T
Tamer Medhat
:: مسافر ::
السلام عليكم
عايز احكيلكم تجربه وان شاء الله الناس اللي بتسافر هتستفيد منها
كنت حاجز تذكره رجوع من الامارات لمصر وكانت امبارح،،يعني قبل العيد بيوم وطبعا كان عليها ضغط كبير
المهم فيه ظروف عندي اتغيرت (امي ربنا رزقها بالحج) فقررت اني الغي التذكره ولما كلمت شركة الطيران لقيت نفسي هاخسر اكتر من نص ثمن التذكره سواء كنت هاغيرها او هالغيها
الفكره بقي ايه (احنا متفقين ان الرحله دي عليها ضغط وناس كتير حاجزه)
شركات الطيران ليها الحق انها تفتح الحجز للناس باكتر من العدد اللي تتحمله الطياره .. بمعني ان لو الطياره تشيل ١٠٠ مسافر يبقي هما ليهم الحق انهم يفتحو الحجز ل ١١٠ او ١١٥ مثلا بنسبه معينه ومعروفه
ايون مش تستغرب... ارجع اقرأ الشروط والاحكام اللي علي تذكرة السفر
المهم انا رحت المطار كأني مسافر عادي خالص بس رحت في اخر وقت ينفع ادخل فيه ال boarding (الوزن والورقه اللي بتاخدها عشانً تطلع الطياره)
وطبعا قالولي احنا اسفين الطياره over boarding ومالكش مكان
قالولي احنا هنعوضك وادوني تذكره علي نفس الطياره بس تاني يوم
+
اليوم اللي هتاخره ده اقعدوني في فندق روعه (هوليداى ان ) بفطار وغدا وعشي وعربيه مخصوص توصلني الفندق وتجيبني منه للمطار
+
وخد التقيله بقي ... قسيمه ب ٢٠٠ دولار اقدر استخدمها عشانً أحجز اي رحله طيران معاهم بعد كدهً ( اصلا التذكره اللي انا كنت حاجزها كانت أرخص من ٢٠٠ دولار )
صحيح.. لما رحت الفندق كانت الساعه عدت ١٠ بليل وطبعا ده ما ينفعش فيه لا فطار ولا غدا ولا عشا ولقيت ان شركة الطيران عامله وجبه مخصوص للناس بتوعها يطلبوها في في اي وقت(اللي في الصوره )
الحمد لله
المخاطرة الوحيده في الموضوع ان لو كان فيه مكان علي الطياره كنت ساعتها هالغي الرحله في وقت ال boarding وده كان هيخسرني كل تمن التذكره
صحيح الشركه المحترمه دي اسمها شركه الاتحاد للطيران ابو ظبي
وعيدكم مبارك ومش تنسو تدعولي بقي
#منقووووووول
عايز احكيلكم تجربه وان شاء الله الناس اللي بتسافر هتستفيد منها
كنت حاجز تذكره رجوع من الامارات لمصر وكانت امبارح،،يعني قبل العيد بيوم وطبعا كان عليها ضغط كبير
المهم فيه ظروف عندي اتغيرت (امي ربنا رزقها بالحج) فقررت اني الغي التذكره ولما كلمت شركة الطيران لقيت نفسي هاخسر اكتر من نص ثمن التذكره سواء كنت هاغيرها او هالغيها
الفكره بقي ايه (احنا متفقين ان الرحله دي عليها ضغط وناس كتير حاجزه)
شركات الطيران ليها الحق انها تفتح الحجز للناس باكتر من العدد اللي تتحمله الطياره .. بمعني ان لو الطياره تشيل ١٠٠ مسافر يبقي هما ليهم الحق انهم يفتحو الحجز ل ١١٠ او ١١٥ مثلا بنسبه معينه ومعروفه
ايون مش تستغرب... ارجع اقرأ الشروط والاحكام اللي علي تذكرة السفر
المهم انا رحت المطار كأني مسافر عادي خالص بس رحت في اخر وقت ينفع ادخل فيه ال boarding (الوزن والورقه اللي بتاخدها عشانً تطلع الطياره)
وطبعا قالولي احنا اسفين الطياره over boarding ومالكش مكان
قالولي احنا هنعوضك وادوني تذكره علي نفس الطياره بس تاني يوم
+
اليوم اللي هتاخره ده اقعدوني في فندق روعه (هوليداى ان ) بفطار وغدا وعشي وعربيه مخصوص توصلني الفندق وتجيبني منه للمطار
+
وخد التقيله بقي ... قسيمه ب ٢٠٠ دولار اقدر استخدمها عشانً أحجز اي رحله طيران معاهم بعد كدهً ( اصلا التذكره اللي انا كنت حاجزها كانت أرخص من ٢٠٠ دولار )
صحيح.. لما رحت الفندق كانت الساعه عدت ١٠ بليل وطبعا ده ما ينفعش فيه لا فطار ولا غدا ولا عشا ولقيت ان شركة الطيران عامله وجبه مخصوص للناس بتوعها يطلبوها في في اي وقت(اللي في الصوره )
الحمد لله
المخاطرة الوحيده في الموضوع ان لو كان فيه مكان علي الطياره كنت ساعتها هالغي الرحله في وقت ال boarding وده كان هيخسرني كل تمن التذكره
صحيح الشركه المحترمه دي اسمها شركه الاتحاد للطيران ابو ظبي
وعيدكم مبارك ومش تنسو تدعولي بقي
#منقووووووول
