M
Mahmoud El Kak
:: مسافر ::
تكملة لسلسة تحدي ال 300 دولار ,احب اطمنك رحلتك للأردن ممكن تكلفك أقل من المبلغ ده كمان بكتير 
"تحب تسافر أجازة بره مصر انت و حد تاني بأقل من 300 دولار انتو الاتنين على بعض شاكب راكب ؟؟؟
بصوا أنا بصراحة عملتها السنة اللى فاتت و طلعت مع مراتى (الأردن) ، و كانت المفاجأة ....
قبل ما مودك يقفل بس أحب أقولك إن الأردن دى من أجمل بلاد الأرض.. أنا راجل سافرت 13 دولة منهم 8 فى أوربا و عارف باقولك ايه.. إحنا بس مش دريانين بيها عشان جنبنا هنا.
نخش فى المهم.. عملتها ازاى بالمبلغ الجميل ده ؟؟ .. بص يا سيدى و بصى يا ستى . أول حاجة الأردن مالهاش تأشيرة ، يعنى تاخد باسبورك و تطلع على هناك كأنك رايح شرم الشيخ مثلا عادى جدا ، طاب نتكلم بأه عن برنامج الرحلة و تكلفتها.. مبدئيا أنا ماطلعتش طيران أنا طلعت بالعبارة من ميناء نويبع !! سعر العبارة من نويبع للعقبة 445 جنيه مصرى للفرد (ذهاب فقط) و العبارة بتطلع يوميا ، إعرف المواعيد و الأسعار بالظبط من على موقع (شركة الجسر العربى للملاحة) www.abmaritime.com.jo/ar
بس يا سيدى.. وصلنا الأردن ب445 جنيه.. بس كده بالسهولة دى ؟ آه و حياتك.. يلا نبدأ بأه برنامج رحلتنا..
1- بتنزل من العبارة فى العقبة و هى مدينة ظريفة ستايلها عامل زى مرسى مطروح كده ممكن تتلف فى يوم و تريح فى أى فندق استعدادا للفرهضة بكره
2- العقبة دى فى جنوب الأردن ، حناخد بأه رحلتنا بالمواصلات العامة من الجنوب للشمال.. حتطلع من العقبة على البترا.. أهم معالم الأردن.. و هى باختصار أطلال مدينة حفرها الأنباط حفرا فى الجبال.. فيها قصور محفورة فى الجبل بارتفاع الهرم مثلا !!..البترا ليها زيارتين واحدة الصبح و واحدة بالليل .. لازم تعمل الاتنين اسمع الكلام ، لكن زيارة الليل أيام الاتنين و الاربع و الخميس فقط ، و تبات ليلتك فى البترا
3- حتطلع من البترا على البحر الميت.. مواصلاته صعبة شوية معلش. حاتروح من أول اليوم على الشاطئ العمومى. نضيف و فيه غرف تغيير ملابس و استحمام نضيفة.. حاتجرب العوم فى البحر الميت (تجربة غريبة كإنك طاير مش عايم) و تدهن جسمك بالطين اللى الناس بتجيله من آخر الدنيا .. خد حمامك و اتكيف و مش لازم تبات
كمل على عمان العاصمة و بات فيها.. ماتنساش و انت هناك روح شارع (الرينبو) فى السهرة.
4- من عمان فيه رحلات اليوم الواحد لوادى الموجب.. ده مافيهوش بيات بس دى باعتبرها امتع مغامرة فى الاردن.. تلبس فيه خفيف و معاك كيس للموبايل عشان حاتتغرق مية شلالات و انهار و انت ماشى ، دا غير الجبال و الحبال و الأدغال و الجو ده.. الناس محبى الأنتخة و الرفاهية ملكوش دعوة بالطلعة دى بتاتا.
5- آخر حاجة فى الشمال مدينة جرش قريبة جدا من عمان تشوف المدينة الرومانية ، و يا سلام لو فى أغسطس تحضر مهرجان جرش فيه نجوم الغناء العربى كلهم و بكلام فارغ .
6- بس يا سيدى.. ارجع على العقبة و خد عبارتك و تعالى .
* أسعار الفنادق متوسطها 15 - 20 دينار أردنى فى الليلة للغرفة المزدوجة بفطار.. يعنى بتاع 400 جنيه .
* كل الأماكن السياحية أسعار تذاكرها مخفضة للأردنيين إنما أسعار الأجانب اضرب فى خمسة.. الشئ الرائع إن المصريين بيتعاملو معاملة الأردنيين رسميا يعنى بالأسعار المخفضة .
* طبعا قبل ما تسافر حول فلوسك دينار أردنى هنا من القاهرة و تجنب التحويل من على العبارة عشان بيستهبلو .
* فيه أماكن حلوة تانية كتير زى ماعين ، و محمية ضانا ، و وادى رم.. انت و ميزانيتك بأه.
