هل حد من الاعضاء هنا موجود في الإمارات تحديدا...

[Ahmed Abdelhalim Ibrahim]

واضح انه الموضوع نصب جدا ..ترضى تشغلنى فى شركتك من غير ما تشوفنى موهل للعمل ولا لا
لو عايز تتاكد اكتر كلم السفاره واسالهم عن الشركه وهما هيقولك اذا كان ليها ترخيص ام لا ...وده فى القسم التجارى للسفاره

 

[Shaimaa Ragab]

انا حالي ايميل وكان فيه حد كاتب عل موضوع العمل في الامارات تحديدا انه اوعي تصدق موضوع الفلوس اللي تدفعها عشان عقد عمل نهاءي

 

[Hanaa Safy]

ده عادة بتكون ايميلات نصب وبيبعتوا عروض وعقود عمل وهمية اوعي تحول اى فلوس هنا الشركات بتتصل بيك.. لو عايز تتأكد اعمل سيرش على موقع الشركة ولو لقيته حتلاقي عنوان وتفاصيل مختلفه تماما .. ممكن تبعت ميل للتفاصيل اللى موجودة في الموقع بس للتأكد من الشركه . واكيد دى عملية نصب

 

[Gihan Elsobky]

روح سفارة دبى واسال عن الشركه أحسن هما هيفدوكً

 

[نجلاء صديق]

نصب

 

[مجاهد سليم]

شاكر جدا لأراء حضراتكم ..
بس رجاء اللي اقترح اني اروح السفارة ممكن يقولي اروح السفارة ازاي من رمسيس
علشان انا من خارج القاهرة ..
وجزاكم الله خيرا

 

[Ahmed Hassan]

صديقى ماتروحش لا سفاره ولا اى مكان السفاره مالها اى علاقه بعلاقات العمل السفاره الاماراتيه مش سفاره دبي زي ماحد كتب كل اللى بتعمله انها بتعملك البيومترك وبتاخد التقرير الطبي وده طبعا بعد مايوصلها من هنا موافقه وزارة العمل والموافقه الامنيه وتعملك الفيزا

 

[Ahmed Youssef]

نصب

 

[Ahmed Hassan]

اخر تحديث لعقود العمل ان الشركه تبعت عرض عمل رسمى عليه شعار وزارة العمل وعليه باركود بنسميه MB وتوقع عليه ويرجع يتقدم تانى كموافقه من الموظف على العرض وبعد كده بيتم الحصول على كل الموافقات وارسالها للسفاره والخطوه اللى عليك هى بس الحصول على الفيزا من السفاره بناء على الموافقات المرسله للسفار ونتيجه فحص الدم والبصمه

 

[Ahmed Youssef]

تشك السايت اللي انت كنت مسجل عليه وبعتولك من خلاله بيكون شبيه للسايت الاصلي مع اختلاف من .com الي .net

 

[Gihan Elsobky]

انت لو ركبت تاكسى قولوا سفاره الإمارات او طلعها من على النت وشوف عنوانها والمواعيد

 

[Ahmed Alhenawy]

اولا انت متفق معاهم انك تدفع تمن اقامتك وانا اعتبرة خسارة واية هو المرتب المتفق علية ودة كافي ولا لا

 

[Ahmed Elabd]

نصب