El-shazly]

صح جدااااا

 

[Hany Adel]

يا جماعه هو مش بيأيد ولا بيدافع عن الغلط الفكرة انه بيوضح فكرة ان مش مصر بس اللي منتشر فيها الموضوع ده بس كل دول العالم حتي امريكا و اوروبا فيهم نصب لكن فعلا معظم الناس بيتكلموا عن النصب في مصر و مش بيقولوا حاجة عن اللي بيحصل بره

 

[Ahmed Slem]

كل البلدان فيها نصابين .. وبينصبو على الاغراب حتى فرنسا وامريكا

 

[Ahmed Hosney]

السؤال البسيط اللي بيطرح نفسه
هل الحكومه ووزاره الساحه و الداخليه مش قادره تنظم اهم مكان تاريخي علي وجه الارض و تخليه امن و محترم ؟؟؟ هل هيا اضعف من فساد المافيا المسيطره ؟؟؟؟

 

[Ahmed Lk]

النصب موجود بصفة عامة

 

[Yasmeen Selwadi]

احنا لما رحنا الاهرامات اول مرة انا وجوزي اتصورت عالحصان بكاميرتي الخاصة بس اتصورت ما اتحرك فيي بالمرة واتصورنا جنب الجمل وطلب مني مية دولار عالصورة وقاللي بالحرف "هاندرد وان دولار" المهم دفعنا خمسة واربعين جنيه بالاخر
النصب موجود بكل مكان واصلا دول شرق اسيا اكتر شي معروفين بالنصب بس فرق العملة بخليك تدفع وانت مش مهتم عشان مع النصب بيطلع السعر رخيص كمان
بكل مكان في نصب عادي المهم الواحد يكون شاطر ويكون داخل وعامل سيرتش عالمكان الي حيزوره وماخد فكرة عن الاسعار والتكاليف

 

[Mahmod Elagamy]

إنت كده بتضر مصر مش بتفيدها

 

[Tae Gong Shil]

اي مكان يمكن يكون فيه نصب، مش كل البلد تكون كويسة، الواحد يرد بالو ،و اعتقد البنت لي راحت مصر و قالت انوا اتنصب عليها، عادي أظن مش سبب عشان تشوه صورة مصر و لل ناس فالاهرمات، السياحة كدى و الانسان يسأل و يرد بالوا

 

[Ahmed Waly]

يا جماعه النصب في اي مكان سياحي و معروفه بس قصه النصب في الاهرمات ديه مشهوره و معروفه داه في ناس باعت الاهرمات و بيحصل حتي مع المصرين من اول تعالا اصورك مع الجمل لحد ما تعلا اركب حصان و تلف بيه الاهرمات

 

[Mostafa Saad]

يا ريت انت اللي تبطل تعريص عشان اللي بيحصل في مصر مابيحصلش زيه في أي حتة في العالم

 

[Sohaib Samy]

احلي كلام تسلم يدك

 

[Mahmod Elagamy]

محتاجين الادمن هنا بسرعة علشان فيه شتيمة وقلة ادب فى التعليقات Bahaa Aldeen Farouk

 

[Ilham Laftah]

انا متنصبش عليا فالاهرامات

 

[Mohamed Hindam]

وزير الداخلية نفسه لو راح هناك هيتنصب عليه

 

[Mohamed Hindam]

زاهي حواس شخصيا كل مرة بيروح هناك بينصبوا عليه وبيشتري برنيطة ب 50$

 

[Reham Mohamed]

فعلا كل بلاد العالم مليانة بلاوي وتلاقيهم فافلامهم وكلامهم ميصدروش اي حاجة او اي مشكلة من المشاكل تبعهم الا المصرين
يروحوا قدام الغريب يشتموا فبلدهم وافلامهم يطلعوا كل المشاكل والقرف والبلطجة كان مفيش فالبلد حاجة تانية غير كدا

 

[Mostafa Saad]

اللي بيحصل في الأهرامات كارثة بكل المقاييس..
من أول الهرجلة والفوضى وانعدام النظام رغم التواجد الأمني المكثف
للمعاملة السيئة من الأمن نفسه
لقلة الأدب من الناس اللي بتشدك بالعافية عشان تركبك الحصان أو الجمل أو عشان تركن العربية عندهم وبرضه رغم التواجد الأمني الكثيف
للأسعار المبالغ فيها واللف والدوران والملاوعة
للقذارة وقلة النظافة والنظام
لعدم وجود لافتات إرشادية توضح المعالم وعدم وجود دليل يوزع مع التذاكر مثلا زي أي مزار سياحي أو بارك نص لية في أي حتة في العالم
وأخيرا وليس آخرا ودي الكارثة الكبيرة ان حجارة الأهرامات بتتقطع منها قطع وتتباع

فمايجيش واحد بيستهبل ويقول لك النصب في كل حتة في العالم وانتوا بتسيئوا لبلدكم عيب كده

 

[Ibrahim Kamel]

شكلك من بتوع تحيا 3 مرات