B
Badr Helmy
:: مسافر ::
مساء الورد و الجمال 
وصلنا لليوم الرابع من أصل 13 يوم في رحلتي في تايلاند - و مازلنا في بوكيت
- الرحلة: الرافتينج (القوارب المطاطية في الشلالات) - و الزحليقة المرعبة - wire gliding - تسلق شلالات غابة سرا نانج مانورا - زيارة معبد كهف القرود
البوست ده صوره معبره اكتر من الكلام .. باختصار رحلة رائعة جدا في وسط الغابات و الشلالات و الجبال الخضرا و المناظر الطبيعية
- كل حاجة حواليك خضرا لدرجة اني احيانا كنت بحس عينيا بتوجعني من كتر اللون الاخضر في كل حتة .. حظنا كان فيه شوية مطر قبل ما نبدأ الرحلة خلي لون الطبيعة احلي و ازهي و زود حجم الشلالات و سرعة النهر اللي ها نركب فيه القوارب المطاطية و ننطلق
- فطار في الفندق و برضه فطار تاني في الكامب قبل الرحلة و نسكافيه سخن وسط قطرات المطر علي ضفاف نهر بيجري بسرعة و صوت شلالاته لوحدها مزيكا
- طول مسافة المغامرة في الشلالات 5 كيلو متر و اللي بيتحكم في القارب عرض علينا نكمل ل 7 كيلومتر و ندفع الفرق و وافقنا .. انا و ولد و بنت من سنغافورة (في الصور و احنا لابسين الخوذة و فيها اريال طبيعي عشان الشبكة مش بتلقط كويس
)
- بعدها الزحلقة علي كابل طويل بيربط بين مكان الكامب و منطقة منخفضة وسط الشلالات .. كانت ممتعة جدا و مرعبة انك بتتزحلق بسرعة رهيبة و مفيش في ايدك حاجة تنقذ بيها نفسك و خسارة اني ما قدرتش اصورها لأني كنت مهتم بالحفاظ علي حياتي وقتها
بعدها الزحليقة الطويلة (في الصور و الفيديو) كانت تخوف جدا من طول المسافة غير ان الامطار خلت الجو بارد شوية و المية في البحيرة اللي المفروض نغرق فيها كانت ساقعة جدااااااااا .. كل الناس مارضوش يروحوا حتي يجربوا .. انا بصراحة فلوسي وجعتني و قلت هانط يعني ها نط و لما نطيت و لقيتها تجربة مذهلة و خطيرة كل الناس جت تجري عشان تجرب بعديا تاني .. و بدل ما انط فيها مرة نطيت سبع مرات بفنوسي يا كناب
- الموقع اللي بعدها كان محمية طبيعية وسط الغابات برضه بس فيها مجموعة شلالات كبيرة و اندفاع المية فيها قوي جدا (من برة تبان سهلة و خفيفة) قعدت اتسلق الشلالات من جوة المجري بتاعها و في نص المسافة اتزحلقت و وقع الشبشب بتاعي و الموبايل جوة مية الشلال و هربوا مني مع اندفاعها و جبتهم باعجوبة (السامسونج اثبت انه بيستحمل المية فعلا ) كله متصور فيديوهات بس كنت باتكلم فيها لاسرتي فمش هاعرف للاسف ارفعها هنا
- بعدها خرجنا للجبل لزيارة معبد كهف القرود (تقريبا اسمه كدة) عبارة عن كهف ضخم جدااااا جوة الجبل فيه تماثيل بوذية عملاقة و فعلا حجمه من جوه مخيف و مليان قرود بدرجة فظيعة .. ممكن نشتري سوداني و ناكلها هي و الحمام و شوية صور للرهبان و الاماكن الصلاة بتاعتهم و رجعنا علي الطريق للفندق
- بالليل كنت مرهق جدا و ما قدرتش اخرج فطلعت علبة تونة اتعشي بيها - عصرت عليها لمونة مع التوست و كله تمام .. و بعدها بساعة نزلة معوية شديدة و رقدت في السرير ما قدرتش اتحرك .. علي الفجر قئ مستمر و الدكتور صديقي في الجروب هنا وصفلي ادوية نزلت اشتريتها - فبالتالي اليوم التالي 5 سبتمبر (الخامس في الرحلة) ما قدرتش اروح اي مكان غير اني قعدت في الغرفة زي الصورة و بالليل اتمشيت لاكبر مول في بوكيت (جانسيلون) زي سيتي ستارز كدة .. براندات و مطاعم و كافيهات و سوبر ماركت كبير زي كارفور .. اشتريت شوية حاجات و رجعت للفندق تاني عشان احضر لرحلة اليوم اللي بعديه 6 سبتمبر
- اخر صورة لبروشورات الرحلات اللي طلعتها في بوكيت كان انتقام بعيد عنكم و هاحكيلكم عليها في بوستاتها انتظرونا و تابعونا تجدوا ما يسركم
#تايلاند
