انا عايزه احكى تجربتى يوم الاحد اللى فات مع...

[Christine Onsi]

انا عايزه احكى تجربتى يوم الاحد اللى فات مع طيران الامارات المصنف دوليا. من احسن شركات الطيران بالعالم
كنت راجعه من دبى الاخد الماضى ، و صلت قبل ميعاد الاقلاع بثلاث ساعات و روحت عادى جدا اعمل check in و اخد الboarding .
موظفه الطيران بعد ما وزنت الشنطه قالتلى اسفه الطياره overbooking اجرى بسرعه الناحيه التانيه شوفى لو زميلك قدر يطلعك عليا او لا
حابه بس اقول ان التذكره انا حجزاها و ماكداها من شهر و نص قبل السفر .
المهم جريت بشنطى زى المتسولين كده عشان اروح استسمح زميل الاستاذه يتصرف و يطلعنى و صلتله لقيته اصلا بيتخانق مع حد غيرى انه مش هيقدر يطلعه على الطياره و ببساطاه قاله عندك اختيارين احولك على مصر للطيران. اللى بعديها بساعه او يستنى طياره بالليل متاخر !!!!
مش هقولكم الراجل مان شايط ازاى
المعم جه دورى لقيت الموظف المحترم بيقولى حضرتك مقرايش البند ١٣ فى قانون التذاكر عندنا قولتله لا الحقيقه ، خير سيادتك ؟ قالى لينا الحق نبيع لغايه ٤٠٪‏ من capacity الطياره مره تانيه عشان فيه ساعات ناس مبتجيش و خساره الكراسى تفضل فاضيه !!!! طبعا مش محتاجه اقولكم رد فعلى و بقى فاضل ساعتين على الاقلاع قولتله طب بص انا هطلع. على الطياره ديه بالذات فايه الحل ؟ قالى حضرتك قوليلى سبب خطير عشان يوافقوا يطلعوكى المهم مليته ان ابنى فى المستشفى و لازم اسافر دلوقتى !!!!!!؟
و بعت كده و ادوله الok بعد ٢٠ دقيقه كنت بموت فعليا فيهم .
الفكره ان كان المطلوب منى خلال ساعه و نص بس اروح الجوازات و بعدين اجرى على صاله المغادره اللى بخدلها مترو داخلى اصلا و بعدين اخد الطياره
طبعا مش هحكى كنت عاملع ازاى بالهاند باج و شنطه يد و بجرى زى المجنونه عشان غلطه مليش دعوه بيها

المصيبه الاكتر ان الرحله ديه بالذات ركبنا shuttle bus لغايه الطياره مش عدينا فى tube زى معظم الرحلات الفكره ان الbus وصلنا الطياره بعد 40 دقيقه لف فى المطار كاملا و بدون تكييف !!!!!!

انا سافرت على ١٢ شركه طيران مختلفه بس مصادفتش موقف اهانه زى كده و معرفش حقيقه اذا كان ده قانون لكل الشركات تعمل كده بس اللى اعرفه انى
اضطريت افول على ابنى بالمرض عشان اروحله فى الميعاد المستنينى فيه فى المطار و مخذلوش

#طيران
طيران الامارات ... Fly Emirates
شكرا

 

[Khaled Badry]

ال Overbooking موجود في كل شركات الطيران , اللي حصل مع حضرتك مش مرتبط بالشركة دي بالذات لان كل الشركات عندها نفس النظام , حظك بس هو اللي وقعك في المشكلة دي . وكل ما يكون ال Check in بدري بتقل احتمالية ان الواحد يطلع في الاوفر بوكنج .

 

[Nader Adel]

ده قانون ف كل شركات الطيران ف العالم مش بس emirates

 

[Hashem Tawfik]

Check in بدري او اون لاين يحمي من المواقف السخيفة دي

 

[Héba Bakr]

الحقيقة نظام الاوفربوكينج ده مجحف جدا فى حق الراكب اللى حاجز و مالوش ذنب.

من سنوات بعيدة كان فيه حاجة اسمها
Reconfirmation
لازم تتم قبل الطيران ب 48 ساعة بالكثير، لضمان الكرسى.

دلوقتى لغوها فى العالم كله، مش عارفة ليه، مع انها خطوة سهلة و سريعة ممكن تتم بالتليفون او على الانترنت.

اشعر بالاسف و التعاطف مع حضرتك على اللى حصل.

و زى ما بيقول الاستاذ
Khaled Badry
الافضل هو الوصول مبكرا جدا لعمل ال
Check in
حتى من قبل فتح ال
Counter
اللى دايما بيكون قبل موعد الاقلاع بساعتين و نصف،

و اضيف على ذلك
عمل ال
Check in
Online
حتى من قبل التحرك للمطار.

معلش، ما تتضايقيش نفسك،
حاولى اتباع الخطوات الاحترازية دى بعد كدة،
و باذن الله ما يتكررش الموقف السخيف المتعب ده تانى.

 

[Ayman Rifaei]

Overbooking كان اول مره اسمع عنه هنا ف الجروب ويبدو انه شئ عالمى . وبما انه زاد الشكوى منه معناه شركات الطيران زادت استخدامه او المسافرين زاد التزامهم
احب اشير الى ان بعض الاصدقاء هنا ف الجروب نشرو جدول التعويضات للمسافر.

