مساء الخير... انا عندي سؤال محيرني شويه كل ما...

[Ahmed Mahmoud]

مساء الخير...
انا عندي سؤال محيرني شويه كل ما اشوف الكومنتات كل الناس بتقول لبعض و بتنصح ان ما في حد يروح الأهرامات علشان هناك في قله ادب و كدة و مش راح تاخد راحتك... سؤالي بقه هو في اييييه هناك؟؟
و لو انا نازل من إيطاليا و أولادي نفسهم يشوفوا الأهرامات انا مفروض اعمل ايه؟؟؟
و شكرا مقدما

 

[Dalia Mohamed Taha]

نصيحه من اخت
متنزلش مصر اصلا

 

[Abdalrahman Osama Diab]

لو حسوا انك عايش بره و نازل اجازه هيضربوا الاسعار في 10 و الباعه الجائلين سخاف و ما تفكرش تاخد جوله بالحصان و لا بالجمل الا لما تسأل علي سعرها الاول .. روح الصبح بدري عشان تدخل من الباب الرئيسي مش عن طريق نزله السمان ..بس كده

 

[Sherif Azhary]

بودى جارد

 

[Nessrin Mahmoud]

انزل متخافش احنا رحنا و الموضوع عايز حرص مش اكتر

 

[Nour Mohamed]

كويس والله ان حضرتك سالت لان انا كمان الشهر الجاي اصحابي نازلين مصر من كندا المشكله ان ناس صحابي لسه جايين من هناك قالولي ان الوضع بقى صعب جدا بس ماقالوش تفاصيل غير موضوع الشاي والتيبس والاستغلال المادي ،، ياريت حد يقولنا لو في حاجه تانيه عشان نهيء الناس مش عايزين فضايح

 

[Dalia Fakhry]

انا ابن اختي بيدرس في امريكا و كان واحده زميلته أمريكيه جت معاه و راحوا الاهرامات و بعد لما اتفقوا مع الراجل ياخدهم جوله بالحصان و اتفقوا علي السعر دخلهم لحد الصحرا و طلب منهم ضعف السعر او ينزلهم في وسط الصحرا و يسبيهم و طبعا البنت فهمت من طريقه النقاش

 

[Shady Abdalla]

شرطه السياحه مسيطره . و لو صوت حضرتك على شويه على اى حد من البياعين او بتوع الكارته و الجمال حتلاقى الظابط اودامك . انا كنت هناك فى العيد الكبير . امن و تفتيش ممتاز .

 

[Hossam Maxman]

هري
انزل وخوض تجربتك

 

[Karem Abubakr]

كارثة اقسم بالله
اهم و اعظم تراث انساني في ايد شويه مرتزقة و جهلة

 

[Mustafa Nasr]

روح ياباشا مايهمكش بس سيبك من الناس الي هناك

 

[Sara Amr]

احسلك ماتنزلش

 

[Ahmed Zidan]

حضرتك تشوف مرشد محترم يكون معاك علشان يتعامل معاهم و يشرحلك و يكون مرافق معاك طول الزيارة ..و لو عايز ممكن ارشحلك حد

 

[Ahmed Barakat Ibrahim]

انزل عادي مفيش مشاكل الكلام ده بيحصل في جميع البلاد الفقيره وكمان بيحصل بس بشكل اقل في بلاد جنوب أوربا حتي امريكا لو اتكلمت مع اللاتينيين إسباني تاخد سعر أفضل في اسبانيا بيغلوا لو بتكلم إنجليزي بس ما بيحصلش في دول زي ألمانيا او سويسرا او دول غرب أوربا عموما بس احنا عندنا بيزودوها شويه

 

[Randa Essawy]

انا كنت هناك من فترة كام شهر.. الموضوع عادي يعني هتلاقي بس ناس بتحاول تبيعلك تحف أو تماثيل بأسلوب شحاته.. قول لا وبينتهي الموضوع. برضه ركوب الجمال والحصنه بيحاولوا يغلو يعني حكاية فصال.. فنصيحتي روح طبعا وأستمتع باليوم ذكرى حلوة وصور ولا أروع..

 

[Ala'a Muhammad]

أفتكر ان الكل اجمع بلااااااش..روحت من ٤ سنين هناك و حلفت ان عمري ما هكررها تااااني

 

[Aya Haider]

هو المشكله ان المكان مش نضيف خالص و مفيش اى اهتمام و ريحة المنطقة كلها هناك مش طبيعية و التعامل فى استغﻻل جامد و لو روحت ف يوم فية شوية هوا هترجعو عباره عن كتل من التراب للاسف بس ده ميمنعش انك تخوض التجربة مع اوﻻدك يعنى

 

[Randa Essawy]

حاجة كمان.. ممكن تلاقي حد يقولك بكل ذوق انا ممكن اصورك.. وكأنه مواطن عادي معدي فحب يعملك خدمة وياخدلك صورة.. دول أشخاص بياخدلك كام صورة وبعدين يقولك أن كده أجرته 200 جنية مثلا.. واحد عملها معايا قلتله انت اللي عرضت انا ما طلبتش خدماتك.. ولما رزل كتير اديته 10 جنيه وقلتله اذا عاجبك!.. فدلوقتي اديك عرفت حيله كمان من اللي بيعملوه.. فحاول انك ما تتكلمش كتير مع حد.. ولو عايز تحف اشتري من المحلات اللي في المولات البعيدة عن الأماكن الأثرية مفيهاش فصال وسعر مكتوب عليها وحاجة نظيفة من محل مش من الشارع.

 

[Kareim Salah Aldine]

طب اقسم بالله وانا نفس الكلام

 

[Mahmoud Mimmo]

اوعي تروح هتكره نفسك و في الْيَوْمَ الي رحت في هناك