T
Travel Secrets
:: مسافر ::
أنظم الرحله لوحدي و لا مع شركة سياحه و لا مع منظم رحلات سياحيه محترف ؟ و ايه الفرق بينهم ؟
أسئله كتير بتدور في بالنا أول ما نفكر نسافر ايه الأفضل و نتصرف ازاي , خلونا نتفق مبدئيا أن كل واحد فينا ليه ظروف معينه و تناسبها طريقة معينه للسفر , و اللي ممكن يناسبني احتمال كبير أنه لا يناسبك , طيب أنا أحدد ازاي ؟
الأحتمال الأول : لو حضرتك شاب و مسافر لوحدك أو مسافر مع واحد صديقك ,أنصحك أنك تخوض التجربه لوحدك بايجابيتها و عيوبها أكيد حتغلط و ممكن تخسر فلوس و ممكن جدا حاجات كتير تفوتك لأنها حتكون غالبا تجربه أولى ليك و لكن بردو حتتعلم حاجات كتير و حتغير كتير في شخصيتك و يكفيك أنك تخوض شرف التجربه , أنصحك قبل السفر أنك تقرا كتير و تسأل كتير و ده واجبنا في جروب زي travel secrets club أنك تقرا تجارب المسافرين و تتعلم من أخطاء الأخرين و بردو مش كفاية, لازم تدرس الموضوع كويس جدا سواء بالبحث في جوجل أو مشاهدة فيديوهات كتير على اليوتيوب , انا عارف أن الموضوع ممكن يكون مرهق و لكن صدقني كل لحظه في التجربه حتمثلك متعه جديده و مختلفه
الأحتمال الثاني : أنك تكون مسافر شهر عسل و في الحاله دي أنصحك و بشده أن منظم رحلات محترف هو اللي ينظملك رحلتك , و خاصه لو كانت رحلتك الأولى للدوله دي , و حقولك السبب !! رحلة شهر العسل دي من الرحلات المميزة جدا في حياتنا لأن ذكرياتها بتفضل معانا طول العمر غير أي رحله تانيه حنطلعها في المستقبل مع شريك الحياة, علشان كده خساره أن يكون فيها أي أخطاء أو هفوات , خاصة أن الواحد قبل الفرح بيكون بالفعل تحت ضغوط أخرى مش حتخليه يركز في تفاصيل اضافيه لرحلة شهر العسل, و رحلة زي دي لازم يتم تنفيذها على أكمل وجه لخصوصياتها الشديدة, علشان كده برشحلك أن منظم رحلات سياحيه هو اللي ينظملك الرحلة بالكامل لأن المفروض أنه يكون متابع معاك الرحله خطوه بخطوه و بيعرفك أدق التفاصيل اللي حتمر بيها و ده استحاله تعرفه لا من جوجل و لا من جروب على الفيس بوك و لا من شركة سياحه , فالخيار الأمثل هو التعامل مع منظم رحلات سياحيه محترف يريحك و ينظملك رحلة شهر عسل مثاليه
الاحتمال الثالث : لو مسافر لدولة سافرتها قبل كده و عارف أغلب تفاصيلها , كده ممكن يكون أمامك خيارين , اما أنك تحجز الطيران و الفندق بنفسك لأنك بالفعل عارف حتعمل ايه في الدوله دي , أو أنك تشوف عرض مميز من احدى شركات السياحه اللي بتوفرلك طيران و فندق فقط و تسافر معاهم , و بعد ما توصل البلد أنت تتصرف لوحدك
الاحتمال الرابع : مسافر سياحه داخلية داخل مصر لشرم الشيخ أو الغردقه مثلا , أنصحك في الحاله دي أنك تسأل عن عروض شركات السياحه لأنهم بالفعل بيكون عندهم عروض و أسعار أقل بكتير في الفنادق داخل مصر و بسعر أقل من الحجز اون لاين و دي من رأيي الحاله الوحيده اللي تلجأ فيها لشركات السياحه الداخليه
الاحتمال الخامس :ان تكون مجموعة بنات مسافرين مع بعض أو أنك تكون مسافر مع عائلتك و خاصة لو معاك أطفال لدوله أول مره تزوروها , نصيحه في الحاله دي أن منظم رحلات محترف هو اللي ينظملكم الرحله بالكامل سواء طيران أو فنادق أو رحلات أو انتقالات , لتجنب أي مشاكل ممكن تحصل نتيجة سوء اختيارات في الرحله كاختيار فندق غير مناسب للسكن , أو اختيار رحلات سياحيه غير مناسبه لسن الأطفال , أو حجز طيران غير مناسب كترانزيت , أو تنظيم رحله ممكن تكون مرهقة أو شاقه و غير مناسبه للعائله , و ده كله تقدر تتفاداه لو منظم رحلات محترف هو اللي نظملكم الرحله بالكامل لتفادي أي أخطاء ممكن تبوظ عليكم الرحله دي أو تحسسكم بعدم الراحه
