M
Mohamed Mahmoud Shamekh
:: مسافر ::
بعض المواقف عن الصلاة في السفريات:
# برشلونة... اسبانيا
كان يوم جمعة ومكنتش عارف اوصل للمسجد، فوقفت في ميدان بلازا كتالونيا علشان احاول اشوف اي حد عربي يدلني علي المسجد فلقيت شاب ملتحي ابيض البشرة لابس نظارة طبية وماشي وشه في الارض فجريت علية علشان اساله عن المسجد واول ما قربت منه لقيته لابس الطاقية الصغيرة بتاعة اليهود في وسط دماغه.
# كارلوفيفاري... التشيك
الجو كان ممطر بغذارة فوقفت تحت شجرة ضخمة واقتداء بالسنة النبوية رفعت ايدي وقعدت ادعي لان وقت وقت نزول المطر هو من اوقات الدعاء المستجاب، وبعد ما خلصنا اليوم وركبنا الباص راجعين للعاصمة براج لقيت مرشدة الرحلة بتقولي قدام الباص كله انا سعيدة جدا اني شفتك بتصلي القديس سان بيتر، قلتلها سان بيتر مين؟؟؟؟ انا مسلم وكنت بدعي لله..... محدش كلمني نهائي لغاية ماوصلنا براج.
# اسطنبول.... تركيا
كنت بصلي العصر في المسجد اللي في اول شارع الاستقلال وبيطل علي ميدان تقسيم، وانا بلبس الجزمة وانا خارج خارج من المسجد جالي شخص بيتكلم عربي وقالي: انا بدعوك تيجي تسهر الليلة في بار كويس واسعاره معقولة، بصيت للمسجد وبصيت له وقلتله هو انت مش شايف اني خارج من المسجد.. بار ايه اللي جاي تقولي عليه؟؟؟ قالي مش انت صليت خلاص شوف نفسك بقي.
# باريس..... فرنسا
خارج من المسجد بعد صلاة المغرب لقيت شرطي فرنسي مسكني من دراعي وبيشد فيا، طلعت الباسبور بايدي التانية ووريته الفيزا.. ساب دراعي ومشي بدون ولا كلمة.
# بودابست.... المجر
دخلت اصلي الجمعة، الخطبة والصلاه مع بعض معدوش 15 دقيقة.
# براتسلافا.... سلوفاكيا
قدام الاوبرا فرشت جرنان بتاع اعلانات وكنت بصلي لقيت واحد جه وقف علي يميني وصلي معايا وبعد الصلاة لقيته هندي اسمه عبدالقدير واداني قلم حبر تذكار مكنش معايا حاجة اديهاله فديته مصحف الجيب الصغير وقالي انا هبقي اقرا منه علشان تاخد الثواب
# برلين..... ألمانيا
محصلتش هناك حاجة تتحكي خالص
# برشلونة... اسبانيا
كان يوم جمعة ومكنتش عارف اوصل للمسجد، فوقفت في ميدان بلازا كتالونيا علشان احاول اشوف اي حد عربي يدلني علي المسجد فلقيت شاب ملتحي ابيض البشرة لابس نظارة طبية وماشي وشه في الارض فجريت علية علشان اساله عن المسجد واول ما قربت منه لقيته لابس الطاقية الصغيرة بتاعة اليهود في وسط دماغه.
# كارلوفيفاري... التشيك
الجو كان ممطر بغذارة فوقفت تحت شجرة ضخمة واقتداء بالسنة النبوية رفعت ايدي وقعدت ادعي لان وقت وقت نزول المطر هو من اوقات الدعاء المستجاب، وبعد ما خلصنا اليوم وركبنا الباص راجعين للعاصمة براج لقيت مرشدة الرحلة بتقولي قدام الباص كله انا سعيدة جدا اني شفتك بتصلي القديس سان بيتر، قلتلها سان بيتر مين؟؟؟؟ انا مسلم وكنت بدعي لله..... محدش كلمني نهائي لغاية ماوصلنا براج.
# اسطنبول.... تركيا
كنت بصلي العصر في المسجد اللي في اول شارع الاستقلال وبيطل علي ميدان تقسيم، وانا بلبس الجزمة وانا خارج خارج من المسجد جالي شخص بيتكلم عربي وقالي: انا بدعوك تيجي تسهر الليلة في بار كويس واسعاره معقولة، بصيت للمسجد وبصيت له وقلتله هو انت مش شايف اني خارج من المسجد.. بار ايه اللي جاي تقولي عليه؟؟؟ قالي مش انت صليت خلاص شوف نفسك بقي.
# باريس..... فرنسا
خارج من المسجد بعد صلاة المغرب لقيت شرطي فرنسي مسكني من دراعي وبيشد فيا، طلعت الباسبور بايدي التانية ووريته الفيزا.. ساب دراعي ومشي بدون ولا كلمة.
# بودابست.... المجر
دخلت اصلي الجمعة، الخطبة والصلاه مع بعض معدوش 15 دقيقة.
# براتسلافا.... سلوفاكيا
قدام الاوبرا فرشت جرنان بتاع اعلانات وكنت بصلي لقيت واحد جه وقف علي يميني وصلي معايا وبعد الصلاة لقيته هندي اسمه عبدالقدير واداني قلم حبر تذكار مكنش معايا حاجة اديهاله فديته مصحف الجيب الصغير وقالي انا هبقي اقرا منه علشان تاخد الثواب
# برلين..... ألمانيا
محصلتش هناك حاجة تتحكي خالص