B
Badr Helmy
:: مسافر ::
صباح سعيد اصدقاء احلي جروب 
لو فاكريني انا اللي كنت في تايلاند من فترة قريبة قضيت فيها اسبوعين و بحب الرغي 
و بما اني صورت اكتر من 6000 صورة و فيديو و عندي تفاصيل كتير احكيها كنا اتفقنا نقسم الرحلة علي مجموعة بوستات .. كل بوست يشمل يوم او يومين من الرحلة باكبر قدر من الصور عشان بقدر الامكان ما ننساش حاجة و اللي بيزهق من القراية ما يكملش عشان اكيد ها يشتكيني
- اول نقطة هنا هي صاحب البوست اللي كان من فترة بسيطة بيتفرج علي بوستات السياحة في الجروب الجميل ده و يمصمص شفايفه و بيقول دي ناس في عالم و احنا في عالم تاني .. السياحة جميلة اكيد بس التكاليف و الترتيبات و البلاد الغريبة و الوقت و احتمالات الغلط و الصح .. حاجة صعبة و انا ماعتقدش اني فعليا هاعملها في يوم من الايام .. دانا عشان اقرر هاتغدي ايه النهاردة بفكر نص ساعة .. خليني اقرا البوستات و بس عشان كدة قصدت اكتب البوستات بتاعتي دي .. لأن كل شخص بيقراها و بيتابع اخبار الجروب مش بعيد ابدا يكون في وقت قريب اوي في حتة غريبة علي كوكب الارض ماكانش يعتقد انه عنده الشجاعة او العزم في يوم من الايام انه يفكر يروحلها اصلا لكن الموضوع متوقف فقط علي قرار شجاع .. هاعملها يعني هاعملها .. لانا اول واحد و لا اخر واحد .. ايه اللي ممكن يحصل غير انها اكيد وقت مش ها يتنسي في حياتك .. و قد كان .. و فعلا كانت من اجمل القرارات اللي خدتها في حياتي
- طيب ها تسافر فين ؟! دي من احلي الاسئلة فعلا .. العالم كبير اوي و فيه كل حاجة .. انت تحب تستمتع بإيه ؟! بتحب الخضرة و الجبال و الجزر و الشواطئ الاستوائية زيي .. يبقي تايلاند (بحكم اني رحتها) او اي بلد جنبها تحبها ... ليك اهتمامات تانية افتح الجوجل و تابع اخبار الجروب و انت ها تلاقي اختيارات رائعة كلها تستحق الزيارة !
اوكيه .. استقرينا علي تايلاند ؟! تأشيرة سهلة بتقدم عليها بكل بساطة و مش محتاجة حتي حساب بنكي طالما سياحة لمرة واحدة قصيرة .. بس خطاب من جهة العمل و بياناتك الشخصية و حجز طيران و فندق (سهل تجيبهم بدون دفع حقيقي) و مصاريفها حسب البلد اللي بتقدم منها
- طيب حجوزات و طيران ؟! هو دي المهم في البوست الأول ليا هنا
خلينا نكون متفقين ان مفيش حلاوة من غير شوية تعب ؟! و التعب في الموضوع ده لذيذ جدا .. كله ع النت و عدد غير محدود من كوبايات الشاي (بالنعناع)
- تكتب في الجروب كلمة تايلاند بالعربي او الانجليزي .. و استمتع بالقراية عن كل شئ يخصها باهتمام طالما انت نويت قريب تبقي واقف علي ارضها و بتفكر طب انا هاعمل ايه دلوقتي .. افتح الجوجل و احكي معاه .. مش بهزر احكي معاه بالعربي لو تحب و يفضل بالانجليزي .. اسأله ممكن اعمل ايه في تايلاند ؟! ايه افضل وقت ازور تايلاند ؟! ايه افضل مدن ازورها في الشهر الفلاني ؟! ايه افضل نصائح قبل ماوصل تايلاند للسياحة؟! ايه اللي ممكن اعمله للمتعة و المغامرة في المدينة الفلانية؟ ايه وضع الطقس في المدينة الفلانية في الشهر الفلاني؟ ألبس هدوم ايه ؟! ادفع كام؟ .. احكي كل اللي ييجي علي بالك زي ما بتحكي مع اعضاء الجروب هنا بس لازم تحكي .. يعني لازم تقرا و تجمع معلومات و تفهمها كويس و تدون علي قد ما تقدر عشان تقدر فعلا تتصرف بقدر الامكان وقت اي استفسار او موقف .. و صدقني .. طالما موبايلك في ايدك و فيه انترنت ما تقلقش .. ها تعرف تتصرف في اي موقف ابسطها ها تبعت الجروب هنا او تتواصل مع اي عدد من الاصدقاء انت تكون اتعرفت عليهم (و انا في الخدمة ) لو احتاجت اي معلومة .. واضح اني باتكلم كتير اوي .. انا حذرتكم اني بارغي و اما بابتدي مش باوقف
