S
Sameh Elmansy
:: مسافر ::
بص يا باشا خليك دايما صريح مع الناس عشان لو حد راح وشاف عكس ذلك فاقل حاجه ممكن يكره البلد كلها فعلا من ورا الكلام ده ... اولا انا نص مصري ونص اردني وبقالي فمصر حاجه بسيطه وكل حياتي في الاردن مش هتكلم عن اي وضع سياسي ملناش فيه انا هتكلم عن الطبع السياحي اللي حضرتك بتتكلم فيه ... الاردن بلد بسيطه جدا ملهاش في اي علاقات وحشه مع اي بلد لانها بلد بتحب السلام وفحالها ومشاكلها منها فيها او جيت تتكلم عن انها سياحيه فهي تمتلك حاجات اثريه جميله اه من تاريخ انبياء وتاريخ جميل والبترا وام قيس ونهر الاردن لكن لو جيت تدور عالكلام اللي قلته فعمان تعتبر تاني اغلى مدينه عربيه في الشرق الاوسط بعد دبي في الترتيب العالمي وكسياحه فاولاد البلد نفسهم لما يحبو يروحو سياحه ويشمو الهوا بييجو شرم الشيخ لمدة اسبوع او خمس ايام تذكرة رايح جاي ب 300 دينار مع اقامة فندقية وعروض هائلة وارخص بكتييير من عيشة الاردن ولو اتكلمت عالشعب فالشعب الاردني طيب لكن في حاجه مختلفه عن مصر انه دايما مكشر وصعب انه يضحك عكس المصريين خااالص لانه المصري لو راح هناك وشاف حاجه هو مش متعود عليها من ضحك وهزار وخفة دم فاكيد هيفصل وش وهيتضايق من حاجه زي دي وكعيشه لو غير ال 25 بدينار اردني هيخاف يصرف اي حاجه هناك وفعلا اسعار غاااليه فوق الخيال والسيارات والبنزين غاااالي فوق الخيال وكانت هتخش مجلس التعاون الخليجي وكل ده يرخص لكن ما انطبقش عليها الشروط واترفضت عشان فعلا كان الشروط انه الجمرك يتلغي والبنزين يرخص وحاجات كتير ... البلد فيها نظام وامن وامان فعلا والشرطه وكل حاجه حلوة واللي ساندها دلوقتي ان الشعب عايش عالاقساط وبسهولة كبيره والشعب عايش بالنظام ده وكله راضي عشان عاوز يعيش غير صندوق المرأه من خلال الملكه المعظمه لملكه رانيا انها بتدعم المراه فيها وبتديلها حقوق كبيره الحمد لله ... فيها جبال ارووعه لكن متتقارنش باوروبا طبعا وهي بسيطه واهلها راضيين بيها على كده عادي ... وبالنسبه للناس اللي تقولك اجي زياره واشتغل هناك فاحب اقولك ان الاردن من الدول اللي منهارة اقتصاديا يعني وارداتها اكتر من صادراتها ووضع الشعب حاليا صعب فوووق الخيال وخصوصا من بعد نزوح اللاجئين السوريين للاردن والاردنيين نفسهم دلوقتي بيسافرو يشتغلو في الخليج واوروبا وكله عاوز يسيب البلد ... فيا ريت قبل ما تنشر اي حاجه تنشر ايجابياتها وسلبياتها عشان الناس تعرف تميز صح .. وشكرا