[HASHTAG]#Thailand[/HASHTAG]
وصلنا لليوم الرابع من أصل 13 يوم في رحلتي في تايلاند - و مازلنا في بوكيت
- الرحلة: الرافتينج (القوارب المطاطية في الشلالات) - و الزحليقة المرعبة - wire gliding - تسلق شلالات غابة سرا نانج مانورا - زيارة معبد كهف القرود
البوست ده صوره معبره اكتر من الكلام .. باختصار رحلة رائعة جدا في وسط الغابات و الشلالات و الجبال الخضرا و المناظر الطبيعية
- كل حاجة حواليك خضرا لدرجة اني احيانا كنت بحس عينيا بتوجعني من كتر اللون الاخضر في كل حتة .. حظنا كان فيه شوية مطر قبل ما نبدأ الرحلة خلي لون الطبيعة احلي و ازهي و زود حجم الشلالات و سرعة النهر اللي ها نركب فيه القوارب المطاطية و ننطلق
- فطار في الفندق و برضه فطار تاني في الكامب قبل الرحلة و نسكافيه سخن وسط قطرات المطر علي ضفاف نهر بيجري بسرعة و صوت شلالاته لوحدها مزيكا
- طول مسافة المغامرة في الشلالات 5 كيلو متر و اللي بيتحكم في القارب عرض علينا نكمل ل 7 كيلومتر و ندفع الفرق و وافقنا .. انا و ولد و بنت من سنغافورة (في الصور و احنا لابسين الخوذة و فيها اريال طبيعي عشان الشبكة مش بتلقط كويس
)- بعدها الزحلقة علي كابل طويل بيربط بين مكان الكامب و منطقة منخفضة وسط الشلالات .. كانت ممتعة جدا و مرعبة انك بتتزحلق بسرعة رهيبة و مفيش في ايدك حاجة تنقذ بيها نفسك
و خسارة اني ما قدرتش اصورها لأني كنت مهتم بالحفاظ علي حياتي وقتها بعدها الزحليقة الطويلة (في الصور و الفيديو) كانت تخوف جدا من طول المسافة غير ان الامطار خلت الجو بارد شوية و المية في البحيرة اللي المفروض نغرق فيها كانت ساقعة جدااااااااا .. كل الناس مارضوش يروحوا حتي يجربوا .. انا بصراحة فلوسي وجعتني و قلت هانط يعني ها نط
و لما نطيت و لقيتها تجربة مذهلة و خطيرة كل الناس جت تجري عشان تجرب بعديا تاني .. و بدل ما انط فيها مرة نطيت سبع مرات بفنوسي يا كناب - الموقع اللي بعدها كان محمية طبيعية وسط الغابات برضه بس فيها مجموعة شلالات كبيرة و اندفاع المية فيها قوي جدا (من برة تبان سهلة و خفيفة) قعدت اتسلق الشلالات من جوة المجري بتاعها و في نص المسافة اتزحلقت و وقع الشبشب بتاعي و الموبايل جوة مية الشلال و هربوا مني مع اندفاعها و جبتهم باعجوبة (السامسونج اثبت انه بيستحمل المية فعلا
) كله متصور فيديوهات بس كنت باتكلم فيها لاسرتي فمش هاعرف للاسف ارفعها هنا - بعدها خرجنا للجبل لزيارة معبد كهف القرود (تقريبا اسمه كدة) عبارة عن كهف ضخم جدااااا جوة الجبل فيه تماثيل بوذية عملاقة و فعلا حجمه من جوه مخيف و مليان قرود بدرجة فظيعة .. ممكن نشتري سوداني و ناكلها هي و الحمام و شوية صور للرهبان و الاماكن الصلاة بتاعتهم و رجعنا علي الطريق للفندق
- بالليل كنت مرهق جدا و ما قدرتش اخرج فطلعت علبة تونة اتعشي بيها - عصرت عليها لمونة مع التوست و كله تمام .. و بعدها بساعة نزلة معوية شديدة و رقدت في السرير ما قدرتش اتحرك .. علي الفجر قئ مستمر و الدكتور صديقي في الجروب هنا وصفلي ادوية نزلت اشتريتها - فبالتالي اليوم التالي 5 سبتمبر (الخامس في الرحلة) ما قدرتش اروح اي مكان غير اني قعدت في الغرفة زي الصورة و بالليل اتمشيت لاكبر مول في بوكيت (جانسيلون) زي سيتي ستارز كدة .. براندات و مطاعم و كافيهات و سوبر ماركت كبير زي كارفور .. اشتريت شوية حاجات و رجعت للفندق تاني عشان احضر لرحلة اليوم اللي بعديه 6 سبتمبر
- اخر صورة لبروشورات الرحلات اللي طلعتها في بوكيت
كان انتقام بعيد عنكم و هاحكيلكم عليها في بوستاتها انتظرونا و تابعونا تجدوا ما يسركم #تايلاند
[HASHTAG]#Thailand[/HASHTAG]