- أه صحيح .. الطيران ..علي طول Skyscanner ربنا يخليهولنا .. تشوف فيه اسعار الطيران اللي محتاجها و لما يقولك السعر علي الخطوط الفلانية تسيب الويندو مفتوحة و تفتح واحدة جديدة علي الموقع الرسمي لنفس شركة الطيران و تشوف سعر نفس الطيارة هل هو افضل؟ لو افضل احجز من عليه او اللي يريحك طبعا
انا لما حجزت لقيت في شهر سبتمبر اقل سعر طيران كان الخطوط العمانية و انا كنت مجربها قبل كدة و كانت مناسبة جدا (طبعا حجز ترانزيت اقل في السعر من الطيران المباشر) دوروا علي ترانزيت اقل فترة ممكنة .. في حالتي كان الترانزيت في مسقط ساعة واحدة فقط يعني انزل من الطيارة الاولي اطلع ع التانية علي طول (متعة بالنسبة لي) و اقل في السعر (1640 درهم اماراتي ذهاب و عودة) يعني 7400 جنيه مصري تقريبا .. اختار الكرسي بتاعك و نوعية الوجبة وقت الحجز و نزل تطبيق علي الموبايل لشركة الطيران بتاعتك عشان تتابع رحلتك و تعمل بوردينج لنفسك لو حبيت .. انا كنت باعمل بوردينج قبل ماطلع المطار و لما اوصل مش باقف في الطوابير الطويلة المملة دي .. باروح علي كاونتر منفصل و دايما فاضي احط شنطي و اخد كارت البوردينج في اقل من دقيقة و امشي خصوصا لو سجلت في الابليكيشن بتاعك رقم الfrequent flyer اللي قلتلكم عليه .. ها يبقي ليك معاملة ظريفة بصراحة
- قبل ما تحجز تدخل علي الموقع الرسمي لخطوط الطيران و تسجل نفسك frequent flyer و ده اشتراك مجاني طبعا بمعلوماتك الشخصية .. لما تحجز تذكرتك اتاكد انك تذكر رقمك الخاص و ها يحسب لك اميال مجانية تقدر تستعملها بعدين .. في حالتي انا حجزت دبي مسقط بانجكوك مسقط دبي .. الاميال اللي اخدتها تكفي تذكرة مجانية لمدينة قريبة .. يعني اقدر احجز دلوقتي دبي مسقط ببلاش
- حاجة تانية مهمة جدا .. كل شركة طيران ليها شركاء Partners في حالتي انا و بالمصادفة لقيت ان Agoda و ده موقع حجز فنادق هو شريك للطيران العماني و تقدر بعد ما ترجع من رحلتك تفتح حساب ال frequest flyer بتاعك علي خطوط الطيران العماني دي و تطالب باميال طيران مجانية بقدر حجز كل فندق حجزته علي أجودا حسب القيمة و الاميال اللي ممكن تاخدها و بكدة تبقي ضربت كذا عصفور بحجر واحد
لو معاك كريديت كارد فيه ماستر كارد (تيتانيوم او بلاتينيوم او اعلي) تقدر تستعمله بكل سهولة في المطار (القاهرة او دبي مثلا) انك تدخل ال VIP Lounge ببلاش تماما .. تاكل و تشرب علي اعلي مستوي و تستريح و تشحن موبايلك و تتفرج علي شاشات عرض سينمائية و تتوضي و تصلي او تدخن و تقرا جرايد و مجلات .. عيشة ملوكي ببلاش تماما .. فقط ينقصك انك تعرف المعلومة دي و بس 
- طيب حجوزات الفنادق .. لما تحدد المدن اللي عايز تتفسح فيها تفتح booking او Agoda و في حالتي انا فضلت Agoda لانه كان اقل في السعر بقدر مش وحش خالص ..
