A
Ashraf Gawdat
:: مسافر ::
يا جدعان هو الهري ده مش ناوي يخلص؟ هري × هري × هري داخل بقاله في سنة أهو. ألمانيا أو غير ألمانيا هيرجعوك لو مكانش معاك إثبات إنك رايح البلد المصدرة للشنجن .. وكل اللي قالوا تجارب زي كده قالوا إن مكانش معاهم إثبات إنهم رايحين البلد المصدرة للشنجن .. وأتحدى أي حد يقول إنه كان معاه إثبات إنه رايح البلد المصدرة للشنجن وإن هي وجهته الرئيسية ورغم كده رجعوه
وبما إن الناس بتقول تجاربها الشخصية فأنا تجربتي الشخصية من شهرين في يوليو السنة دي 2017 دخلنا من مطار ميونخ واحنا معانا تأشيرة النمسا بس كان معانا تذكرة العودة من فيينا فده كان إثبات كافي ليهم إننا رايحين النمسا ودخلنا عادي من ميونخ
ونزيد القصيدة بيت .. لو داخل نفس البلد المصدرة للشنجن برضه ممكن يرجعك لو شك فيك .. لو شك إن البلد دي مش هي وجهتك الرئيسية وإنك مجرد واخدها كوبري علشان تروح بلد تانية ممكن يرجعك .. ومرة حد قال إنه كان داخل إيطاليا بتأشيرة إيطاليا ورغم كده رجعوه لأن مكانش معاه حجز فندق في إيطاليا .. فيعني حتى كون التأشيرة من نفس بلد الدخول ده مش ضامن أكيد للدخول
نقول للمرة المليون: غرفة السياحة ولا البطيخ دي مش أعلم بقوانين الشنجن من دول الشنجن نفسها .. وسفارات دول الشنجن نفسها بتقول نطلع الشنجن من بلد الوجهة الرئيسية (أكتر عدد أيام) حتى لو مش هي بلد دخول الأولى لمنطقة الشنجن .. وحضرتك لو طلعت الشنجن من ألمانيا ودخلت أول بلد ألمانيا بس هتقعد فيها يوم واحد وتروح أي بلد تانية عدد أيام أكبر تبقى البلد التانية دي هي وجهة السفر الرئيسية ويبقى انت كده خالفت قوانين الشنجن أصلا وليهم حق يرجعوك من المطار في ألمانيا رغم إنك مطلع الشنجن من ألمانيا وداخل ألمانيا أول بلد .. أصل مش هم نفسهم هيقولوا قوانينهم اللي هم حاطينها بشكل واضح وصريح علشان نيجي احنا نفتي وندعي إننا بنفهم أحسن منهم في حاجتهم اللي هم عاملينها
وبما إن الناس بتقول تجاربها الشخصية فأنا تجربتي الشخصية من شهرين في يوليو السنة دي 2017 دخلنا من مطار ميونخ واحنا معانا تأشيرة النمسا بس كان معانا تذكرة العودة من فيينا فده كان إثبات كافي ليهم إننا رايحين النمسا ودخلنا عادي من ميونخ
ونزيد القصيدة بيت .. لو داخل نفس البلد المصدرة للشنجن برضه ممكن يرجعك لو شك فيك .. لو شك إن البلد دي مش هي وجهتك الرئيسية وإنك مجرد واخدها كوبري علشان تروح بلد تانية ممكن يرجعك .. ومرة حد قال إنه كان داخل إيطاليا بتأشيرة إيطاليا ورغم كده رجعوه لأن مكانش معاه حجز فندق في إيطاليا .. فيعني حتى كون التأشيرة من نفس بلد الدخول ده مش ضامن أكيد للدخول
نقول للمرة المليون: غرفة السياحة ولا البطيخ دي مش أعلم بقوانين الشنجن من دول الشنجن نفسها .. وسفارات دول الشنجن نفسها بتقول نطلع الشنجن من بلد الوجهة الرئيسية (أكتر عدد أيام) حتى لو مش هي بلد دخول الأولى لمنطقة الشنجن .. وحضرتك لو طلعت الشنجن من ألمانيا ودخلت أول بلد ألمانيا بس هتقعد فيها يوم واحد وتروح أي بلد تانية عدد أيام أكبر تبقى البلد التانية دي هي وجهة السفر الرئيسية ويبقى انت كده خالفت قوانين الشنجن أصلا وليهم حق يرجعوك من المطار في ألمانيا رغم إنك مطلع الشنجن من ألمانيا وداخل ألمانيا أول بلد .. أصل مش هم نفسهم هيقولوا قوانينهم اللي هم حاطينها بشكل واضح وصريح علشان نيجي احنا نفتي وندعي إننا بنفهم أحسن منهم في حاجتهم اللي هم عاملينها