N
Nariman El-Sokkary
:: مسافر ::
عدم الإجبار على برنامج حد، المتعة في النظر و التصوير بعينيك، الصحبة حلوة بس لما نكون ناس كتير كل واحد عنده هوايات مختلفة مبنتبسطش.. و كل واحد بيحب اماكن مختلفة، انا مثلاً بحب الثقافات و الناس اكتر من المباني و الابراج.. الطبيعة بتبهرني، معنديش مانع اقعد على قهوة بلدي و آكل من الشارع و بتبسط اكتر بكتير.. ده غير انك ممكن تقابلي ناس من البلد و تتعرفي عليهم و تتكلموا في مواضيع مختلفة مسلية و تتبسطي
W
Warda Ahmed
:: مسافر ::
هو قرار السفر يكون متحدد وخالص بعدين على حسب المكان والغرض من السفر. في اماكن ما اعتقد ينفع السفر لها لوحدك خاصة من ناحية الأمان أو مثلاً طبع أهل البلد لو كانوا منغلقين. وفي اماكن ما تفرق لو سافرتي لها لوحدك ولا مع احد فأنا وقتها أفضل اسافر لوحدي بلا ما اتحدد بمزاج الشخص/الأشخاص اللي معاي مش عشان مجبوره ولا مافي حد ارتاح بالسفر معاه لأ عشان انا أحب أرافق نفسي وأمشي مع نفسي وآخذ نفسي وأمشيها نشم هوا مع بعض(اللي هي نفسي) وبرضو تكون فرصه اكبر أتعرف فيها على اهل البلد وفي مجال أكبر للتأمل وبرضو أحس الوقت يصير فيه بركه بصراحة
A
Alyaa Ibrahim
:: مسافر ::
انا سافرت قبل كده لوحدي و يمكن دي من احسن تجارب في حياتي بتعلمك ازاي تتصرفي لوحدك و بتدي جرأة كويسة و بسببها اصلا اتعرفت على احسن ناس في حياتي دلوقتي فا انا شايفة ان السفر لوحدك حلو جدا و تجربة لازم تجربيها مرة على الأقل في حياتك... و كمان اوقات كتيرة لما تسافري مع صحابك بتجيب مشاكل كتيرة لأن طباعهم بتبقى مختلفة و مش دايما هتلاقيهم كلهم بيحبوا يسافروا و يطنطوا في البلاد اللي فيها فسح كتيرة انما لما بتعرفي ناس بتحب السفر و كده بتلاقي بتتعلمي ازاي توفري و ازاي تتعودي تقعدي في أماكن مكنتيش تتخيلي انك تقعدي فيها لو انتي مع اهلك او صحابك... عشان كده شايفة انك لازم تجربي تسافري لوحدك هتتبسطي جدا