- المهم تفتح البرنامج اللي يريحك و تحط في البحث اسم المدينة و التاريخ بتاع الزيارة و لما تطلع النتائج سيبك منها خالص و بص فوق علي اليمين ها تلاقي كلمة خريطة Map تدوس عليها ها يفتح لك خريطة المدينة دي و عليها نقط لكل الفنادق الموجودة و فوق كل نقطة سعر الليلة فيها او اجمالي سعر الفترة اللي انت طلبتها .. هو ده المفيد بقة تقف بالماوس علي النقطة اللي تريحك حسب موقعها علي الخريطة عشان ما تمشيش ورا سعر فندق كويس و تلاقيك في وسط الصحرا او في احراش الأدغال اختار في حدود افضل عشر اختيارات يعجبك مكانهم و سعرهم و ارحم نفسك من الحيرة و الارتباك و اقفل كل نوافذ البحث التانية و قرر انك ها تختار من الفنادق دي .. كل صفحة فندق ها تلاقي فيها صور للفندق و اهم مميزاته و سعره طبعا .. ابتدي الاول انك تقفل نوافذ الفنادق اللي مش عاجباك اوي عشان تقلل الحيرة و توصل لاقل عدد ممكن و مرضي ليك و توكل علي الله و اختار اللي يريحك و ممكن تدفع بعد الوصول .. و ممكن اصلا تلاقي فندق عاجبك تقوم مكبر دماغك خالص و كاتب اسمه علي الجوجل و فاتح صفحته و جايب الايميل بتاعه و تبعت تسألهم علي افضل سعر للحجز المباشر معاهم (احتمال يكون اقل) و الاسعار بتبتدي من ارقام لا تتخيلوا رخصها و معاك لحد الارقام الفلكية .. بتختار براحتك حسب احتياجك انت .. انا بصراحة ماقدرش علي غرف مشاركة في هوستيل او كامب .. دورت علي فندق 3 نجوم عمل معايا في الاسبوع حوالي 500 درهم بالافطار في بوكيت يعني حوالي 2300 جنيه مصري و زيهم في اسبوع تاني في مدينة اسمها كرابي (الصور دايما بتبقي احلي من الواقع بشوية عشان ما تتصدموش )
رحلتي كانت اسبوع في بوكيت و 5 ايام في كرابي و يومين في بانجكوك قبل السفر لزوم الشوبنج
- اوعوا تنسوا حجوزات الطيران الداخلي من بانجكوك لبوكيت مثلا و ما تنتظروش لما توصلوا البلد لانها ممكن تكون مشكلة كبيرة .. افضل اسعار لقيتها كانت Bangkok Airways و عملت حوالي 100 درهم بيساوي 470 جنيه مصري للاتجاه الواحد .. و اتاكدوا تحجزوا (Muslim meal) و الا ها تلاقوا اكل هلامي مجهول الهوية طعمه فظيع بصراحة
شنطتك تبقي بسيطة بقدر الامكان .. هدوم قليلة و خفيفة و ابعد عن الجينز و ركز علي القطنيات عشان الجو .. مش بعيد الدنيا تمطر هناك بس بتبقي وقت بسيط و ترجع الشمس تشرق و في الفنادق هاتلاقي في دولابك شمسية عشان لو مطرت تنزل بيها
- حول فلوسك قبل السفر لدولارات فئة المائة دولار .. اول نزولك في المطار تحول 100 دولار بسعر حوالي 31 باهت للدولار (الجنية يساوي 2 باهت) عشان تشتري خط تليفون و نت .. الخط اللي اشتريته كان 550 باهت فيه 4.5 جيجا انترنت و 100 باهت رصيد اتصالات ها يشغلوهولك و انت واقف في موبايلك و يدوهولك شغال جاهز .. و تدفع كمان تكلفة التاكسي او الباص من المطار للفندق .. في حالتي خدت طيران داخلي مباشرة علي بوكيت و نزلت في مطار بوكيت في نص الليل و كانت الباصات انتهي وقت العمل بتاعها و دي بتكلف 180 باهت من مطار بوكيت لمنطقة باتونج (المنطقة الاساسية في بوكيت و فيها العرب و كل الاماكن المهمة) افضل مكان لاختيار فندقك لازم يبقي فيها .. مكاتب التاكسي طبعا لقوني فرصة و عايزيني ادفع 800 باهت عشان تاكسي خاص و انا ركبت دماغي و رفضت يمصلحوا عليا شوية لقيت اتنين مغاربة في نفس موقفي بالظبط ضموا عليا .. شوية 5 شباب بحرينيين برضه نفس الوضع .. اشتركنا في باص خاص و قسمنا تمنه علينا و وصلنا لفنادقنا ارخص من الباصات الرخيصة بتاعة الصبح المصري بيسلك في اي مكان