* الربيع و الخريف أجمل أوقات الزيارة. "
By: ابراهيم
#نحدي_300_الدولار_الأردن [HASHTAG]#travelsecrets[/HASHTAG]
"تحب تسافر أجازة بره مصر انت و حد تاني بأقل من 300 دولار انتو الاتنين على بعض شاكب راكب ؟؟؟
بصوا أنا بصراحة عملتها السنة اللى فاتت و طلعت مع مراتى (الأردن) ، و كانت المفاجأة ....
قبل ما مودك يقفل بس أحب أقولك إن الأردن دى من أجمل بلاد الأرض.. أنا راجل سافرت 13 دولة منهم 8 فى أوربا و عارف باقولك ايه.. إحنا بس مش دريانين بيها عشان جنبنا هنا.
نخش فى المهم.. عملتها ازاى بالمبلغ الجميل ده ؟؟ .. بص يا سيدى و بصى يا ستى . أول حاجة الأردن مالهاش تأشيرة ، يعنى تاخد باسبورك و تطلع على هناك كأنك رايح شرم الشيخ مثلا عادى جدا ، طاب نتكلم بأه عن برنامج الرحلة و تكلفتها.. مبدئيا أنا ماطلعتش طيران أنا طلعت بالعبارة من ميناء نويبع !! سعر العبارة من نويبع للعقبة 445 جنيه مصرى للفرد (ذهاب فقط) و العبارة بتطلع يوميا ، إعرف المواعيد و الأسعار بالظبط من على موقع (شركة الجسر العربى للملاحة) www.abmaritime.com.jo/ar
بس يا سيدى.. وصلنا الأردن ب445 جنيه.. بس كده بالسهولة دى ؟ آه و حياتك.. يلا نبدأ بأه برنامج رحلتنا..
1- بتنزل من العبارة فى العقبة و هى مدينة ظريفة ستايلها عامل زى مرسى مطروح كده ممكن تتلف فى يوم و تريح فى أى فندق استعدادا للفرهضة بكره
2- العقبة دى فى جنوب الأردن ، حناخد بأه رحلتنا بالمواصلات العامة من الجنوب للشمال.. حتطلع من العقبة على البترا.. أهم معالم الأردن.. و هى باختصار أطلال مدينة حفرها الأنباط حفرا فى الجبال.. فيها قصور محفورة فى الجبل بارتفاع الهرم مثلا !!..البترا ليها زيارتين واحدة الصبح و واحدة بالليل .. لازم تعمل الاتنين اسمع الكلام ، لكن زيارة الليل أيام الاتنين و الاربع و الخميس فقط ، و تبات ليلتك فى البترا
3- حتطلع من البترا على البحر الميت.. مواصلاته صعبة شوية معلش. حاتروح من أول اليوم على الشاطئ العمومى. نضيف و فيه غرف تغيير ملابس و استحمام نضيفة.. حاتجرب العوم فى البحر الميت (تجربة غريبة كإنك طاير مش عايم) و تدهن جسمك بالطين اللى الناس بتجيله من آخر الدنيا .. خد حمامك و اتكيف و مش لازم تبات
كمل على عمان العاصمة و بات فيها.. ماتنساش و انت هناك روح شارع (الرينبو) فى السهرة.
4- من عمان فيه رحلات اليوم الواحد لوادى الموجب.. ده مافيهوش بيات بس دى باعتبرها امتع مغامرة فى الاردن.. تلبس فيه خفيف و معاك كيس للموبايل عشان حاتتغرق مية شلالات و انهار و انت ماشى ، دا غير الجبال و الحبال و الأدغال و الجو ده.. الناس محبى الأنتخة و الرفاهية ملكوش دعوة بالطلعة دى بتاتا.
5- آخر حاجة فى الشمال مدينة جرش قريبة جدا من عمان تشوف المدينة الرومانية ، و يا سلام لو فى أغسطس تحضر مهرجان جرش فيه نجوم الغناء العربى كلهم و بكلام فارغ .
6- بس يا سيدى.. ارجع على العقبة و خد عبارتك و تعالى .
* أسعار الفنادق متوسطها 15 - 20 دينار أردنى فى الليلة للغرفة المزدوجة بفطار.. يعنى بتاع 400 جنيه .
* كل الأماكن السياحية أسعار تذاكرها مخفضة للأردنيين إنما أسعار الأجانب اضرب فى خمسة.. الشئ الرائع إن المصريين بيتعاملو معاملة الأردنيين رسميا يعنى بالأسعار المخفضة .
* طبعا قبل ما تسافر حول فلوسك دينار أردنى هنا من القاهرة و تجنب التحويل من على العبارة عشان بيستهبلو .
* فيه أماكن حلوة تانية كتير زى ماعين ، و محمية ضانا ، و وادى رم.. انت و ميزانيتك بأه.
* الربيع و الخريف أجمل أوقات الزيارة. "
By: ابراهيم
#نحدي_300_الدولار_الأردن [HASHTAG]#travelsecrets[/HASHTAG]
M
Mahmoud El Kak
:: مسافر ::