M
Mahmoud A. Abdel Salam
:: مسافر ::
رحلتي الي سيرلانكا
الجزء الاول
بعد رحلة 35 يوم في سيرلانكا لفيتها شمالا و جنوبا و شرقا و غربا قررت اكتب عن المكان الساحر ده اللي ملوش حل و اللي مش هزهق من الكلام عنه و هتكلم عنها في كذا بوست علشان الموضوع ميبقاش طويل قوي و هخلي البوست ده عام شوية عن البلد و بعد كده هتكلم عن ايه اللي ممكن تزوره و تعمله في المدن المختلفة و في اخر البوست فيه لينك لفيديو من تصويري عن كولومبو (العاصمة)
اولا خليني اتكلم عن الفيزا بتاعتها و ازاي تعملها
هي واحدة من اسهل الفيز اللي ممكن تحصل عليها اونلانين بسهولة جدا من الموقع ده :
https://www.eta.gov.lk/slvisa/visainfo/center.jsp
كل المطلوب منك بيانتك الشخصية و عنوانك في سيرلانكا اللي هو ممكن تجيبه من اي موقع حجز فندق او جيست هاوس و تكلفتها 35 دولار و بتطلع ممكن في غصون ساعات الي اسبوع بالكتير والدفع بالفيزا طبعا علي الموقع بتاعهم
يا اما الحل التاني انك تروح السفارة و تقدم عليها بنفسك و هتضطر تجيب حجز طيران و حجز فندق و صور 6*4 خلفية بيضاء و بتاخدها في حدود اسبوع او 10 ايام و ليهم فرع في القاهرة في الزمالك مش عارف بقيت الدول العربية ايه بصراحة
المعيشة و الاسعار
هي بصراحة دولة من ارخص الدول اللي ممكن تسافرها و اسعارها كويسة جدا
يعني مثلا ممكن تاكل 3 وجبات في مطاعم محلية ب 5 دولار للتلات وجبات يعني تقريبا 750 روبية سيرلانكية
متوسط مصاريف الشخص اليومية ممكن تبقي من 1000 الي 2000 روبية بالكتير قوي الا بقي لو حبيت تصرف اكتر علي الاكل في مطاعم غالية ممكن تلاقي الوجبة الواحدة بتبتدي من 1000 او من 2000 روبية ( انت و دماغك بقي )
انا تقريبا كنت بصرف حوالي 100 دولار في الاسبوع شاملة الاكل و المواصلات و الفسح (ممكن تزيد او تقل حاجة بسيطة علي حسب اسعار الرحلات لان فيه حاجات غالية شوية )
بالنسبة للاكل هو اغلب اكلهم سبايسي بس ممكن تسال علي الاكل اللي مش سبايسي بس ده مش كتير و برضه عن تجربه في مطاعم كتير قوي اي حاجة يقولك عليها مش سبايسي هي سبايسي بس خفيف شوية
و بالنسبة بقيت الاسعار شوفوا الموقع ده حلو جدا و الاسعار بنسبة كبيرة جدا مظبوطة في قسم ال cost of living
/Travel information - The Basetrip
المواصلات :
اولا سيرلانكا فيها شبكة مواصلات قوية و بتقدر تسافر اي حتة بالمواصلات العامة
في كل المدن عندهم اتوبيسات و توك توك و القطارات ( المواصلات العامة ) و في العاصمة عندهم uber و حاجة تانية ارخص من uber اسمها pickme up
ميزة البرنامج التاني انه من خلاله تقدر تحجز حوالي 5 فئات من السيارات من اول التوك توك الي عربية صغيرة الي عربية اكبر شوية الي فان (ميكروباص) و كل واحد ليه سعره و بتقدر تعرف من خلاله سعر المشوار من قبل ما تركب طبعا
الاتوبيس اسعاره رخيصة جدا في المسافات الصغيرة و حتي الطويلة يعني ممكن تدفع من 15 الي 40 روبية في المسافات الصغيرة الي 100-500 بالكتير جدا في المسافات الطويلة
