يا جماعه هو ليه الناس بتكرر الأسئلة ؟ ليه محدش...

  • بادئ الموضوع بادئ الموضوع Niveen Adel
  • تاريخ البدء تاريخ البدء
حضراتكم كان في بوست من فترة بيسأل عن رخصة القيادة الدولية... انا كنت رديت عليه بالصور و حد من الادمن رد بلينك لبوست تاني قديم مجمع...
من كام يوم حد تاني كان بيسأل نفس السؤال حاولت اعمل سيرش على البوست القديم الي انا كنت رادد عليه او البوست الاصلي المجمع عشان احط اللينكات كلها في كومنت ع البوست الجديد... انا نفسي ماعرفتش اوصل لاي بوست من القدام
و ياترى اعمل سيرش "الرخصة الدولية" ولا "رخصة القيادة الدولية" ولا "رخصه القياده الدوليه" و هكذا ولا حاجة جابت اللي انا عايزه

السيرش على جوجل بيكون فيه ذكاء اصطناعي بحيث لو كتبت الكلمة باي شكل جوجل هيفهم
انما السيرش على فيسبوك سيرش "exact” لو كتبت حرف واحد غلط مش هتوصل للي انت عايزه
 
استاذة Hend
عندي اقتراح ...
اي بوست مرجعي او مقال من صفحة ع الانترنت او معلومة موثقة حضراتكم كأدمن عرفينها و معاكم reference ليها
يتعملها save as word doc. او pdf و يتم اضافتها لـ files section ع الجروب
و يتم اضافة ده لتعليمات الجروب
ده هيسهل كتييييير جدا و هيوفر وقت كبير جدا عن السيرش اللي ع البوستات...

و شكرا لحضرتك
 
عشان لو الاسئله ماتكررتش مش هايبقي فيه جديد والناس هاتمل لان من مافيش حاجه ويبقي صحرا ومارك يغضب ويقفله ودواليب دواليب كده يعني :) :*
 
مش موضوع استسهال و عدم قراءة اجابات .. اد ما هو عدم متابعة مستمرة للصفحة .. فتلاقي ان في اسئلة مكررة و على اي حال انا شايف ان ده اثراء للصفحة .
اما عن موضوع الاسئلة المتعلقة بمسائل اجرائية لاستخراج تأشيرة لبلد ما فانا فعلا مش لاقي لها مبرر و خصوصا ان كل حاجة موجودة على النت و كمان التقديم حاليا اصبح اون لاين.
اتمنى قراءة حكايات اسفار الاعضاء لتبادل الخبرات و التجارب و كمان شيء من المتعة و كان الواحد بيسافر بلاد كتير من خلال حكاوي الاعضاء و هو في مكانه .
 
اشرحي للناس ازاي يدورو علي بوست قديم من علي الموبايل و الويب كده يبقي البوست كامل.
دايما بيتسأل تاني لصعوبة البحث داخل الجروب.
البوستات كتير فإنك تفضل تعمل scroll down ده صعب جدا.
 
طبيعي يا فندم .. واحد لسه جديد في الصفحه او اشترك في الصفحه لماعرف انها تخص السفر .. مش هيقعد يقلب في الصفحه كلها علي معلومه .. فبيسال عشان يستفاد .. ولو كل الناس مشيت بمبدا متكررش الاسئله .. هيجى يوم والتفاعل علي الصفحه يقف ومحدش هيلاقي اسئله جديده