M
Mohamed Elsayed
:: مسافر ::
تجربه وحشه اتمنى محدش يكررها مرهقه جدا جدا جدا الطلوع للجبل مرهق جدا وحتي النزول طبعا بخلاف ان مفيش اي مذار فوق تستمتع بيه فقط قاعد فوق جبل ولو ف الشتا سقعه لا تحتمل وهتضطر تأجر بطانيه معفنه اسف ع لفظ من البدو هناك ب 15 ج تقريبا و تضطر تستعملها للتدفئه لغايه طلوع الشمس الشيئ الوحيد الحلو هوا شروق الشمس بس من وجهه نظري لا يستحق كل هذا العناء و الرأي ف الاول والاخر ليك
H
Hops Live
:: مسافر ::
حلوه جدا اهم ميزه فيها انك بتحس انك حققت حاجه فكره طلوع الجبل بليل ع ضوء كشافك وسواء مع نفسك او مع اصحابك وان كله هدفه واحد يلحق الشروق ع القمه لطيفه جدا وهتستمتع بيهها بس مشكلتها وانت نازل انك مش هتصدق انك طلعت المسافه دى بالاضافه للنزول لو مفيش لياقه ششويتين هتبقى صعبه وهتنزل ع دير سيدنا موسى والشجره التاريخيه الافضل ان يكون بعدها ف رجوع ع كامب او فندق بس الاغلب هتنزل ع الباص للعوده تستحق التجربه ولو لمره
S
Samaa Ayman
:: مسافر ::
ممتعه جدا بس لو انت غاوي يعني
لان المجهود اللي هتاخده في الطلوع و النزول كبير
اهم حاجه تلبس كوتشي مريح و ركز علي مريح دي و شنطه الضهر خلي فيها سكريات يعني شيكولاته عصير بونبوني كده يعني و ازاه مياه طبعا و كشاف و جونتي و شراب تقال علشان الاطراف دي بتتجمد فوق
انا ارهقت جدا في الطلوع بس اللي كان مخليني اكمل الناس اللي معايا و اني فعلا كنت حابه اوصل جدا و اثبت لنفسي انو اهو عادي يعني
هاف فن يارب تبقي رحله حلوه
لان المجهود اللي هتاخده في الطلوع و النزول كبير
اهم حاجه تلبس كوتشي مريح و ركز علي مريح دي و شنطه الضهر خلي فيها سكريات يعني شيكولاته عصير بونبوني كده يعني و ازاه مياه طبعا و كشاف و جونتي و شراب تقال علشان الاطراف دي بتتجمد فوق
انا ارهقت جدا في الطلوع بس اللي كان مخليني اكمل الناس اللي معايا و اني فعلا كنت حابه اوصل جدا و اثبت لنفسي انو اهو عادي يعني
هاف فن يارب تبقي رحله حلوه
A
Aalaa Lolaa
:: مسافر ::
هى تعتبر من الرحلات ال فيها إثارة شويه ولازم يبقى عندك اراده انك تطلع الجبل للقمهً هى مرهقه بس مش هتحس بالتعب غير أما تروح البيت الجو بيبقى تلج ع الجبل بتاكل حجات تدفيك وانت طالع وع فكرة المكان روحانى جدا حاول تتأمل السماء وانت طالع أذكر ربنا كتير جبل موسى ليه قدسية خاصه طول ما انت بتتحرك مش هتحس بالبرد غير لو وقفت فترة طويله متلبسش كل هدومك من أول ما تبدأ طلوع البس حاجه حاجه حسب احساسك بالبرد ف رستات كتيرة ع الجبل لو مقدرتش تكمل بتقعد فيها ورحله سعيدة أن شاء الله
بس هاتنبهر وتنزل تزور الدير الصبح ..