الاتوبيسات زحمة في اغلب الوقت و فيها موسيقي عالية جدا بس ارخص وسيلة للتنقل في المسافات الطويلة و ليها محطات في كل حتة و ليها مواعيد
و بالنسبة للتوك توك فيه منهم اللي فيه عداد و منهم اللي مفيهوش (اللي مفيهوش ده لازم تقاوله الاول و تقوله رايح فين بالظبط ) و يفضل تشوف السعر علي pickme up الاول و لو مرضيش امشي وسيبه هتلاقيه هيمشي خلفك و يوافق بنسبة كبيرة جدا
القطارات :
اولا القطارات عندهم 3 درجات اولي و تانية و ثالثة و القطارات في العادي رخيصة جدا و غالبية الناس بتركب الثالتة او التانية و ممكن تدفع في سفر طويل جدا 125-250 روبية لو درجة تالتة يعني من 15 جنيه مصري الي 30 جنيه مصري و يفضل في المسافات الطويلة تاخد القطر من محطة في الاول بقدر المستطاع علشان تلاقي مكان تقعد
و ده الموقع اللي تقدر تعرف منه مواعيد القطارات لكل المدن
/Welcome to Sri Lanka Railways
و اهم حاجة في ده كله افتكر انك لازم تسافر خفيف و اي حاجة تحس انك مش محتاجها اوعي تاخدها
و في المواصلات العامة حاول تاخد شنطة backpack الكبيرة بتاعة السفر بلاش الشنط اللي بعجل ديه مش هتبقي سهل خالص تركب بيها الاوتوبيسات و القطارات
الاقامة :
اغلب الحاجات اللي قعدت فيها كانت اسمها Guest House ده عبارة عن زي فندق صغير او بيت كبير كده فيه مثلا 10 غرف كل غرفة ليها حمام في الغالب و فيه بره صالة و ريسبشن و فيهم wifi و فطار الصبح
كنت دايما بحجز مع صحابي غرفة ثلاثية او رباعية و الاسعار بتختلف طبعا من مدينة الي مدينة انا جربت الغالي و الرخيص و كلهم كانوا كويسين جدا انت و دماغك و علي حسب مصاريفك عايز حاجة علي فيو و لا حاجة فيها رفاهيات زيادة و لا علي البحر مباشرة ده هيختلف في السعر طبعا
بس لو حبيت اقولكم سعر الغرفة الثلاثية كنت حجزت حاجات ب 2200 روبية لتلات اشخاص يعني الفرد تقريبا 90 جنيه في الليلة و حجزت مرة غرفة ثنائية ممتازة جدا كانت ب 1000 روبية لفردين يعني الفرد كان عامل 60 جنيه في الليلة و مرة حجزت ب 5600 روبية مثلا لتلات افرد كانت حاجة افخم شوية
كنت دايما بحجز من booking و اغلب الحاجات ديه الدفع عند الوصول فكانت ميزة
الشوبينج:
سيرلانكا في الشوبينج تعتبر رخيصة برضه في حاجات كتير و عندهم اسواق شعبية و مولات في العاصمة
الاسواق الشعبية طبعا ارخص حاجة بس لازم تفاصل كويس جدا و تسال اكتر من مرة قبل ما تشتري لو عندك وقت و المحلات في المولات اغلي طبعا بس لو عايز تشتري هدايا تذكارية بسيطة حاول تجيبها من الاسواق الشعبية هتبقي ارخص النص تقريبا انما لو بتدور علي هدوم و عايز جودة خليك في المحلات او المولات
سيرلانكا عامة مشهورة بالشاي السيلاني طبعا رقم 1 في العالم و عندهم ماركات كتير جدا ممكن تجيبه من مزارع الشاي او فيه كذا محل في المولات و فيه محل كبير في العاصمة كولومبوا برضه بيبيع كل الماركات اللي هناك في مكان واحد و بنفس الاسعار الرسمية ممكن تشتري شاي من اول 90 روبية الي 2000 روبية العلبة و الحاجات المعقولة بتتكلم في 130 الي 600 روبية
