هل تايلاند محتاجة تصريح أمني الامر عاجل جدا...

[Mohamed Khamis]

هل تايلاند محتاجة تصريح أمني
الامر عاجل جدا
لأني حجزت بالفعل
ثم وردتني اخبار انها محتاجة تصريح أمني
ولا يوجد وقت كافي لاستخراجه

 

[Sameh Farghaly]

لا مش محتاجة
بس لو جواز سفرك مش مكتوب فيه غير مطلوب نهائيا للتجنيد يبقي لازم تاخد تصريح سفر من منطقة للتجنيد

 

[Ali Adora]

مفيش حد سألني على تصريح أمني وأنا مسافر

 

[Refaat Hanna]

محتاجة

 

[Rana Salah Girtalla]

لاا الي اعرفه انها بتحتاج، اسال في مجمع التحرير اضمن ليك عشان ميروحش الحجز عليك

 

[Mohamed Khamis]

انا شوفت القرار ان تايلاند من الدول المحتاجة تصريح أمني
و لكن اخبرني البعض إن اسمها ورد بالخطأ
و في المطار مش بيطلب تصريح أمني ليها
فرجاء من كان له سابقة سفر قريبة لتايلاند يفيدني

 

[H Uda A Hmed]

الهند تتطلب تصريح امنى؟

 

[Aya Ahmad]

محتاجه متعلقه فى المجمع تركيا تايلاند الاردن لبنان ماليزيا

 

[Hussien Madina]

محتاجة

 

[Heba Waleed Saied]

انا سفرت تايلاند السنة الي فاتت وقالولي لازم نصريح امني وكنت هلغي السفر بسببةً لاننا كنت لسة مكتبناش الكتاب وحاولت كتير وطلع عيني لحد ما طلعناة وفي المطار ولا حد سال علية ولا طلبوا وقطعناة من كتر الغيظ

 

[Heba Waleed Saied]

وللاسف في مجمع التحرير مش فاهمين حاجة طلعوا عنينا عشان ناخدة وفي المطار قالولنا هو مش مطلوب اصلا

 

[Mina Nosseir Uwk]

سافرت ومحدش سالني غير علي اذن السفر والتذكرة وبس من 5 شهور

 

[Israa Abd El Rahman]

Mohamed Khamis
تايلاند محتاجة تصريح أمني
ده قول فاصل

 

[Israa Abd El Rahman]

اللي بيحصل حاجتين
١- مش بيدققوا عليها قوي في المطار لأنه مش مهم قوي زي تركيا و جورجيا مثلا
٢-حسب مزاج ظابط الاتصال

 

[Maha Sror]

انا طلعته في اقل من ٤ ايّام خليك في ال safe side

 

[Israa Abd El Rahman]

انا بقى لي ٧ سنين بروح تايلاند كل سنة
اخر مرة السنة دي رحت اول يناير و رجعت مارس
الفيزا كانت ملتي ٦ شهور
و كنت بنزل كل ١٢ يوم اقضي يومين في مصر علشان عندي ارتباطات مهمة و ارجع تايلاند

كنت باجي الخميس بلليل و اسافر السبت العصر يعني مستحيل اطلع كل مرة تصريح

اول السفر في اول يناير ماحدش سألني على حاجة خالص
لكن كل مرة كنت بنزل بعد ١٢ يوم و اجي اسافر تاني بعد يومين يسألني على التصريح
علشان الباسبور مكتوب فيه طالبة

انا كنت عاملة حسابي و معايا اصل شهادة التخرج و اصل شهادة قيد اني بعمل ماجستير في الأكاديمية العربية للعلوم و التكنولوجيا و النقل البحري(و دي جهة موثوقة جدا عندهم لأنها تابعة لجامعة الدول العربية) يعني اتأكد ان ورقي سليم و خلاني اسافر

 

[Israa Abd El Rahman]

من فضلكم ماحدش يقول مش مطلوب لها تصريح أمني لمجرد انه ماحدش سأله عليه او طلبه منه

لأنه ده حظ بس

لكن تايلاند مطلوب لها تصريح أمني رسمياااااا

 

[Khaled Oh Ya]

التصريح الامنى للوظائف البسيطه و اللى مكتوب فى باسبوره حاصل على .. لكن لو وظيفتك كويسه و ليها مركز بيقى مالكش تصريح امنى

 

[Israa Abd El Rahman]

هي الناس ليه مش بتفرق بين
ان البلد مطلوب لها تصريح أمني
لكن أشخاص معينة مش مطلوب منهم تصريح أمني

 

[Israa Abd El Rahman]

تايلاند مطلوب لها تصريح أمني ؟
اه مطلوب لها تصريح أمني

لكل الناس الكلام ده ؟
لا مش لكل الناس طبعا

و فيه ناس مطلوب منها و ماحدش بيطلبه في المطار ؟
اه عادي بتحصل كتير حسب الحظ و مزاج ظابط الاتصال