- قبل السفر تاخد في شنطتك علبتين تلاتة جبنة فيتا وشوية زيتون او مخلل لأنك مش ها تلاقيها هناك و ها تتعب في الاكل التايلاندي و ها يوجعلك بطنك لو مش متعود .. و معظم المنتجات هناك مكتوب عليها باللغة بتاعتهم و الانجليزي المكتوب قليل اوي و ها يبقي مشكلة فعلا .. واحد من مشاكلي كان الأكل لأن المطاعم تكلفتها الي حد ما مش قليلة لما تحسب جميع وجباتك طوال فترة الاقامة .. فأكيد ها توفر شوية لو ظبطت شوية جبنة و مربي او نوتيلا او حتي حلاوة يساعدوا معاك لو احتجتهم او لو الوقت زنق معاك شوية و المحلات قفلت بالليل
- المهم ده بوست عن ترتيبات ما قبل السفر و احتمال يكون فيه تفاصيل ناسيها .. هاحاول افتكرها و اكيد لو حبيتوا تسألوا علي اي حاجة ها تضيف لمعلومات البوست .. البوستات الجاية عن ايام الاقامة و الرحلات اللي طلعتها و تفاصيلها و صورها و اسعارها و حجوزاتها و دي متعة لا تقدر بثمن.. و كل بوست و انتوا طيبين و احلي جروب
ده لينك البوست الاول و في كل بوست هاحط هاشتاج تايلاند عشان يبقي سهل الوصول له في البحث
/Badr Helmy
#تايلاند
[HASHTAG]#Thailand[/HASHTAG]
لو فاكريني انا اللي كنت في تايلاند من فترة قريبة قضيت فيها اسبوعين و بحب الرغي و بما اني صورت اكتر من 6000 صورة و فيديو و عندي تفاصيل كتير احكيها كنا اتفقنا نقسم الرحلة علي مجموعة بوستات .. كل بوست يشمل يوم او يومين من الرحلة باكبر قدر من الصور عشان بقدر الامكان ما ننساش حاجة و اللي بيزهق من القراية ما يكملش عشان اكيد ها يشتكيني - اول نقطة هنا هي صاحب البوست
اللي كان من فترة بسيطة بيتفرج علي بوستات السياحة في الجروب الجميل ده و يمصمص شفايفه و بيقول دي ناس في عالم و احنا في عالم تاني .. السياحة جميلة اكيد بس التكاليف و الترتيبات و البلاد الغريبة و الوقت و احتمالات الغلط و الصح .. حاجة صعبة و انا ماعتقدش اني فعليا هاعملها في يوم من الايام .. دانا عشان اقرر هاتغدي ايه النهاردة بفكر نص ساعة .. خليني اقرا البوستات و بس عشان كدة قصدت اكتب البوستات بتاعتي دي .. لأن كل شخص بيقراها و بيتابع اخبار الجروب مش بعيد ابدا يكون في وقت قريب اوي في حتة غريبة علي كوكب الارض ماكانش يعتقد انه عنده الشجاعة او العزم في يوم من الايام انه يفكر يروحلها اصلا لكن الموضوع متوقف فقط علي قرار شجاع .. هاعملها يعني هاعملها .. لانا اول واحد و لا اخر واحد .. ايه اللي ممكن يحصل غير انها اكيد وقت مش ها يتنسي في حياتك .. و قد كان .. و فعلا كانت من اجمل القرارات اللي خدتها في حياتي- طيب ها تسافر فين ؟! دي من احلي الاسئلة فعلا .. العالم كبير اوي و فيه كل حاجة .. انت تحب تستمتع بإيه ؟! بتحب الخضرة و الجبال و الجزر و الشواطئ الاستوائية زيي .. يبقي تايلاند (بحكم اني رحتها) او اي بلد جنبها تحبها ... ليك اهتمامات تانية افتح الجوجل و تابع اخبار الجروب و انت ها تلاقي اختيارات رائعة كلها تستحق الزيارة !
