عايزه اسال البنات اللى بتسافر لوحدها او مع...

[Heidi Mostafa]

عايزه اسال البنات اللى بتسافر لوحدها او مع اصحابها حقيقي من غير اى سخريه ازاى بتقدروا تقنعوا اهلكم بالموضوع

 

[Mo Melegee]

سؤال جوهري جدآ (Y)

 

[Ola Eslam]

هددي بقطع شريانك او تقطع كل الكتب طبعا في أهالي متفاهمه مش حد اقنعهم يعني الخوف عندهم مش اوفر وفي اهالي لااو حل بقي منتاز لو بتشتغلي وتقدر ي تخدي باباكي او مامتك معكي ويجربوا متعه السفر حيرضوا تسافري بعد كده لوحدك

 

[Radwa Ali]

Klo bl kalam wl mon2sha wl eqna3 wallahy howa lw rtbty plan koisa w wrthalhom w shr7ty ezay hykon el mwdo3 aman hyfdlo 5yfen bs mmkn ywf2o le 7so eno 32la kfaya w m5tta kois

 

[Mohamed Omran]

Excatly جربي تنتحر ي لو موتي في احتمال تسافري لو موتي مش حتسافري طريقة ناجحة بس جربيها كده

 

[Sandra Jad]

بخطط لسفري وبجهز نفسي وبقولهم اشوفكم على خير هههههه وبس ,,مش بقنعهم بحاجة بالعكس هما اللي احيانا بيقولوا لي سافري

 

[Moataz Elshafeay]

من اوضاع البلد و الناس اللي بتنزل من بيتها مابترجعش بتخلي كل اهل بيترعبوا علي عيالهم لو غابو عنهم دقيقه
حطي نفسك مكانهم
اكيد احساس صعب

 

[Fleur de Tulipe]

انا عايشة برا ف دي يمكن ميزة،اهلي عارفين اننا شاطرة ويعتمد علي حتى لما بسافر معاهم انا اللي دايما بضبط السفرية كلها من الالف للياء ف دا بيخليهم يثقو في وما يخافوش علي اوي لما بسافرلوحدي،اول مرة ما تقبلوش الموضوع وفضلت اقنعهم كتير وبعد ما سافرت ندموني عشان كل شوية يتصلو يطمنو وكده بس بعد كدا اتعودو وبقا الموضوع عادي،مش عادي اوي يعني بس بيحاولو يبينو انه عادي

 

[Mennat'allah Khaled]

اتكلمى مرة و اتنين و تلاتة ع الاقل لحد ما تسافرى مرة و كلميهم اتك شلتى مسؤلية نفسك مرة اهو و خططتى كويس و كده و سفرية هتجيب سفرية .. المهم يقتنعوا انك بتعرفى تتصرفى و بتشيلى مسؤليتك

 

[Rana Salah Girtalla]

الموضوع بسيط جداا اقنعي باباكي انك انتي اد المسؤليه و انه مدام مديكي الثقه يبقى لازم يسيبك ولان ده بياثر في حياتك فيما بعد و هيخليكي شخصيه متفتحه و ناضجه كفايه تواجهي اي موقف تتعرضي ليه و بالراحه و الادب كده هيطلعك

 

[Ayman Sabri]

