هو في اي اوراق فرعيه زي شهاده صحيه او خلافه ممكن يوقفوني في المطار عليها لو هسافر اندونيسيا
وكنت عايز اعرف انا لما انزل ترانزيت في مطار حمد هيبقى في حوالي ٩ ساعات هل ينفع فيهم اخرج بره المطار وارجع وانا معيش اي ورق يخص قطر
وشكرا
مش هينفع تطلع برا المطار عشان ممعكش فيزا قطر انت ليه اخترت ترانزيت طويل كدا!! عموما لو بالليل ممكن تحجز اوضه ف المطار لو فيه ودا هيكلفك او تنام ف مسجد المطار بقا
مطار حمد جميل و الانترنت فيه مجانى و كويس ، فى غرفه نوم رجالى ببلاش مش بفلوس بس مش هتكون فيها لوحدك ممكن تنام فيها عادى فيها سراير و كويسه ، هتحتاج معاك چاكيت تقيل عشان المطار بيكون سقعه تلج و مش هتعرف تنام
مفيش شهادات صحيه ولو انتظارك بالمطار أكتر من ن ٦ ساعات بيحق لك فندق مجاني مع فيزا دخول والفندق قريب للمطار مع باص مجاني ووجبه مجانا بالفندق وممكن تتجول في الدوحه
انا كان الترانزيت بتاعى فى الدوحه ١٣ ساعه و مكنش ليا حق حجز الفندق كان اخرى اوضه الاستراحه ، بس عموما المطار اصلا تحفه و عباره عن مول كبييييير مليان كافيهات و مطاعم و محلات من اول اللبس لحد العربيات و المجوهرات
حتي لو انت حاجز بنفسك اول ما توصل مطار الدوحه روح عند مكتب اسمه الترانزيت هيجيلك علي اليمين وانت داخل المطار قبل تفتيش الترانزيت وهما هيعملوا لك الحجز والفيزا مجانا