اوكيه .. استقرينا علي تايلاند ؟! تأشيرة سهلة بتقدم عليها بكل بساطة و مش محتاجة حتي حساب بنكي طالما سياحة لمرة واحدة قصيرة .. بس خطاب من جهة العمل و بياناتك الشخصية و حجز طيران و فندق (سهل تجيبهم بدون دفع حقيقي) و مصاريفها حسب البلد اللي بتقدم منها
- طيب حجوزات و طيران ؟! هو دي المهم في البوست الأول ليا هنا
خلينا نكون متفقين ان مفيش حلاوة من غير شوية تعب ؟! و التعب في الموضوع ده لذيذ جدا .. كله ع النت و عدد غير محدود من كوبايات الشاي (بالنعناع)
- تكتب في الجروب كلمة تايلاند بالعربي او الانجليزي .. و استمتع بالقراية عن كل شئ يخصها باهتمام طالما انت نويت قريب تبقي واقف علي ارضها و بتفكر طب انا هاعمل ايه دلوقتي .. افتح الجوجل و احكي معاه .. مش بهزر احكي معاه بالعربي لو تحب و يفضل بالانجليزي .. اسأله ممكن اعمل ايه في تايلاند ؟! ايه افضل وقت ازور تايلاند ؟! ايه افضل مدن ازورها في الشهر الفلاني ؟! ايه افضل نصائح قبل ماوصل تايلاند للسياحة؟! ايه اللي ممكن اعمله للمتعة و المغامرة في المدينة الفلانية؟ ايه وضع الطقس في المدينة الفلانية في الشهر الفلاني؟ ألبس هدوم ايه ؟! ادفع كام؟ .. احكي كل اللي ييجي علي بالك زي ما بتحكي مع اعضاء الجروب هنا بس لازم تحكي .. يعني لازم تقرا و تجمع معلومات و تفهمها كويس و تدون علي قد ما تقدر عشان تقدر فعلا تتصرف بقدر الامكان وقت اي استفسار او موقف .. و صدقني .. طالما موبايلك في ايدك و فيه انترنت ما تقلقش .. ها تعرف تتصرف في اي موقف ابسطها ها تبعت الجروب هنا او تتواصل مع اي عدد من الاصدقاء انت تكون اتعرفت عليهم (و انا في الخدمة
) لو احتاجت اي معلومة .. واضح اني باتكلم كتير اوي .. انا حذرتكم اني بارغي و اما بابتدي مش باوقف - أه صحيح .. الطيران
..علي طول Skyscanner ربنا يخليهولنا .. تشوف فيه اسعار الطيران اللي محتاجها و لما يقولك السعر علي الخطوط الفلانية تسيب الويندو مفتوحة و تفتح واحدة جديدة علي الموقع الرسمي لنفس شركة الطيران و تشوف سعر نفس الطيارة هل هو افضل؟ لو افضل احجز من عليه او اللي يريحك طبعاانا لما حجزت لقيت في شهر سبتمبر اقل سعر طيران كان الخطوط العمانية و انا كنت مجربها قبل كدة و كانت مناسبة جدا (طبعا حجز ترانزيت اقل في السعر من الطيران المباشر) دوروا علي ترانزيت اقل فترة ممكنة .. في حالتي كان الترانزيت في مسقط ساعة واحدة فقط يعني انزل من الطيارة الاولي اطلع ع التانية علي طول (متعة بالنسبة لي) و اقل في السعر (1640 درهم اماراتي ذهاب و عودة) يعني 7400 جنيه مصري تقريبا .. اختار الكرسي بتاعك و نوعية الوجبة وقت الحجز و نزل تطبيق علي الموبايل لشركة الطيران بتاعتك عشان تتابع رحلتك و تعمل بوردينج لنفسك لو حبيت .. انا كنت باعمل بوردينج قبل ماطلع المطار و لما اوصل مش باقف في الطوابير الطويلة المملة دي .. باروح علي كاونتر منفصل و دايما فاضي احط شنطي و اخد كارت البوردينج في اقل من دقيقة و امشي خصوصا لو سجلت في الابليكيشن بتاعك رقم الfrequent flyer اللي قلتلكم عليه .. ها يبقي ليك معاملة ظريفة بصراحة