الموضوع لازم يجي بالتدريج ....يعني في الاول مثلا تمهدلهم انك بتقدمي على شغل برة .. طبعا هما حيسيبوكي لأنهم مطمنين انك مش حتتقبلي.. وبعد كدة تقوللهم انك عندك انترفيو في الرياض مثلا وبالمرة حتعملي عمرة ... وتقنعيهم انك تسافري لوحدك لان الشركة حتبعت ليكي انتي بس الفيزا والإقامة .. والسعودية ميزتها ان صعب حد يسافرلها وحتى لو جاب فيزا عمرة لازم يدخل من مكة وانتي الإنترفيو في الرياض ودة عشان ماحدش يفكر أنه يروح معاكي .. طبعا الموضوع حيبقى فيه اعتراض جامد جدا .. المهم طبعا في الوقت دة تكوني مجهزة معلومات حقيقية عن الشركة ... وأنك تحسسيهم انهم بيمنعوا عنك ثواب العمرة و الشغل .. وان السعودية بلد مافيهاش خوف وستات كتيرة بتسافر و تشتغل هناك ... وأنها أمان .. أعدي اقنعي فيهم بشتى الطرق ... طبعا حتلاقي اعتراض والوقت حيعدي ... في البداية بيبقى الاقناع صعب ... لكن من مرور الوقت وكتر الزن ... بيبدأوا يلينوا ... وطبعا هما كدا بيمنعوكي عن ثواب العمرة ... الخطوة الثانية :ضيعي الفرصة على نفسك ... واقلبيها غم في البيت .. ودايما لوميهم على تضيع فرصتين ... فرصة لمستقبلك والفلوس وفرصة العمرة ...
بالخطوة دي قدرتي تعرفي ايه هيا أوجه اعتراضهم على سفرك و معاكي الحجج القوية للرد في اي اعتراض ... وكمان اهلتيهم نفسيا بتقبل فكرة سفرك لوحدك لانها أصبحت فكرة مطروحة ...
الخطوة الثالثة : جهزي نفسك بعديها بشهر يانتوفيو برضه في بلد تانية ... وان الشغل حيكون في مصر مش في البلد التانية ... بس الإنترفيو هناك ... وحتقبضي بالدولار في مصر ... وأنها فرصة عظيمة ليكي... ومش حينفع تضيعيها زاي اللي فاتت ...
هنا بقى بنسبة كبيرة حتاخدي الموافقة مع شوية شروط تقدري عليها ...
وألف مبروك على السفرية الاولى ليكي وليست الاخيرة ،..

 

[Rhonda Torayah]

التصرفات... انا بابايا بيوافق اختي واخويا يسافروا لكن انا لأ أبدا... ابتديت اطلب منه اسافر اسكندرية يوم وارجع وفضلت اعمل كدة كذا مرة شوية وقولتله الساحل في الويكند وشوية وطلبت اروح الغردقة وكنت ببقى حريصة جدا اني اطمنه دايما وانا هناك واوريله اني اقدر احوش واحجز مواصلاتي واقامتي لوحدي واروح وارجع من غير اي مشاكل الحمد لله وبعدين قولتله عايزة اسافر برة لما أحوش فقال ماشي على اساس مش هقدر اعمل ده... حوشت فعلا وقولتله ان في حد هيساعدني في الحجوزات كان نفسه يقول لا بس مكانش عارف يجيبهالي ازاي هديت فترة وقولتله خلاص يا بابا حجزت وكله تمام وبرده كنت مصرة ابينله اني قد المسؤولية والحمد لله محصلش اي مشاكل واثبتله ده

 

[Noor Aql]

لازم يبقي معاهم كل التفاصيل و ارقام الناس اللي معاكي و ابتدي برحلة يوم واحد بعدين يومين و هكذا

 

[Semsema Halfmoon]

️

 

[Yote Mohamed]

لازم الاول توريهم انك بتبذلي مجهود عشان.دا حلمك الوحيد وانك مش محتاجة حاجة غير السفر ولازم تكلميهم فنقطة الثقة وانك قوية واد اي حاجة وميخافوش عليكي واهم حاجة انتي اسعي ووريهم دا وحاولي كمان توصلي للاسباب اللي مخلياهم يعترضوا واعملي عكسها ولو الموضوع رخم معاكي اكتر من كدا اكتئبي هيخافوا عليكي:') وهيوافقوا ومعاكي ربنا انشاءالله هيقتنعوا

 

[IsLam Sadek]

لو اهلك شايفين فيكي اعتماد عالنفس و تحمل للمسؤولية..معتقدش هيبقي في السؤال ده من الاساس

 

[Fatma Sayed]

مهم جدا انتي طالعة مع مين و انهم يحسوا انك هتكوني في امان.. حتى مع الوقت القلق هو هو.. ان شاء الله تقدري تسافري

 

[Fatma Sayed]

اصلا مؤخرا" البنات بتسافر برة تتفسح اكتر من الرجال

 

[Salma Mohamed]

الزن عالودان امر من السحر

 

[Ghada Abdalla]

هما مقتنعين لوحدهم