 

[Khaled Badry]

فيه ناس تتمني تطلع اوفر بوكنج عشان ياخدوا التعويضات

 

[Rania Ahmed]

على فكرة الاوفر بوكنج ساعات بيكون ثغرة لطيفة لبعض الركاب انو بياخد فندق فرى على حساب شركة الطيران وكمان ممكن يقاضيهم وياخد تعويض ممتاز بس فى اوقات بيكون شئ مش كويس لان الراكب مضطر يسافر فى المعاد اللى حاجزة

 

[Sherihan Hemida]

حصلى نفس الموقف و انا راجعة من بيروت على خطوط ميدل ايست و اخدت الطيارة اللى بعدها بساعتين

 

[Montass No]

أنا اشتغل بعالم الطيران و هذا شيء يحدث احيانا للأسف انه قانوني ، على الشركة إيوائك و اطعام الى الوصول الى حل مع التعويض ان لزم الامر

 

[Dalia Tawfeeq]

طيران الامارات فعلا مصنف بس انا بافضل القطرية عنه وعشان متستغربيش نفس الموقف حصل معايا في القطرية
وانا قبلت اغير امصر للطيران وللامانة لما وصلت كلن في تعويض رحت مكتبهم هنا واستلمت فرق سعر التذكرة وكان حوالي ٥٠٠ €
يعني مبلغ حلو برضه
والحل الوحيد عشان الموقف دا ميتكررش معاكي تاني الوصول للمطار بدررري قبل بداية الطابور

 

[Ghada Samy]

هوا بيبقى عارف انه حاجز overbooking و لا بتفاجئ بده في المطار

 

[Hany El-Deeb]

Ibrahim El Deeb عرفت ليه بقولك نبقي بدرى ف المطار عشان منتخزوقش

 

[عمرو المسلم]

طيب ازاي اعمل chick in اونلاين

 

[Miky Abdelaal]

انا حصل معايا الكلام ده في كندا مرة و انا راجع مصر. كانت طيارة من كندا لنيو يورك. و من نيويورك لباريس و من باريس للقاهرة

غيروا لي التذكرة. و خلوها كندا باريس من غير أمريكا.

و مرة تانية من باريس لأمستردام للقاهرة

اتغيرت و انا علي البوابة. لباريس القاهرة علي طول من غير ترانزيت

و مرة كمان كنت مسافر أمريكا. طلعت من القاهرة و لما نزلت باريس و ركبت الطيارة التانية. و حصلت مشكلة و رجعت تاني باريس.
اضطروا يدونا فيزا و دخولنا البلد و جابوا لينا فندق و عشاء و فطار. و تاني يوم ادوني كرسي بيزنس.

و حصلت لي مرة مع مصر للطيران. مرديوش يطلعوني من مصر و خلوني ادفع تغيير. طبعا كنت اهبل و لسه تاني مرة اسافر في حياتي و معرفش حقوقي ايه

و مرة علي الإيطالية كمان. و كنت ساعتها مسافر برده من القاهرة

و حصلت برده معايا علي التركية. و كنت راجع من أوروبا ترانزيت اسطنبول و غيروا لي التذكرة و خلوها مصر للطيران تاني يوم دايركت و كمان ادوني كرسي بيزنس

هو بس الواحد يعرف حقوقه و يعرف يتكلم معاهم
و ياخد اللي هو عايزه


و مرة حصلت لي كنت مسافر من بوس انجلوس لنيويورك. و حجزوا لي الطيارة التانية


و مرة من مونتريال لتورونتو. برده حطوني علي الطيارة اللي بعديها

أظن انت كده شوفتي حصلت معايا كام مرة
انت بس علشان اول مرة تحصل معاكي. فأنت اخدت انطباع سئ.
بس لما تعودي علي السفر بتبقي عادي
الواحد بيكون مخنوق علشان الفنادق و الحجوزات و المواعيد
بس خدي علي كده بعد كده. و هو درس بسيط
و تعرفي بعد كده يقول لك. مش هتطلعي. قولي له غيري التذكرة بيزنيس و أحجز لي فندق و انا معملش مشكلة
و لو مش معاكي تأشيرة للبلد هو يجيب التاشيرة

 

[Abu Haya]

حتى طيران الإمارات..؟! انا كنت فاكر انه بس الطيران الرخيص زي اير آسيا و مالندو.. هل هذا القانون جديد.. لانه مؤخرا بس مشاكله بدأت تظهر

 

[RaNa HaSan]

هو واضح ان كل شركات الطيران كدة

 

[Usama Elhenawy]

فعلا طيران الامارات شكراااااااااااا .. بقى مختلف جدااااااااااااا عن الأول و بقى في منتهى السوء ، و غالبا أنا كنت راجع في نفس الرحلة لكن يوم الاثنين جي من شانغهاي ترانزيت دبي ، الرحلات الطويلة دي من المعتاد بيوزعوا باكيج كدا فيه شراب وفرشة و معجون و ظلامة للنوم ، ده اتمنع ولما سألت المضيفة عالأقل عن ظلامة العين قالتلي اتلغى من الإيكونومي وبقى في البيزنس و الفيرست بس ناهيك عن الأكل اللي بقى في منتهى السوء بجد ، الأول كان جميل .

دلوقتي أي سفر طويل يا إما القطرية أو التركية لو سفر قصير مصر للطيران تأدي الغرض

 

[Peter Sobhy Zaher]

Mona Sobhy Zaher

 

[Michael Ibrahim]

.