- قبل ما تحجز تدخل علي الموقع الرسمي لخطوط الطيران و تسجل نفسك frequent flyer و ده اشتراك مجاني طبعا بمعلوماتك الشخصية .. لما تحجز تذكرتك اتاكد انك تذكر رقمك الخاص و ها يحسب لك اميال مجانية تقدر تستعملها بعدين .. في حالتي انا حجزت دبي مسقط بانجكوك مسقط دبي .. الاميال اللي اخدتها تكفي تذكرة مجانية لمدينة قريبة .. يعني اقدر احجز دلوقتي دبي مسقط ببلاش
- حاجة تانية مهمة جدا .. كل شركة طيران ليها شركاء Partners في حالتي انا و بالمصادفة لقيت ان Agoda و ده موقع حجز فنادق هو شريك للطيران العماني و تقدر بعد ما ترجع من رحلتك تفتح حساب ال frequest flyer بتاعك علي خطوط الطيران العماني دي و تطالب باميال طيران مجانية بقدر حجز كل فندق حجزته علي أجودا حسب القيمة و الاميال اللي ممكن تاخدها و بكدة تبقي ضربت كذا عصفور بحجر واحد
لو معاك كريديت كارد فيه ماستر كارد (تيتانيوم او بلاتينيوم او اعلي) تقدر تستعمله بكل سهولة في المطار (القاهرة او دبي مثلا) انك تدخل ال VIP Lounge ببلاش تماما .. تاكل و تشرب علي اعلي مستوي و تستريح و تشحن موبايلك و تتفرج علي شاشات عرض سينمائية و تتوضي و تصلي او تدخن و تقرا جرايد و مجلات .. عيشة ملوكي
ببلاش تماما .. فقط ينقصك انك تعرف المعلومة دي و بس - طيب حجوزات الفنادق .. لما تحدد المدن اللي عايز تتفسح فيها تفتح booking او Agoda و في حالتي انا فضلت Agoda لانه كان اقل في السعر بقدر مش وحش خالص ..
- المهم تفتح البرنامج اللي يريحك و تحط في البحث اسم المدينة و التاريخ بتاع الزيارة و لما تطلع النتائج سيبك منها خالص و بص فوق علي اليمين ها تلاقي كلمة خريطة Map تدوس عليها ها يفتح لك خريطة المدينة دي و عليها نقط لكل الفنادق الموجودة و فوق كل نقطة سعر الليلة فيها او اجمالي سعر الفترة اللي انت طلبتها .. هو ده المفيد بقة
تقف بالماوس علي النقطة اللي تريحك حسب موقعها علي الخريطة عشان ما تمشيش ورا سعر فندق كويس و تلاقيك في وسط الصحرا او في احراش الأدغال اختار في حدود افضل عشر اختيارات يعجبك مكانهم و سعرهم و ارحم نفسك من الحيرة و الارتباك و اقفل كل نوافذ البحث التانية و قرر انك ها تختار من الفنادق دي .. كل صفحة فندق ها تلاقي فيها صور للفندق و اهم مميزاته و سعره طبعا .. ابتدي الاول انك تقفل نوافذ الفنادق اللي مش عاجباك اوي عشان تقلل الحيرة و توصل لاقل عدد ممكن و مرضي ليك و توكل علي الله و اختار اللي يريحك و ممكن تدفع بعد الوصول .. و ممكن اصلا تلاقي فندق عاجبك تقوم مكبر دماغك خالص و كاتب اسمه علي الجوجل و فاتح صفحته و جايب الايميل بتاعه و تبعت تسألهم علي افضل سعر للحجز المباشر معاهم (احتمال يكون اقل) و الاسعار بتبتدي من ارقام لا تتخيلوا رخصها و معاك لحد الارقام الفلكية .. بتختار براحتك حسب احتياجك انت .. انا بصراحة ماقدرش علي غرف مشاركة في هوستيل او كامب .. دورت علي فندق 3 نجوم عمل معايا في الاسبوع حوالي 500 درهم بالافطار في بوكيت يعني حوالي 2300 جنيه مصري و زيهم في اسبوع تاني في مدينة اسمها كرابي (الصور دايما بتبقي احلي من الواقع بشوية عشان ما تتصدموش )رحلتي كانت اسبوع في بوكيت و 5 ايام في كرابي و يومين في بانجكوك قبل السفر لزوم الشوبنج
