S
Samuel Nabil
:: مسافر ::
صباح الخير يا احلى ترافيلرز
ريبورت صغير كدة على كروز اسوان اﻻقصر 4 ايام ب 3 ليالى.
* موش شرط انه اللى مكتوب هنا ده يحصل بالظبط لكن ده الغالب
حضرتك اغلب الناس بتركب القطر من القاهرة ﻻسوان وغالباً أول لما بتنزل بتبدا زيارات ﻻن التسكين فى النايل كروز بيبدأ بعد الساعة 12 ظهراً
ياريت لو تكون مجهز كاب ونظارة شمس وصن بلوك للى مش بيستحمل الشمس و زجاجة مياة وحذاء رياضى او مريح.
هتروح حضرتك السد العالى وتقف عليه من فوق والنبى موش هتشوف حيطة انت فعلا واقف على جسم السد نفسه هتلاقى ناحية الجنوب بحيرة ناصر العملاقة''500 كيلو طول و10 الى 12 كيلو متوسط العرض'' ومن ناحية الشمال هتلاقى القناة البينية ما بين السد العالى وخزان اسوان تقدر تقول عليها مجازا نهر النيل!
فيه هناك لوحات ارشادية عليها معلومات عن السد ورسومات توضيحية لو مكونتش مركز مع المرشد اثناء الشرح.
تخلص زيارة السد وفيه احتمال انك تزور رمز الصداقة المصرية السوفيتيه واللى هو عبارة عن مبنى عالى ''70 متر'' على شكل زهرة اللوتس وبناة جمال عبد الناصر تخليدا لمساعدة الروس لينا .
هتخلص وبعد كدة هتروح لزيارة جزيرة انس الوجود او جزيرة فيلاى واللى عليها معبد ايزيس المشهور
هتعدو بمركب موتور بوت والحاجات اللى هتلاقوها فى المحلات والفروش هناك هى هى اللى موجودة فى جزيرة النباتات والقرية النوبية وكمان السوق فى اسوان يعنى يعنى لو معجبكش السعر امشى وهتلاقي نفس الحاجة بسعر اقل طبعا لو فرقها بسيط موش مشكلة خلى الناس تاكل عيش .
انت وبتنزل المركب الصغيرة خلى بالك على راسك علشان ناس كتييير بتتخبط وبتوجع فعلاً!
ليك في المعبد ساعه تقريبا واحفظ شكل المركب علشان هترجع فيها مرة تانية.
فى المعبد فيه هناك تواليت وكافية سياحى.
وانت ماشى فى المركب اول لما تسيب الجزيرة هتلاقى جنب الجزيرة بحوالى 500 متر فيه زى اعمدة خارجة من الميا دى جزيرة فيلاى أصلاً ياباشا اللى غرقت!
ترجع بقى على الباخرة والتسكين ياريت تحفظ شكل وعنوان المرسى ﻻن فيه احيانا المركب بيكون قدامها كذا باخرة تانية علشان متتلخبطش وخلى رقم تليفون الباخرة والمرشد معاك وﻻزم تتاكد ان كل شىء شغال في الكابينة ولو حاجة بايظة او موش عاجباك بلغ الريسبشن والمرشد بتاعك واﻻ ممكن يحصل معاك موقف موش لطيف فى نهاية الرحلة ويقولك انت اللى بوظت الحاجة دى وحاسب عليها!
ﻻزم تتاكد من موضوع اكراميات الباخرة وشيالين الشنط عند مين علشان متتفاجئش فى اخر الرحلة حد بيقولك ﻻزم تدفع قد كدة
اسال الشركة قبل ما تسافر اصلا او المرشد لما توصل.
بيكون فيه بعض مراكب ليها ليمت معين زى 10 جنية للفرد في الليله و10 جنية لشيال الشنط يعنى 40 جنية للفرد.
هيكون رائع لو اشتريت رحلة القرية النوبية فعلاً هتخسر كتير لو ماروحتش هناك.
على نهاية اليوم او اليوم الثانى الباخرة هتبحر فى النيل شمالاً و هتروح زيارة معبد كوم امبو والباخرة بتنتظر تقريبا ساعة ونصف .
بعدها ابحار تانى علشان تزور معبد ادفو وهنا بقى لينا وقغة مهمة جدا
شوف
ادفو بنروحها بحنطور''عربية بيجرها حصان'' سعادتك تمن الحنطور فى مشوار 10 دقائق تقريبا لحد المعبد ب 65 جنية ل 4 افراد ودى بتحاسب عليها الشركة وانت موش مضطر تدفع اكرامية ﻻ للسواق وﻻ للحصان :-D
اول لما تركب الحنطور هتلاقى واحد جاى يصورك انت متعرفهوش :-D هو كدة ولما بترجع بتتفاجىء بصورتك مطبوعه فى كارت وبيقولك اشترى :-D
طبعا دى حاجة ترجعلك ان كنت عاوزها او ﻻ دى ملهاش علاقة بالمرشد والشركة والكروز!
