استفسار بعد اذنكم انا مسافرة براغ من برج العرب...

  • بادئ الموضوع بادئ الموضوع Shaymaa Dahab
  • تاريخ البدء تاريخ البدء
عرض العطلة
#62
يا جماعة ساعة مش كفاية خصوصا مطار أتاتورك زحمة جدا وغير منظم واليومين دول في مشكلة في السيستم على مستوى العالم فمسالة ساعة دي مش مضمونة خالص
 
#63
ان شالله تلحقي بس خلي بالك الشنط ممكن تتاخر لان لو انتي جريتي الشنط مش ها تجري فاعملي حسابم في الهاند باج لحد ما شنطك توصل
 
#64
حد من كده اشتكي من موضوع ساعه ترانزيت في استانبول ولف السبع لفات .كان رايح بيلا روسيا ..وقعد يومين في،المطار علشان ماعهوش فيزا تركيا
 
#65
لو عندك بديل يكون افضل بدلا من المجازفة
لانى حجزت لزوجتى قبل كدة من تركيا للقاهرة على الخطوط اليونانية ترانزيت اليونان وكان مدة الترانزيت ساعة ونص على نفس الخطوط والطيارة اتاخرت فى تركيا ويادوب لحقت الطيارة التانيه وكانت اخر حد دخل الطيارة وفضلو كتير بينادو على اسمها فى المطار
 
عرض العطلة
#66
الاحسن 3 ساعات لانك مش ضامنة اليوم عامل ازاي و الاجواء ايه و لو الطيارة الاولي اتاجلت مش هتلحقي التانية و ليلة كدة ف الامان يكون اكتر من ساعتين
 
#68
كفاية قوي ... وكمان بيعلنوا في الطيارة علي ال connection flights gate يعني قبل ماتنزلي من الطيارة هتبقي عارفة الجيت بتاعتك ... ومن برج العرب هيبقي معاكي ال boarding pass بتاعت براغ ... فمفيش قلق
وفي مطار اتاتورك هي terminal واحدة للدولي فمفيش لخبطة ... الوصول دور والسفر الدور اللي فوقيه ... هتطلعي من الطيارة وتمشي 5 او 10 دقايق وتوصلي ال checking points للتفتيش وتطلعي الدور اللي فوق وتروحي الجيت بتاعتك ...
وعادة طيارنهم مضبوط جدا في مواعيده ... على طول بستخدمهم لتركيا او ترانزيت لأوروبا والحمدلله مفيش مشكلة.
والشنط هتوصل على طول لبراغ مش في اسطنبول فمتقلقيش من حوار الشنط ده.
ممكن يحصل تأخير لو في عاصفة هناك بس ده ممكن في شهر يناير او فبراير ... دلوقتي الجو كويس
Enjoy your trip
 
#70
الساعه دي يدوبك تجري تلحقي gate بتاع البوردنج ،،، المخاطرة الكبيرة في الشنط
حصلت معايا و انا رايحة سنغافورة و انا راجعة ترانزيت في ابوظبي
و الشنط اتاخرت ،،، لو معاكي شنطتك و تقدري تجري و ربنا معاكي
 
عرض العطلة
#72
حضرتك الافضل تغيرى بسرعة التيكت لترانزيت اكبر .. لان معظم الطيارات بتطلع دايما متأخر من مطار برج العرب وخصوصا ال Turkish عن تجربة ..فطياره حضرتك حتوصل متاخر مطار اتاتورك والمطار اصلا هناك كبير جدا وزحمه ولسة فية تفتيش فا اعتقد حيبقى صعب تلحقى طيارتك ل Prague .. ولو ملحقتيش ممكن تكون اقرب ميعاد لطيارة تانية تكون تانى يوم ..فالافضل تغيرى ميعاد طيارتك لترانزيت اعلى علشان تكونى فى ال safe side ..
 
#73
الطياره التانيه لا تقلع الا بوصول الركاب ال جايين من الوجهات الأخري وده حصل معي وسالت الطياره تأخرت ليه قالوا لي فيه ركاب من وجهات اخري لم يصلوا
 
عرض العطلة
#77
متغياريش ولا حاجة ساعة كافية جدا اصلا انك توصلي الطيارة التانية واصلا مطار اتاتورك مش كبير اوي كدا إن كنت في قطر ووصلت في تلت ساعة من طيارة للتانية عشان كنت ببص علي حاجة في السوق الحرة...الشنط بتتحول اتوماتيك اصلا وانتي ملكيش دعوة بيها دة غير أن بيكون معاكي التيكيت بتاع الطيارة التانية فمش هتوقفي اوي...طيور التفتيش دة ممكن ياخد شوية وقت بس مش حيعطلك جامد اوي ولو حصل روحي لظابط التفتيش وهو حيدخلك من الأولوية لو انتي فعلا متأخرة علي طيارتك.
 
#78
لمعلوماتك مطار أتاتورك من أسوأ المطارات اللي عديت عليها في حياتي gates بتتغير كل لحظة حتي بعد الboarding و المطار كبير جدا بتمشي فيه مسافات طويلة بالإضافة إنك ممكن تلاقي شاشات مش شغالة و صوت المذيع كمان واطي جدا و المطار عبارة عن مولد و صاحبه غايب
أنا فوت طيارة هناك بعد ما ختمت خروج بسبب الهرجلة دي و اتبهدلت و كنت عامل زي دريد لحام في فيلم الحدود
 
#79
خالي بيبقي عامل ترانزيت 4 ساعات و مبيلحقش ساعات عادي انتي في أم الدنيا وارد جدا الطيارة تتأخر ترانزيت 35 يبقي بتخاطري
 
عرض العطلة
عرض العطلة
عرض العطلة
أعلى أسفل
عودة
قائمة