والله يا جماعه انا بكون مبسوطه جداا لما حد...

[سعاد الحداد]

والله يا جماعه انا بكون مبسوطه جداا لما حد يكتب عن سفرياته وانه مستمتع بجد
مبسوطه لان الحمد لله حد قدر يخرج برا القرف اللى احنا عايشينه هنا
مع انى نفسى حتى اسافر ولو جمصه هههههههههه بس قدرنا كدا وكان نفسى جدا اسافر كتير واشوف الدنيا بس خير ..
انا دلوقتى بقى اقصى طموحى اسافر السعوديه اعمل عمره
اتبسطوا يا جمااااااعه وابسطونى معاااااااااااااااكم واحكوا كتير عن سفركم " انتوا عنينا اللى بنشوف بيها العالم الاخر"

 

[Omar Selim]

عايزربنا يسعدلك وتسافري قريب

 

[Mohamed Kamal]

ان شاء الله عن قريب

 

[سعاد الحداد]

تفتكروا فعلا انى ممكن اسافر انا دايما بدور على النت واسال ناس سافرت وبتابع الجروب هنا ..ولما حد ينزل الخطوات اللى عملها علشان يسافر بفضل افكر ابدأها ازاى واعمل ايه ..لعله اقرب مما اتخيل

 

[Hossam Maxman]

ربنا يوعدك بالعمرة والحج الاول

 

[أحمد نور الدين]

هتعملي عمرة أن شاء الله السنة الجاية العشرة الاواخر من رمضان وبالتقسيط تابعيني على اخر شهر نوفمبر هعمل بوست مخصوص لعمرة العشرة الاواخر بس انتي لازم يكون معاكي محرم علشان تعرفي تسافري

 

[Ahmed Nady]

كل ما تسعي ربنا بيكتبلك اللي انتي عايزاه اسعي وسيبها علي ربنا

 

[Amr Ali]

انا يعتبر مسافر للعمل من فترة..الغربة مش سهلة ومش مريحه على الإطلاق خصوصاً لما تكون لوحدك بعيد عن الاهل والاصحاب..
ملل وزهق وخنقة كتير والروتين اليومي ، صحيح فيه اختلاف بيئة بين مصر وبين الغربة لكن بتوحشنا مهما بعدنا عنها هي الأساس..

 

[Eman Ali]

حتي لو مبتطلعيش بس كفاية انك عندك حب الحياة والسفر احيكي بجد علي حماسك وان شاء الله البوست الجاي ليكي تكوني بتحكلنا علي اول رحلاتك وربنا يرزقك زيارة بيته الحرام دي فعلا امتع رحلة ممكن تعمليها في حياتك

 

[سعاد الحداد]

والله انتوا فرحتونى اكتر بكومنتاتكم وتشجيعكم ليا

 

[Aya Alsadani]

يارب تلفي العالم كله و تنزلي بالصور

 

[Haitham Hammad]

حضرتك واحنا برة بنكتشف اننا بنحب جوا اوي برغم كل الارف الي احنا عارفينة. كفايه بس بعد ما تلف و تخلص السفريه وتبقي في اخر مطار ترانزيت و تشوف اسم القاهرة ع اللوحه بس. الواحد بيفرح و يبتسم كدة و الموود كله بيتغير. بطلو يا جماعه تشتموا في بلدنا. بلدنا حلوة.

 

[Mohamed Abo Magdy]

والله انا زيك اهو بقعد اتفرج عل الحجات اللي هما بينزلوها وانا مش عارف افي اسافر زي زيك بس الحل في ايدينا احنا اللي بنعمل كل حاجه فلازم تخططي وتعملي حساب الصغبره قبل الكبيره والله انا مقدرتش اسافر السنادي علشان الميزانيه بتاعتي وانشاء الله انا حطيت السفر دا اول حاجه في حياتي هشتغل واحسن ميزانتيتي وانشاء الله السنه اللي جايه هنزل بوست عن سفري انشاء الله فانتي متعقديش نفسك الموضوع والله سهل مش معني اللي الناس كلها بتروح اوروبا يبقي كلنا نروح اوروبا في بلاد تانيه والله احسن من اوروبا وربنا يسعدك وتحققي كل اللي بتتمنيه انشاء الله #دمتم #مسافرين

 

[Suzan Baseem]

سعاد مُمْكـcan☆ــטּًًًْ تشتري تأشيرة عمره بَــسّ وتيجي هنا عــلے اخوكي وتقعدي شهر مثلا او ٣اسابيع

 

[Adel Elsaid]

ان شاء الله تسافري تعملي عمرة وتسافري بلاد كتير تزوريها... ومصر فيها اماكن حلوة والله تتزار.. حاولي تستمتعي بيها برضه هتعجبك

 

[Basma M. Eltanany]

ماتحطيش في بالك...فجأه هتلاقي نغسك في الطياره ورايحه اكتر مكان نفسك تروحيه وساعتهآ هتحسي معني يرزق من يشاء بغير حساب بس انتي اسعي لتحقيق اللي نفسك فيه

 

[Ayman Sabri]

ان شاء الله حكتب بوست عن ازاي تسافر برة مصر وتستمتع من غير ما تدفع فلوس كتيرة ... المصاريف اللي حتصرفيها في جمصة ممكن تصرفيها في بلد برة مصر وتستمتعي اكتر

 

[Amira Farouk]

بجد كلام جميل اوى وانا كمان بردو نفسى الف الدنيا وارجع فى الاخر لأجمل بلد فى العالم من وجهه نظرى بلدنا الجميله مصر .. ويمكن زى ما اتقال لو شوفنا الدنيا نحس بقيمه بلدنا اللى مفيش زيها وربنا يكتبلك العمره يارب

 

[Asmaa Eldakrony]

انتي جميلة اوي وربنا هيسعجك وهتسافري وابقي افتكري

 

[Ashraf Kenawy]

انا مش عارف اكتب بوست وعندي استفسار مهم جدا. اعمل اية