A
Amr Zahran
:: مسافر ::
السلام عليكم.
لسه راجع امبارح من رحلة #تايلاند من تنظيم الرائع والمحترم Bahaa Aldeen Farouk ..
مبدأيا الرحله كانت لمدة عشر ايام منهم ٨ ايام ف #بوكيت و يومين ف #بانكوك ، البلد جميله جداً والمناظر الطبيعيه تحفه والجبال والخضره حاجه متتوصفش مهما شفتو صور او فيديوهات زي الي هاحطها مع البوست هنا.
المكان حلو للناس الي بتحب الروقان والهدوء، الرحلات الي نظمهالنا #بهاء كانت جميله جدا ومنظمه وكل حاجه كانت ف معادها.
انا ومراتي عشان كنا فشهر عسل اتبسطنا اكتر ف بوكيت عن بانكوك عشان بانكوك زحمه والناس فيها تحسهم اتمين كده غير بوكيت طبعا الي تحس ان الناس كلها فريش ومبتسمين دايما عشان الطبيعه والخضره والبحر وكده.
الرحلات ف #بوكيت كانت رحلة ل جزيرة كورال ورايا ، رحلة سفاري فالنهر وركوب افيال وبيتش باجي وكده ، ورحلة كروز في مجموعة كهوف وجزيرة جيمس بوند، ورحله فيها جوله فالمدينه لمحلات الالماس والكاجو وكمان معبد مشهور عندهم .
اما ف #بانكوك كانت رحلة لملاهي دريم ورلد ودي كان فيها حجات جميله جدا
تايلاند كان فيها مزارات تانيه كتير ورحلات تانيه كتير كان ممكن نطلعها غير دي بس الوقت ماسعفناش ف ممكن اي حد يطلع تايلاند ويروح اماكن تانيه غير دي خالص ويتبسط برده.
الخلاصه : =====
لما تكون بتنظم رحله زي دي مش لازم الي يمشي معايا يمشي معاك انت او غيرك ، في حد بيحب حاجه وحد تاني بيحب حاجه تانيه،
اولا السؤال المعتاد الرحله كلفتك كام برده سؤال غلط لان انا كنت طالع شهر عسل و كان في يومين فيلا خاصه بحمام سباحه يمكن لوطلعت مره تانيه يكون الباكدج غير دي
زي ما قلت فوق #بهاء ادمن الجروب المحترم هو بينظملك كل حاجه انت عاوزها حسب اللي انت عاوزه، وكمان بيفضل على تواصل معاك طول الرحله لاي استفسار او طلب او معلومه عن البلد.
يعني مثلا انا اديته المعطيات بتاعتي وقلتله انا ميزانيتي كذا وعاوز كذا فطلعلي البرنامج ده وعدلنا فيه شويه والحمد لله اتبسطنا جداً وان شاء الله نكررها مع #بهاء تاني ف رحلات تانيه وبلاد تانيه.
الايجابيات ( من وجهة نظري برده ممكن متعجبش حد تاني)
================================
١-الرحله ف #بوكيت كانت منظمه جداً فالمواعيد والرحلات وتنظيم الوقت.
٢-الناس بشوشه ومحدش بيطلب بقشيش برخامه زي ما بنشوف فبعض الاماكن عندنا.
٣-البلد امان جدا وموجهتناش اي مشكله فالحته دي لدرجة ان احنا سبنا شنط عالشط وفكرنا انها هتتسرق ورجعنا لقينا كل حاجه زي ما هي.
٤-الي بيحب الخضره والمناظر الطبيعيه هايتبسط جدا ومهما شفتو الصور والفيديوهات مش هتبقى زي الحقيقه.
٥-حجات كتيره متوفره هناك جبتها معايا من هنا واتحملت وزن ولقيتها موجوده ف #تايلاند وارخص واحسن كمان.
السلبيات (من وجهة نظري برده)
=============================
١-#بانكوك زحمه جداً ومحبتهاش بصراحه زي #بوكيت ولو رجعت تايلاند تاني ان شاء الله هاخلي الرحله كلها بوكيت.
٢- ريحة الشوارع صعبه جد وكلها ريحة مجاري معرفش ايه حل المشكله دي عندهم.
٣-الاكل بالنسبالي انا ومراتي معرفناش ناكل وانا عن نفسي معظم الايام قضيتها جبن وكلت اناناس كتير جداااا.
٤-البلد مش رخيصه زي ما كنت بقرا قبل ما اسافر ومش غاليه اوي الغلو الفاحش هي الى حدٍ ما معقوله.
٥-المولات والمحلات الكبيره بتقفل بدري جداً ، يعني المولات عشره بالدقيقه بتقفل وده طبعا ميمشيش معانا كمصرين وبنحب السهر وللاسف الاسيف الي بيسهر بس هو البارات
والديسكوهات واحنا مكانش لينا فالجو ده برده.
تعديل عشان الكومنتات الي مصممه اوي و بتسأل عالاسعار :
================================
الرحله بتاعتي اتكلفت حوالي ٤٥ الف جنيه شامل طيران دولي وطيران داخلي وفنادق شامله الفطار ورحلات داخليه بالغدا وحجز يومين ف فيلا خاصه بالفطار
وبرده بكرر السعر ده وهمي ومش مقياس لاي حد عايز يطلع لان ممكن حد يروح بوكيت بس مش عايز بانكوك وممكن حد تاني عايز طيران وفنادق بس ويعيش حياته هو فالرحلات ويحجز مع نفسه هو فبرده زي ما قلت السعر ده وهمي.