احفظ رقم عربية الحنطور علشان ﻻزم ترجع مع نفس الراجل.
الباخرة بتديك ساعتين تزور المعبد وترجع وبعدها ابحار تانى تجاة اﻻقصر.
فى مساء اليوم الثانى بيكون فيه جلابية بارتى بتكون حلوة فاعمل حسابك وهات معاك جلابيه او اشتريها من هنا!
ياريت تعرف امتى الباخرة هتعدى من هاويس اسنا ﻻنها بتكون حاجة لطيفة لما تشوفها من على الصن دك.
اﻻقصر صباحاً
معبد الكرنك ومعبد اﻻقصر
نفس اليوم مساء بيكون فيه سعاتك حفله شرقى وراقصة شرقى هشك بشك يعنى :-D
اخر يوم صباحاً بعد اﻻفطار بتخلى الكبائن و بيكون زيارة البر الغربى
وادى الملوك وليك بالتذكرة اللى معاك تدخل 3 مقابر
ممنوع التصوير والمرشد موش هيدخل معاك جوا ﻻن ممنوع الشرح جوا
وممنوع ممنوع ممنوع ممنوع التصوير داخل المقابر حتى لو الغفير قالك كام معلومة متفبركين وقالك صور براحتك ده سعاتك هيقلبك فى فلوس واكرامية .
بعدها معبد حتشبسوت
ﻻزم تعرف قبل ما تيجى ميعاد قطر الرجوع للقاهرة علشان تعمل حسابك فى اخر يوم ده هتعمل ايه بعد زيارات البر الغربى.
الزيارات اﻻختيارية بتكون كالاتى
1/القرية النوبية وجزيرة النباتات
2/ ابو سمبل ''3 ساعات رايح وزيهم راجع وساعتين للزيارة
3/الصوت والضوء فيله
4/بالون فى اﻻقصر
5/صوت وضوء الكرنك
6/جزيرة الموز فى اﻻقصر
ورحلة سعيدة
ريبورت صغير كدة على كروز اسوان اﻻقصر 4 ايام ب 3 ليالى.
* موش شرط انه اللى مكتوب هنا ده يحصل بالظبط لكن ده الغالب
حضرتك اغلب الناس بتركب القطر من القاهرة ﻻسوان وغالباً أول لما بتنزل بتبدا زيارات ﻻن التسكين فى النايل كروز بيبدأ بعد الساعة 12 ظهراً
ياريت لو تكون مجهز كاب ونظارة شمس وصن بلوك للى مش بيستحمل الشمس و زجاجة مياة وحذاء رياضى او مريح.
هتروح حضرتك السد العالى وتقف عليه من فوق والنبى موش هتشوف حيطة انت فعلا واقف على جسم السد نفسه هتلاقى ناحية الجنوب بحيرة ناصر العملاقة''500 كيلو طول و10 الى 12 كيلو متوسط العرض'' ومن ناحية الشمال هتلاقى القناة البينية ما بين السد العالى وخزان اسوان تقدر تقول عليها مجازا نهر النيل!
فيه هناك لوحات ارشادية عليها معلومات عن السد ورسومات توضيحية لو مكونتش مركز مع المرشد اثناء الشرح.
تخلص زيارة السد وفيه احتمال انك تزور رمز الصداقة المصرية السوفيتيه واللى هو عبارة عن مبنى عالى ''70 متر'' على شكل زهرة اللوتس وبناة جمال عبد الناصر تخليدا لمساعدة الروس لينا .
هتخلص وبعد كدة هتروح لزيارة جزيرة انس الوجود او جزيرة فيلاى واللى عليها معبد ايزيس المشهور
هتعدو بمركب موتور بوت والحاجات اللى هتلاقوها فى المحلات والفروش هناك هى هى اللى موجودة فى جزيرة النباتات والقرية النوبية وكمان السوق فى اسوان يعنى يعنى لو معجبكش السعر امشى وهتلاقي نفس الحاجة بسعر اقل طبعا لو فرقها بسيط موش مشكلة خلى الناس تاكل عيش .
انت وبتنزل المركب الصغيرة خلى بالك على راسك علشان ناس كتييير بتتخبط وبتوجع فعلاً!