- اوعوا تنسوا حجوزات الطيران الداخلي من بانجكوك لبوكيت مثلا و ما تنتظروش لما توصلوا البلد لانها ممكن تكون مشكلة كبيرة .. افضل اسعار لقيتها كانت Bangkok Airways و عملت حوالي 100 درهم بيساوي 470 جنيه مصري للاتجاه الواحد .. و اتاكدوا تحجزوا (Muslim meal) و الا ها تلاقوا اكل هلامي مجهول الهوية طعمه فظيع بصراحة
شنطتك تبقي بسيطة بقدر الامكان .. هدوم قليلة و خفيفة و ابعد عن الجينز و ركز علي القطنيات عشان الجو .. مش بعيد الدنيا تمطر هناك بس بتبقي وقت بسيط و ترجع الشمس تشرق
و في الفنادق هاتلاقي في دولابك شمسية عشان لو مطرت تنزل بيها- حول فلوسك قبل السفر لدولارات فئة المائة دولار .. اول نزولك في المطار تحول 100 دولار بسعر حوالي 31 باهت للدولار (الجنية يساوي 2 باهت) عشان تشتري خط تليفون و نت .. الخط اللي اشتريته كان 550 باهت فيه 4.5 جيجا انترنت و 100 باهت رصيد اتصالات ها يشغلوهولك و انت واقف في موبايلك و يدوهولك شغال جاهز .. و تدفع كمان تكلفة التاكسي او الباص من المطار للفندق .. في حالتي خدت طيران داخلي مباشرة علي بوكيت و نزلت في مطار بوكيت في نص الليل و كانت الباصات انتهي وقت العمل بتاعها و دي بتكلف 180 باهت من مطار بوكيت لمنطقة باتونج (المنطقة الاساسية في بوكيت و فيها العرب و كل الاماكن المهمة) افضل مكان لاختيار فندقك لازم يبقي فيها .. مكاتب التاكسي طبعا لقوني فرصة و عايزيني ادفع 800 باهت عشان تاكسي خاص و انا ركبت دماغي و رفضت يمصلحوا عليا
شوية لقيت اتنين مغاربة في نفس موقفي بالظبط ضموا عليا .. شوية 5 شباب بحرينيين برضه نفس الوضع .. اشتركنا في باص خاص و قسمنا تمنه علينا و وصلنا لفنادقنا ارخص من الباصات الرخيصة بتاعة الصبح المصري بيسلك في اي مكان - قبل السفر تاخد في شنطتك علبتين تلاتة جبنة فيتا وشوية زيتون او مخلل لأنك مش ها تلاقيها هناك و ها تتعب في الاكل التايلاندي و ها يوجعلك بطنك لو مش متعود .. و معظم المنتجات هناك مكتوب عليها باللغة بتاعتهم و الانجليزي المكتوب قليل اوي و ها يبقي مشكلة فعلا .. واحد من مشاكلي كان الأكل لأن المطاعم تكلفتها الي حد ما مش قليلة لما تحسب جميع وجباتك طوال فترة الاقامة .. فأكيد ها توفر شوية لو ظبطت شوية جبنة و مربي او نوتيلا او حتي حلاوة
يساعدوا معاك لو احتجتهم او لو الوقت زنق معاك شوية و المحلات قفلت بالليل- المهم ده بوست عن ترتيبات ما قبل السفر و احتمال يكون فيه تفاصيل ناسيها .. هاحاول افتكرها و اكيد لو حبيتوا تسألوا علي اي حاجة ها تضيف لمعلومات البوست .. البوستات الجاية عن ايام الاقامة و الرحلات اللي طلعتها و تفاصيلها و صورها و اسعارها و حجوزاتها و دي متعة لا تقدر بثمن.. و كل بوست و انتوا طيبين و احلي جروب
ده لينك البوست الاول و في كل بوست هاحط هاشتاج تايلاند عشان يبقي سهل الوصول له في البحث
/Badr Helmy
#تايلاند
[HASHTAG]#Thailand[/HASHTAG]