By: Bahaa Aldeen Farouk
[HASHTAG]#travelsecrets[/HASHTAG] #تنظيم_الرحلة
أسئله كتير بتدور في بالنا أول ما نفكر نسافر ايه الأفضل و نتصرف ازاي , خلونا نتفق مبدئيا أن كل واحد فينا ليه ظروف معينه و تناسبها طريقة معينه للسفر , و اللي ممكن يناسبني احتمال كبير أنه لا يناسبك , طيب أنا أحدد ازاي ؟
الأحتمال الأول : لو حضرتك شاب و مسافر لوحدك أو مسافر مع واحد صديقك ,أنصحك أنك تخوض التجربه لوحدك بايجابيتها و عيوبها أكيد حتغلط و ممكن تخسر فلوس و ممكن جدا حاجات كتير تفوتك لأنها حتكون غالبا تجربه أولى ليك و لكن بردو حتتعلم حاجات كتير و حتغير كتير في شخصيتك و يكفيك أنك تخوض شرف التجربه , أنصحك قبل السفر أنك تقرا كتير و تسأل كتير و ده واجبنا في جروب زي travel secrets club أنك تقرا تجارب المسافرين و تتعلم من أخطاء الأخرين و بردو مش كفاية, لازم تدرس الموضوع كويس جدا سواء بالبحث في جوجل أو مشاهدة فيديوهات كتير على اليوتيوب , انا عارف أن الموضوع ممكن يكون مرهق و لكن صدقني كل لحظه في التجربه حتمثلك متعه جديده و مختلفه
الأحتمال الثاني : أنك تكون مسافر شهر عسل و في الحاله دي أنصحك و بشده أن منظم رحلات محترف هو اللي ينظملك رحلتك , و خاصه لو كانت رحلتك الأولى للدوله دي , و حقولك السبب !! رحلة شهر العسل دي من الرحلات المميزة جدا في حياتنا لأن ذكرياتها بتفضل معانا طول العمر غير أي رحله تانيه حنطلعها في المستقبل مع شريك الحياة, علشان كده خساره أن يكون فيها أي أخطاء أو هفوات , خاصة أن الواحد قبل الفرح بيكون بالفعل تحت ضغوط أخرى مش حتخليه يركز في تفاصيل اضافيه لرحلة شهر العسل, و رحلة زي دي لازم يتم تنفيذها على أكمل وجه لخصوصياتها الشديدة, علشان كده برشحلك أن منظم رحلات سياحيه هو اللي ينظملك الرحلة بالكامل لأن المفروض أنه يكون متابع معاك الرحله خطوه بخطوه و بيعرفك أدق التفاصيل اللي حتمر بيها و ده استحاله تعرفه لا من جوجل و لا من جروب على الفيس بوك و لا من شركة سياحه , فالخيار الأمثل هو التعامل مع منظم رحلات سياحيه محترف يريحك و ينظملك رحلة شهر عسل مثاليه
الاحتمال الثالث : لو مسافر لدولة سافرتها قبل كده و عارف أغلب تفاصيلها , كده ممكن يكون أمامك خيارين , اما أنك تحجز الطيران و الفندق بنفسك لأنك بالفعل عارف حتعمل ايه في الدوله دي , أو أنك تشوف عرض مميز من احدى شركات السياحه اللي بتوفرلك طيران و فندق فقط و تسافر معاهم , و بعد ما توصل البلد أنت تتصرف لوحدك
الاحتمال الرابع : مسافر سياحه داخلية داخل مصر لشرم الشيخ أو الغردقه مثلا , أنصحك في الحاله دي أنك تسأل عن عروض شركات السياحه لأنهم بالفعل بيكون عندهم عروض و أسعار أقل بكتير في الفنادق داخل مصر و بسعر أقل من الحجز اون لاين و دي من رأيي الحاله الوحيده اللي تلجأ فيها لشركات السياحه الداخليه
الاحتمال الخامس :ان تكون مجموعة بنات مسافرين مع بعض أو أنك تكون مسافر مع عائلتك و خاصة لو معاك أطفال لدوله أول مره تزوروها , نصيحه في الحاله دي أن منظم رحلات محترف هو اللي ينظملكم الرحله بالكامل سواء طيران أو فنادق أو رحلات أو انتقالات , لتجنب أي مشاكل ممكن تحصل نتيجة سوء اختيارات في الرحله كاختيار فندق غير مناسب للسكن , أو اختيار رحلات سياحيه غير مناسبه لسن الأطفال , أو حجز طيران غير مناسب كترانزيت , أو تنظيم رحله ممكن تكون مرهقة أو شاقه و غير مناسبه للعائله , و ده كله تقدر تتفاداه لو منظم رحلات محترف هو اللي نظملكم الرحله بالكامل لتفادي أي أخطاء ممكن تبوظ عليكم الرحله دي أو تحسسكم بعدم الراحه
By: Bahaa Aldeen Farouk
[HASHTAG]#travelsecrets[/HASHTAG] #تنظيم_الرحلة