C
Catherine Matthwe
:: مسافر ::
وجهات نظر دبي من اجمل واقرب بلد لقلبي بعد مصر بلد تخليك تتمني لو فعلا كنت ابنها امان ٢٤ ساعه حقك يرجعلك بمجرد ما دخلت قسم الشرطه مره دخلت السينما ونسيت شنطه فيها حاجات متقلش عن ٥٠٠ دولار تاني يوم روحت سلموهالي ف تلت دقايق غير الشرطه اللي ف البلد ٢٤ ساعه لحمايتك والنظام الاوفر ده كفايه القعده بليل عالبحيره وسط لمه اصحابك في قعده باربيكيو بلد الغني والفقير وانضف لبس واحسن اكل واجدع شعب يخدمك بعنيه لمجرد انه يعرف انك مصري كل حاجه متاحه ٢٤ ساعه في بلاد روحتها نسيت اجيب اكل لابني فضل يعيط طول الليل لحد ما المحلات فتحت وبلدتانيه ابني فضل يتالم اربع ايام من الم اسنانه عشان عندهم اجازه وممنوع اشتري اي دوا غير بروشتا من الدكتور وكل العيادات والمستشفيات قافله اعتقد انك معرفتش الامارات صح ثقافه ونظام وحضاره نضيفه لسه بتبدء شاطي الجميره لحد مرسي اليخوت شكل الفيلل والقصور تحس انك ف المعادي ايام الملك فارق الشارقه تحس انك ف القاهره بالظبط من كتر المصريين وعجمان كانك روحت العين السخنه هاديه وجميله وتنزل دبي معني الفخامه بجد ف قعده ف اطلنطس وبالنهار عندك اكبر مدينه مائيه ف الشرق الاوسط اكوا ادفانتشر وبعدها وايلد وادي مول دبي فيه اكبر اكواريوم لاحلي انواع السمك واكبرهم وزن مول ابن بطوطه وجماله فسحه لوحده مفتكرش ان عندك فكره عن دوله الامارات اجمل بقاع الشرق الاوسط تطورا وحريه وامان مفيش منظر وحش تشوفو هناك مستحيل كل ده وفي اماكن كتير مكتبتهاش
A
Abdelfattah Essam
:: مسافر ::
في الامارات روحت رأس الخيمة ودي زي الريف كدة مفيهاش ابراج وحاجات من دي كورنيش بس تفريبا وعجمان كذلك والشارقة بقي دي اللي جميلة ومتوسطة مابين دبي وتركيا الكورنيش بتاعها جميل جدا ودي صورة مصورها لية وفيها ابراج كذلك اما دبي فيها ابراج وبنايات انجليزية وأوروبية مش متتخيلهاش في بلد عربي والاهم من دة انا ٤ ايام فيهم مشوفتش الشرطة غير مرة وكمية احترام للقوانين والنضافة حاجة فعلا جميلة ومسافر فرنسا فيينا سلوفاكيا سلوفينيا كمان شهر ان شاء الله
A
Asma Ali
:: مسافر ::
بالنسبة لي باريس ما كانتش على مستوى توقعاتي خالص مخيبة للامال بجدارة مش نضيفة والتماثيل الوانها بلدي بني غامق وذهبي حاجة مقرفة والفرنسيين قلة ذوق ما حصلتش وناس tough حقيقي كرهتهم مافيهاش غير المتاحف بس انما لا معاملة ولاراحة صيت عالفاضي .. اللي عالنقيض تماماوحلوة بجد برلين unique city نضافة ايه وجمال ايه جميلة بجد كمان فرانكفورت هايلة وفعلا الالمان رائعين وده كان عكس توقعاتي حبيتهم جدا وكمان مدينة مالمو في السويد حلوة جداااا طبيعتها ساحرة وبسيطةوقريبة من كوبنهاجن