H
Hend Salem
:: مسافر ::
انا طول عمرى باطلع رحلات الهرم و عمرى ما لفيت منطقة الاهرامات لان دايما غالبية المصريين و خصوصا البنات مش بيحبوا الفرهدة و الحر و المشى الكتير .... اخر مرة روحت مع اصدقاء اجانب و كانت احلى رحلة روحتها للهرم ... مرينا طبعا بكل الكلام ده من اول واحد يقول لك البوابة دى مقفولة لازم تروح البوابة التانية ... و لا عبرناه ... قطعنا تذاكر و دخلنا ... و استلمونا بتوع الجمال و الاحصنة ... كل ١٠ متر واحد ... تجاهلناهم تماما ... تعالى اصورك و انت ماسك الهرم و انت بتبوس ابو الهول ... و لا الهوا ... واحد فاضل ماشى معانا و كل ما ندخل مكان يستنانا و احنا منفضين ... فى الاخر زهقوا مننا و سابونا ... لفينا منطقة الاهرامات و ابوالهول كلها مشى ... الاجانب اللى هناك قاريين كل التحذيرات دى على مواقع السفر زى trip advisor و بالتالى بقى صعب يضحك عليهم ... واحد من بتوع الحصنة بيقول لواحدة هتحتاجوا حصان
راحت قالت له
Why, we are young and healthy and we want to walk
عجبتنى الصراحة
بس المفروض ان الداخلية ووزراة السياحة تهتم بالمنطقة و الشغلانة دى تتمنع او تتنظم بشكل ارقى من كده لان الاحصنة اللى بيستخدموها ميتة اصلا و الخدمة للى يطلبها مش عافية ...
راحت قالت له
Why, we are young and healthy and we want to walk
عجبتنى الصراحة
بس المفروض ان الداخلية ووزراة السياحة تهتم بالمنطقة و الشغلانة دى تتمنع او تتنظم بشكل ارقى من كده لان الاحصنة اللى بيستخدموها ميتة اصلا و الخدمة للى يطلبها مش عافية ...