و برضه سيرلانكا مشهورة بالاحجار الكريمة بس معنديش فكرة قوي عنها و اسعارها للاسف
اللغة :
اغلب الناس هناك هتقدر تتواصل معاهم بالانجليزي عادي و في المطاعم الشعبية هيفهموا كلمات اكتر منها جمل كبيرة فخلي اللغة بتاعتك بسيطة معاهم علي قد ما تقدر
الناس اللي متعلمة بتعرف انجليزي كويس جدا لو احتاجت حاجة تقدر تسال في الشارع بسهولة جدا
و في الاتوبيس الكمسري في الغالب مش بيعرف انجليزي فا لازم تقوله اسم المحطة بس اللي نازل فيها و بعد كده اساله علي السعر علشان لو كلمته كلام كتير مش هيفهمك في الغالب
تجديد الفيزا
نيجي بقي لنقطة تجديد الفيزا ده في حالة انك قاعد اكتر من 30 يوم زي حالاتي , بتروح هناك في العاصمة مبني الهجرة و الجوازات و يفضل من بدري جدا جدا علشان الزحمة و بتعمل طلب و بتاخدها اخر النهار لو رايح من بدري و ممكن تمدها شهر او شهرين من غير اي اوراق او اسباب للمد بتاع الفيزا ممكن بس تخلي معاك صورة من حجز طيران العودة احيانا بيسالو عليها
لو اكتر من شهر او شهرين بعد اول شهر لازم تكتب الاسباب و هيسالوك معاك فلوس قد ايه تكفيك القعدة هناك
و ده اللينك اللي فيه اسعار مد الفيزا عن شهر
/Visa Fees
ده لينك الفيديو بتاع كولمبو :
[HASHTAG]#35daysinSriLanka[/HASHTAG]
[HASHTAG]#SriLanka[/HASHTAG]
#سيرلانكا
#رحلتي_الي_سيرلانكا
الجزء الاول
بعد رحلة 35 يوم في سيرلانكا لفيتها شمالا و جنوبا و شرقا و غربا قررت اكتب عن المكان الساحر ده اللي ملوش حل و اللي مش هزهق من الكلام عنه و هتكلم عنها في كذا بوست علشان الموضوع ميبقاش طويل قوي و هخلي البوست ده عام شوية عن البلد و بعد كده هتكلم عن ايه اللي ممكن تزوره و تعمله في المدن المختلفة و في اخر البوست فيه لينك لفيديو من تصويري عن كولومبو (العاصمة)
اولا خليني اتكلم عن الفيزا بتاعتها و ازاي تعملها
هي واحدة من اسهل الفيز اللي ممكن تحصل عليها اونلانين بسهولة جدا من الموقع ده :
https://www.eta.gov.lk/slvisa/visainfo/center.jsp
كل المطلوب منك بيانتك الشخصية و عنوانك في سيرلانكا اللي هو ممكن تجيبه من اي موقع حجز فندق او جيست هاوس و تكلفتها 35 دولار و بتطلع ممكن في غصون ساعات الي اسبوع بالكتير والدفع بالفيزا طبعا علي الموقع بتاعهم
يا اما الحل التاني انك تروح السفارة و تقدم عليها بنفسك و هتضطر تجيب حجز طيران و حجز فندق و صور 6*4 خلفية بيضاء و بتاخدها في حدود اسبوع او 10 ايام و ليهم فرع في القاهرة في الزمالك مش عارف بقيت الدول العربية ايه بصراحة
المعيشة و الاسعار
هي بصراحة دولة من ارخص الدول اللي ممكن تسافرها و اسعارها كويسة جدا
يعني مثلا ممكن تاكل 3 وجبات في مطاعم محلية ب 5 دولار للتلات وجبات يعني تقريبا 750 روبية سيرلانكية
