حد جرب يسافر بكاميرا بروفيشنال ؟ وهو داخل...

[Amira El Sammak]

حد جرب يسافر بكاميرا بروفيشنال ؟ وهو داخل الجمارك غلسوا او عملوا حاجه ؟ انا اعرف واحد اتجمرك علي كاميرته للاسف فعاوزه ردود متاكدين منها
تعديل
انا روحت للجمرك في المطار شاف الكاميرا هي بروفيشنال مرضاش يثبتها ع الباسبور وقالي انها لازم تعدي ال 100 الف عشان يثبتها وقالي مقلقش وعادي

 

[Hoda Hany]

ماتعرضتش لده قبل كدا بس فهمت ان في ناس بتعملdeclare عشان يبقى في الامان

 

[Ȝamr Hamam]

زيها زي اللابتوب الشخصي والموبيل.. محدش بيتكلم عليهم

 

[Mohamed Guda]

المتعلقات الشخصيه ولا فيها مشكله ، ولو صادف وحد أتكلم معاك على اى حاجه من بتوع الجمارك ولا تدفع جنيه

 

[Ahmed Mubarak]

بسافر بيها عادي من غير اي حاجه

 

[Mohamed El Shenawy]

انا كثير بسافر بكاميرا بروفيشنال وعدسات بس بعمل حسابي للمواقف القذرة دي واخد فاتورة الشراء من مصر علشان وانا راجع احطها في وش التخين

 

[Ahmed Ismael]

ولا اي حاجة من الكلام ده خالص كنا معلقينها عادي

 

[Emerald Kingdoms]

اثبتيها في الباسبور عملت كده وبعدي بيها عادي

 

[Ashraf Alhalabi]

انا ثابتها في الباسبور لانها كاميرا فيديو بروفيشنال مابتاخدش عشر دقايق الموضوع ويفضل حضرتك

 

[Amira El Sammak]

انا بسال يا جماعه عشان فيه حد اتجمرك فعلا علي كاميرته واما كتبت في جروب تاني بتاع سفر بردو كزا حد قالي انهم ضايقوه فعلا في الجمارك .. الناس الي اثبتت الكاميرا البروفيشنال علي الباسيور ممكن حد يقولي تفاصيل ?

 

[Mohamed Gameel]

بتتثبت على الجواز فى صاله السفر عن طريق مأمور الجمرك المشرف على الصاله

 

[Amira El Sammak]

شكرا )

 

[Mohamed El Shenawy]

من مأمور الجمرك في الصالة يسمح للمغادرين المصريين والأجانب المقيمين والأفواج السياحية باصطحاب الأصناف ذات القيمة علي أن تثبت علي جواز السفر أو تحرر عنها نموذج 126 ك.م في حالة الرغبة في إعادتها مرة أخري للبلاد .

 

[Rahma Waleed]

لا عادي اخويا جيه من مصر لماليزيا بيها من شهر

 

[Mohammed El-bendary]

مفيش الكلام ده حضرتك الكاميرا مفيش فيها اى مشكله على الاطلاق .

 

[DrAdel Taleb]

لو الكاميرا بروفيشنال وغاليه اطلب تسجيلها عند خروجك لتجنب التعرض لك عند عودتك

 

[Hodhod Soliman]

انا شايف ان مصر حاليا مفيش فيها قواعد ثابتة ولا قوانين واضحة ، وهتدفع يعني هتدفع هو اللي ماشي وهتتعب نفسك لو موظف الجمارك قالك لازم تدفع ، علشان كده اثبت اي حاجة ذات قيمة في باسبورك علشان انت مصري وابوك مصري وجدك مصري ومكتوب عليك البهدلة جوة وبرة

 

[Osama Arab]

الحجات الشخصية مش بتتجمرك

 

[Mona Maher]

الاحتياط واجب
انا سافرت قبل كده مع مجموعة مصورين وكلنا سجلنا الكاميرات والعدسات على الپاسپور
وبرضة بسبب ان واحد معانا حاول يسجل كاميرته على الپاسپور بس بتاع الجمرك قاله مفيش داعي
فأخذ اسم المأمورعلشان لو غلسوا عليه وهو راجع
وفعلا ده اللي حصل بتاع الجمرك عند الوصول كان عايز يجمركه لولا انه اداله اسم الراجل اللي قاله بلاش

 

[Mona Maher]

بعد ما تدخلي المطار وقبل ما تعدي الجوازات تسألي فين مأمور الجمرك هيدلوكي عليه
تقريباً بتدفعي ١٠ جنيه