H
Hoda Hassan
:: مسافر ::
اتكلمنا كتير عن السفر و نروح فين و نعمل ايه و التكاليف و الفيزا...الاهم بقي بعد كل ده ناخد ايه معانا
الشنطه مهمه جدا و هتكون شنطه علي الضهر لسهوله الحركه هتلاقوها بتتباع في محلات الادوات الرياضيه او في الفا ماركت علشان عندهم جزء كده كله عدد للكامبنج camping
لو قلنا انك مسافر اسبوعين هتحتاج الحاجات دي
شنطه للبحر ضد المياه زي اللي في الصوره علشان رحلات الرافتنج و اي رحله بمركب ممكن الشنطه دي تبقي معاكوا و بتطفوا كمان فممكن تنزلوا بيها الميه
تاني صوره ودي من اهم الحاجات اللي هتحتاجوها الفوطه dry towel .. دي مش قادره احكلكوا علي جمالها مبدئيا بتمتص المياه عشر مرات اسرع و بتنشف في اقل من ساعه ده غير انها مش بتاخد مكان نهائيا في الشنطه و مش بتكمكم خالص هتلاقوها في نفس اماكن الحاجات اللي فوق و ممكن تجيبوها لما تسافروا موجوده كتير هناك في معظم المحلات بتاعه حاجه السفر او المستلزمات الرياضيه
بعد كده في بقي شنطه صغيره فيها الشامبو و الشاور جل و ميكب و برفيوم و ديودرانت كمان طبعا...بس كل دول حجم السفر في العبوات..بيتباعوا برده و في منهم بيبقي في الشنطه بتاعه الطياره لو حظكوا كويس و تعرفوا حد بيسافر كتير بيزنس ابقو خدوهم منو و معاهم طبعا فرشه سنان و معجون ميني...كريم للحمايه من الشمس كمان علشان مش هتحسوا غير بعد ما تتحرقوا...ساعات بيبقي مفيش شمس و مغيمه وبرده بتحرق
الهدوم تعتمد طبعا علي ولد ولا بنت بس الاساسي ٢ او ٣ تي شيرت او توب قطن خفيفه و مايوه و شورت و شبشب و بالنسبه للبنات صندل للخروج بالليل و جزمه كاوتش للهايكنج و السفر عموما...و طبعا اخف حاجه ممكنه مش لازم جزمه تقيله خالص. فستان للبنات و بنطلون للولاد علشان في اماكن سهر بتشترط بنطلون و خروجه كامله ممكن تبوظ علشانه علي فكره
شواحن طبعا و سماعه و كبس تحويل كهربا بتاع السفر اللي بيشتغل في اي حته...قفل للشنطه و اللوكر اللي هتشيلوا فيه الشنطه في الهوستل...ولو في مكان لنضره بحر للسنوركلنج يبقي تمام ولو مفيش برده تمام ممكن تتأجر من هناك
اول ما بتوصل اي بلد غير فلوس قليله اوي علشان التحويل في المطار بيبقي سئ و بياخدوا عموله عاليه اوي...بعد بقي ما توصلوا بالسلامه للهوستل تسألوا علي اقرب واحسن مكان تشتروا منه خط داتا و ده ارخص بكتيييييير من الباقات اللي بناخدها من هنا و النت فيهم كمان اسرع بكتير
كيس صغنن علي جنب كده نسميه اسعافات اوليه وده هيكون فيه شريط دوا للبرد و حاجه للمعده والاسهال و اقراص فحم ودي بتمنع اصلا اعراض الترجيع و المغص لو كلتو حاجه من الشارع و مكنتش كويسه اوي...بطلع بيهم كل مره و ارجع بيهم برده مش بستعملهم الحمدلله بس الاحتياط واجب و اساسي علبه off علشان الناموس و برده فيه هناك من الكلام ده كتير و غالبا ارخص
اخر حاجه كاميرا وده ميمنعش اني بعتمد اكتر عالموبايل في التصوير في الاخر
لو ناسيه حاجه ممكن تزودوها في الكومنتس وهنيالك يا فاعل الخير.