متوسط مصاريف الشخص اليومية ممكن تبقي من 1000 الي 2000 روبية بالكتير قوي الا بقي لو حبيت تصرف اكتر علي الاكل في مطاعم غالية ممكن تلاقي الوجبة الواحدة بتبتدي من 1000 او من 2000 روبية ( انت و دماغك بقي )
انا تقريبا كنت بصرف حوالي 100 دولار في الاسبوع شاملة الاكل و المواصلات و الفسح (ممكن تزيد او تقل حاجة بسيطة علي حسب اسعار الرحلات لان فيه حاجات غالية شوية )
بالنسبة للاكل هو اغلب اكلهم سبايسي بس ممكن تسال علي الاكل اللي مش سبايسي بس ده مش كتير و برضه عن تجربه في مطاعم كتير قوي اي حاجة يقولك عليها مش سبايسي هي سبايسي بس خفيف شوية
و بالنسبة بقيت الاسعار شوفوا الموقع ده حلو جدا و الاسعار بنسبة كبيرة جدا مظبوطة في قسم ال cost of living
/Travel information - The Basetrip
المواصلات :
اولا سيرلانكا فيها شبكة مواصلات قوية و بتقدر تسافر اي حتة بالمواصلات العامة
في كل المدن عندهم اتوبيسات و توك توك و القطارات ( المواصلات العامة ) و في العاصمة عندهم uber و حاجة تانية ارخص من uber اسمها pickme up
ميزة البرنامج التاني انه من خلاله تقدر تحجز حوالي 5 فئات من السيارات من اول التوك توك الي عربية صغيرة الي عربية اكبر شوية الي فان (ميكروباص) و كل واحد ليه سعره و بتقدر تعرف من خلاله سعر المشوار من قبل ما تركب طبعا
الاتوبيس اسعاره رخيصة جدا في المسافات الصغيرة و حتي الطويلة يعني ممكن تدفع من 15 الي 40 روبية في المسافات الصغيرة الي 100-500 بالكتير جدا في المسافات الطويلة
الاتوبيسات زحمة في اغلب الوقت و فيها موسيقي عالية جدا بس ارخص وسيلة للتنقل في المسافات الطويلة و ليها محطات في كل حتة و ليها مواعيد
و بالنسبة للتوك توك فيه منهم اللي فيه عداد و منهم اللي مفيهوش (اللي مفيهوش ده لازم تقاوله الاول و تقوله رايح فين بالظبط ) و يفضل تشوف السعر علي pickme up الاول و لو مرضيش امشي وسيبه هتلاقيه هيمشي خلفك و يوافق بنسبة كبيرة جدا
القطارات :
اولا القطارات عندهم 3 درجات اولي و تانية و ثالثة و القطارات في العادي رخيصة جدا و غالبية الناس بتركب الثالتة او التانية و ممكن تدفع في سفر طويل جدا 125-250 روبية لو درجة تالتة يعني من 15 جنيه مصري الي 30 جنيه مصري و يفضل في المسافات الطويلة تاخد القطر من محطة في الاول بقدر المستطاع علشان تلاقي مكان تقعد
و ده الموقع اللي تقدر تعرف منه مواعيد القطارات لكل المدن
/Welcome to Sri Lanka Railways
و اهم حاجة في ده كله افتكر انك لازم تسافر خفيف و اي حاجة تحس انك مش محتاجها اوعي تاخدها
و في المواصلات العامة حاول تاخد شنطة backpack الكبيرة بتاعة السفر بلاش الشنط اللي بعجل ديه مش هتبقي سهل خالص تركب بيها الاوتوبيسات و القطارات
الاقامة :
اغلب الحاجات اللي قعدت فيها كانت اسمها Guest House ده عبارة عن زي فندق صغير او بيت كبير كده فيه مثلا 10 غرف كل غرفة ليها حمام في الغالب و فيه بره صالة و ريسبشن و فيهم wifi و فطار الصبح