ليك في المعبد ساعه تقريبا واحفظ شكل المركب علشان هترجع فيها مرة تانية.
فى المعبد فيه هناك تواليت وكافية سياحى.
وانت ماشى فى المركب اول لما تسيب الجزيرة هتلاقى جنب الجزيرة بحوالى 500 متر فيه زى اعمدة خارجة من الميا دى جزيرة فيلاى أصلاً ياباشا اللى غرقت!
ترجع بقى على الباخرة والتسكين ياريت تحفظ شكل وعنوان المرسى ﻻن فيه احيانا المركب بيكون قدامها كذا باخرة تانية علشان متتلخبطش وخلى رقم تليفون الباخرة والمرشد معاك وﻻزم تتاكد ان كل شىء شغال في الكابينة ولو حاجة بايظة او موش عاجباك بلغ الريسبشن والمرشد بتاعك واﻻ ممكن يحصل معاك موقف موش لطيف فى نهاية الرحلة ويقولك انت اللى بوظت الحاجة دى وحاسب عليها!
ﻻزم تتاكد من موضوع اكراميات الباخرة وشيالين الشنط عند مين علشان متتفاجئش فى اخر الرحلة حد بيقولك ﻻزم تدفع قد كدة
اسال الشركة قبل ما تسافر اصلا او المرشد لما توصل.
بيكون فيه بعض مراكب ليها ليمت معين زى 10 جنية للفرد في الليله و10 جنية لشيال الشنط يعنى 40 جنية للفرد.
هيكون رائع لو اشتريت رحلة القرية النوبية فعلاً هتخسر كتير لو ماروحتش هناك.
على نهاية اليوم او اليوم الثانى الباخرة هتبحر فى النيل شمالاً و هتروح زيارة معبد كوم امبو والباخرة بتنتظر تقريبا ساعة ونصف .
بعدها ابحار تانى علشان تزور معبد ادفو وهنا بقى لينا وقغة مهمة جدا
شوف
ادفو بنروحها بحنطور''عربية بيجرها حصان'' سعادتك تمن الحنطور فى مشوار 10 دقائق تقريبا لحد المعبد ب 65 جنية ل 4 افراد ودى بتحاسب عليها الشركة وانت موش مضطر تدفع اكرامية ﻻ للسواق وﻻ للحصان :-D
اول لما تركب الحنطور هتلاقى واحد جاى يصورك انت متعرفهوش :-D هو كدة ولما بترجع بتتفاجىء بصورتك مطبوعه فى كارت وبيقولك اشترى :-D
طبعا دى حاجة ترجعلك ان كنت عاوزها او ﻻ دى ملهاش علاقة بالمرشد والشركة والكروز!
احفظ رقم عربية الحنطور علشان ﻻزم ترجع مع نفس الراجل.
الباخرة بتديك ساعتين تزور المعبد وترجع وبعدها ابحار تانى تجاة اﻻقصر.
فى مساء اليوم الثانى بيكون فيه جلابية بارتى بتكون حلوة فاعمل حسابك وهات معاك جلابيه او اشتريها من هنا!
ياريت تعرف امتى الباخرة هتعدى من هاويس اسنا ﻻنها بتكون حاجة لطيفة لما تشوفها من على الصن دك.
اﻻقصر صباحاً
معبد الكرنك ومعبد اﻻقصر
نفس اليوم مساء بيكون فيه سعاتك حفله شرقى وراقصة شرقى هشك بشك يعنى :-D
اخر يوم صباحاً بعد اﻻفطار بتخلى الكبائن و بيكون زيارة البر الغربى
وادى الملوك وليك بالتذكرة اللى معاك تدخل 3 مقابر
ممنوع التصوير والمرشد موش هيدخل معاك جوا ﻻن ممنوع الشرح جوا
وممنوع ممنوع ممنوع ممنوع التصوير داخل المقابر حتى لو الغفير قالك كام معلومة متفبركين وقالك صور براحتك ده سعاتك هيقلبك فى فلوس واكرامية .
بعدها معبد حتشبسوت
ﻻزم تعرف قبل ما تيجى ميعاد قطر الرجوع للقاهرة علشان تعمل حسابك فى اخر يوم ده هتعمل ايه بعد زيارات البر الغربى.
الزيارات اﻻختيارية بتكون كالاتى
1/القرية النوبية وجزيرة النباتات
2/ ابو سمبل ''3 ساعات رايح وزيهم راجع وساعتين للزيارة
3/الصوت والضوء فيله
4/بالون فى اﻻقصر
5/صوت وضوء الكرنك
6/جزيرة الموز فى اﻻقصر
ورحلة سعيدة