#Travel_secrets_club [HASHTAG]#Thailand[/HASHTAG] [HASHTAG]#Bangkok[/HASHTAG] [HASHTAG]#Phuket[/HASHTAG]
لسه راجع امبارح من رحلة #تايلاند من تنظيم الرائع والمحترم Bahaa Aldeen Farouk ..
مبدأيا الرحله كانت لمدة عشر ايام منهم ٨ ايام ف #بوكيت و يومين ف #بانكوك ، البلد جميله جداً والمناظر الطبيعيه تحفه والجبال والخضره حاجه متتوصفش مهما شفتو صور او فيديوهات زي الي هاحطها مع البوست هنا.
المكان حلو للناس الي بتحب الروقان والهدوء، الرحلات الي نظمهالنا #بهاء كانت جميله جدا ومنظمه وكل حاجه كانت ف معادها.
انا ومراتي عشان كنا فشهر عسل اتبسطنا اكتر ف بوكيت عن بانكوك عشان بانكوك زحمه والناس فيها تحسهم اتمين كده غير بوكيت طبعا الي تحس ان الناس كلها فريش ومبتسمين دايما عشان الطبيعه والخضره والبحر وكده.
الرحلات ف #بوكيت كانت رحلة ل جزيرة كورال ورايا ، رحلة سفاري فالنهر وركوب افيال وبيتش باجي وكده ، ورحلة كروز في مجموعة كهوف وجزيرة جيمس بوند، ورحله فيها جوله فالمدينه لمحلات الالماس والكاجو وكمان معبد مشهور عندهم .
اما ف #بانكوك كانت رحلة لملاهي دريم ورلد ودي كان فيها حجات جميله جدا
تايلاند كان فيها مزارات تانيه كتير ورحلات تانيه كتير كان ممكن نطلعها غير دي بس الوقت ماسعفناش ف ممكن اي حد يطلع تايلاند ويروح اماكن تانيه غير دي خالص ويتبسط برده.
الخلاصه : =====
لما تكون بتنظم رحله زي دي مش لازم الي يمشي معايا يمشي معاك انت او غيرك ، في حد بيحب حاجه وحد تاني بيحب حاجه تانيه،
اولا السؤال المعتاد الرحله كلفتك كام برده سؤال غلط لان انا كنت طالع شهر عسل و كان في يومين فيلا خاصه بحمام سباحه يمكن لوطلعت مره تانيه يكون الباكدج غير دي
زي ما قلت فوق #بهاء ادمن الجروب المحترم هو بينظملك كل حاجه انت عاوزها حسب اللي انت عاوزه، وكمان بيفضل على تواصل معاك طول الرحله لاي استفسار او طلب او معلومه عن البلد.
يعني مثلا انا اديته المعطيات بتاعتي وقلتله انا ميزانيتي كذا وعاوز كذا فطلعلي البرنامج ده وعدلنا فيه شويه والحمد لله اتبسطنا جداً وان شاء الله نكررها مع #بهاء تاني ف رحلات تانيه وبلاد تانيه.
الايجابيات ( من وجهة نظري برده ممكن متعجبش حد تاني)
================================
١-الرحله ف #بوكيت كانت منظمه جداً فالمواعيد والرحلات وتنظيم الوقت.
٢-الناس بشوشه ومحدش بيطلب بقشيش برخامه زي ما بنشوف فبعض الاماكن عندنا.
٣-البلد امان جدا وموجهتناش اي مشكله فالحته دي لدرجة ان احنا سبنا شنط عالشط وفكرنا انها هتتسرق ورجعنا لقينا كل حاجه زي ما هي.
٤-الي بيحب الخضره والمناظر الطبيعيه هايتبسط جدا ومهما شفتو الصور والفيديوهات مش هتبقى زي الحقيقه.
٥-حجات كتيره متوفره هناك جبتها معايا من هنا واتحملت وزن ولقيتها موجوده ف #تايلاند وارخص واحسن كمان.
السلبيات (من وجهة نظري برده)
=============================
١-#بانكوك زحمه جداً ومحبتهاش بصراحه زي #بوكيت ولو رجعت تايلاند تاني ان شاء الله هاخلي الرحله كلها بوكيت.
٢- ريحة الشوارع صعبه جد وكلها ريحة مجاري معرفش ايه حل المشكله دي عندهم.
٣-الاكل بالنسبالي انا ومراتي معرفناش ناكل وانا عن نفسي معظم الايام قضيتها جبن وكلت اناناس كتير جداااا.
٤-البلد مش رخيصه زي ما كنت بقرا قبل ما اسافر ومش غاليه اوي الغلو الفاحش هي الى حدٍ ما معقوله.
٥-المولات والمحلات الكبيره بتقفل بدري جداً ، يعني المولات عشره بالدقيقه بتقفل وده طبعا ميمشيش معانا كمصرين وبنحب السهر وللاسف الاسيف الي بيسهر بس هو البارات
والديسكوهات واحنا مكانش لينا فالجو ده برده.
تعديل عشان الكومنتات الي مصممه اوي و بتسأل عالاسعار :
================================
الرحله بتاعتي اتكلفت حوالي ٤٥ الف جنيه شامل طيران دولي وطيران داخلي وفنادق شامله الفطار ورحلات داخليه بالغدا وحجز يومين ف فيلا خاصه بالفطار
وبرده بكرر السعر ده وهمي ومش مقياس لاي حد عايز يطلع لان ممكن حد يروح بوكيت بس مش عايز بانكوك وممكن حد تاني عايز طيران وفنادق بس ويعيش حياته هو فالرحلات ويحجز مع نفسه هو فبرده زي ما قلت السعر ده وهمي.
#Travel_secrets_club [HASHTAG]#Thailand[/HASHTAG] [HASHTAG]#Bangkok[/HASHTAG] [HASHTAG]#Phuket[/HASHTAG]