كنت دايما بحجز مع صحابي غرفة ثلاثية او رباعية و الاسعار بتختلف طبعا من مدينة الي مدينة انا جربت الغالي و الرخيص و كلهم كانوا كويسين جدا انت و دماغك و علي حسب مصاريفك عايز حاجة علي فيو و لا حاجة فيها رفاهيات زيادة و لا علي البحر مباشرة ده هيختلف في السعر طبعا
بس لو حبيت اقولكم سعر الغرفة الثلاثية كنت حجزت حاجات ب 2200 روبية لتلات اشخاص يعني الفرد تقريبا 90 جنيه في الليلة و حجزت مرة غرفة ثنائية ممتازة جدا كانت ب 1000 روبية لفردين يعني الفرد كان عامل 60 جنيه في الليلة و مرة حجزت ب 5600 روبية مثلا لتلات افرد كانت حاجة افخم شوية
كنت دايما بحجز من booking و اغلب الحاجات ديه الدفع عند الوصول فكانت ميزة
الشوبينج:
سيرلانكا في الشوبينج تعتبر رخيصة برضه في حاجات كتير و عندهم اسواق شعبية و مولات في العاصمة
الاسواق الشعبية طبعا ارخص حاجة بس لازم تفاصل كويس جدا و تسال اكتر من مرة قبل ما تشتري لو عندك وقت و المحلات في المولات اغلي طبعا بس لو عايز تشتري هدايا تذكارية بسيطة حاول تجيبها من الاسواق الشعبية هتبقي ارخص النص تقريبا انما لو بتدور علي هدوم و عايز جودة خليك في المحلات او المولات
سيرلانكا عامة مشهورة بالشاي السيلاني طبعا رقم 1 في العالم و عندهم ماركات كتير جدا ممكن تجيبه من مزارع الشاي او فيه كذا محل في المولات و فيه محل كبير في العاصمة كولومبوا برضه بيبيع كل الماركات اللي هناك في مكان واحد و بنفس الاسعار الرسمية ممكن تشتري شاي من اول 90 روبية الي 2000 روبية العلبة و الحاجات المعقولة بتتكلم في 130 الي 600 روبية
و برضه سيرلانكا مشهورة بالاحجار الكريمة بس معنديش فكرة قوي عنها و اسعارها للاسف
اللغة :
اغلب الناس هناك هتقدر تتواصل معاهم بالانجليزي عادي و في المطاعم الشعبية هيفهموا كلمات اكتر منها جمل كبيرة فخلي اللغة بتاعتك بسيطة معاهم علي قد ما تقدر
الناس اللي متعلمة بتعرف انجليزي كويس جدا لو احتاجت حاجة تقدر تسال في الشارع بسهولة جدا
و في الاتوبيس الكمسري في الغالب مش بيعرف انجليزي فا لازم تقوله اسم المحطة بس اللي نازل فيها و بعد كده اساله علي السعر علشان لو كلمته كلام كتير مش هيفهمك في الغالب
تجديد الفيزا
نيجي بقي لنقطة تجديد الفيزا ده في حالة انك قاعد اكتر من 30 يوم زي حالاتي , بتروح هناك في العاصمة مبني الهجرة و الجوازات و يفضل من بدري جدا جدا علشان الزحمة و بتعمل طلب و بتاخدها اخر النهار لو رايح من بدري و ممكن تمدها شهر او شهرين من غير اي اوراق او اسباب للمد بتاع الفيزا ممكن بس تخلي معاك صورة من حجز طيران العودة احيانا بيسالو عليها
لو اكتر من شهر او شهرين بعد اول شهر لازم تكتب الاسباب و هيسالوك معاك فلوس قد ايه تكفيك القعدة هناك
و ده اللينك اللي فيه اسعار مد الفيزا عن شهر
/Visa Fees
ده لينك الفيديو بتاع كولمبو :
[HASHTAG]#35daysinSriLanka[/HASHTAG]
[HASHTAG]#SriLanka[/HASHTAG]
#سيرلانكا
#رحلتي_الي_سيرلانكا