[HASHTAG]#hodztravelz[/HASHTAG]
#شير_في_الخير
#سافر #سافري
#solo_female_travel
#see_the_world_for_less
الشنطه مهمه جدا و هتكون شنطه علي الضهر لسهوله الحركه هتلاقوها بتتباع في محلات الادوات الرياضيه او في الفا ماركت علشان عندهم جزء كده كله عدد للكامبنج camping
لو قلنا انك مسافر اسبوعين هتحتاج الحاجات دي
شنطه للبحر ضد المياه زي اللي في الصوره علشان رحلات الرافتنج و اي رحله بمركب ممكن الشنطه دي تبقي معاكوا و بتطفوا كمان فممكن تنزلوا بيها الميه
تاني صوره ودي من اهم الحاجات اللي هتحتاجوها الفوطه dry towel .. دي مش قادره احكلكوا علي جمالها مبدئيا بتمتص المياه عشر مرات اسرع و بتنشف في اقل من ساعه ده غير انها مش بتاخد مكان نهائيا في الشنطه و مش بتكمكم خالص هتلاقوها في نفس اماكن الحاجات اللي فوق و ممكن تجيبوها لما تسافروا موجوده كتير هناك في معظم المحلات بتاعه حاجه السفر او المستلزمات الرياضيه
بعد كده في بقي شنطه صغيره فيها الشامبو و الشاور جل و ميكب و برفيوم و ديودرانت كمان طبعا...بس كل دول حجم السفر في العبوات..بيتباعوا برده و في منهم بيبقي في الشنطه بتاعه الطياره لو حظكوا كويس و تعرفوا حد بيسافر كتير بيزنس ابقو خدوهم منو و معاهم طبعا فرشه سنان و معجون ميني...كريم للحمايه من الشمس كمان علشان مش هتحسوا غير بعد ما تتحرقوا...ساعات بيبقي مفيش شمس و مغيمه وبرده بتحرق
الهدوم تعتمد طبعا علي ولد ولا بنت بس الاساسي ٢ او ٣ تي شيرت او توب قطن خفيفه و مايوه و شورت و شبشب و بالنسبه للبنات صندل للخروج بالليل و جزمه كاوتش للهايكنج و السفر عموما...و طبعا اخف حاجه ممكنه مش لازم جزمه تقيله خالص. فستان للبنات و بنطلون للولاد علشان في اماكن سهر بتشترط بنطلون و خروجه كامله ممكن تبوظ علشانه علي فكره
شواحن طبعا و سماعه و كبس تحويل كهربا بتاع السفر اللي بيشتغل في اي حته...قفل للشنطه و اللوكر اللي هتشيلوا فيه الشنطه في الهوستل...ولو في مكان لنضره بحر للسنوركلنج يبقي تمام ولو مفيش برده تمام ممكن تتأجر من هناك
اول ما بتوصل اي بلد غير فلوس قليله اوي علشان التحويل في المطار بيبقي سئ و بياخدوا عموله عاليه اوي...بعد بقي ما توصلوا بالسلامه للهوستل تسألوا علي اقرب واحسن مكان تشتروا منه خط داتا و ده ارخص بكتيييييير من الباقات اللي بناخدها من هنا و النت فيهم كمان اسرع بكتير
كيس صغنن علي جنب كده نسميه اسعافات اوليه وده هيكون فيه شريط دوا للبرد و حاجه للمعده والاسهال و اقراص فحم ودي بتمنع اصلا اعراض الترجيع و المغص لو كلتو حاجه من الشارع و مكنتش كويسه اوي...بطلع بيهم كل مره و ارجع بيهم برده مش بستعملهم الحمدلله بس الاحتياط واجب و اساسي علبه off علشان الناموس و برده فيه هناك من الكلام ده كتير و غالبا ارخص
اخر حاجه كاميرا وده ميمنعش اني بعتمد اكتر عالموبايل في التصوير في الاخر
لو ناسيه حاجه ممكن تزودوها في الكومنتس وهنيالك يا فاعل الخير.
[HASHTAG]#hodztravelz[/HASHTAG]
#شير_في_الخير
#سافر #سافري
#solo_female_travel
#see_the_world_for_less