انا عايزه اسافر تركيا و انا في الباسبور حاصله...

[Sara Assem]

انا عايزه اسافر تركيا و انا في الباسبور حاصله علي بكالوريرس والناس بتقولي لازم اقدم علي فيزا زياره مش سياحة و انا فتحت ال visa site و بعمل application ملقتش فيزا اسمها اسمها زياره اصلا و هل لو عملتها سياحة و جبت hr letter حينفع و لا

 

[Hend Salem]

التصريح الأمنى لتركيا
لو مكتوب لك وظيفة فى الباسبور ---> تطلعى فيزا سياحة و تسافرى
لو مكتوب لك حاصلة على أو طالبة ---> لازم فيزا زيارة بدعوة من شخص هناك أو منظمة أو هيئة أو فيزا مرافق لزوج أو أخ أو والد
و كده كده هيطلبوا فى المجمع خطاب HR و برنت تأمينات لو مكتوب لك وظيفة و لكنه لا يغنى عن الوظيفة فى الباسبور
يعنى يا اما تغيرى الباسبور و تثبتى وظيفة و تطلعى تأشيرة سياحة
أو تجيبى دعوة و تعملى تأشيرة زيارة أو تطلعى مرافقة
أو تطلعى تأشيرة و تروحى دولة مش مطلوب لها تصريح أمنى و منها على تركيا زى دبى مثلا بس ده هيضاعف التكلفة

 

[Reham Said]

يعني الباسبور لازم يكون مكتوب فيه جهة العمل مينفعش يقدم خطاب يثبت وظيفته؟