B
Badr Helmy
:: مسافر ::
مساء الخير عليكوا يا احلي جروب 
اسف لتأخر البوستات بسبب ظروف شغلي .. و كنت بصراحة مرتب اني اختصر يومين او تلاتة في كل بوست عشان ماطولش زي كل مرة لكن لقيت الصور هي المشكلة (حد اقصي 42 صورة لكل بوست) و انا في يوم 3 سبتمبر (تالت يوم في رحلتي) اخدت اكتر من 1500 صورة و فيديو
فبالتالي اضطريت اخلي بوست لكل يوم عشان الصور توضح لكم اكتر من كلامي
- دي كان اول رحلة ليا في البحر و الجزر و كانت رحلة (جيمس بوند ايلاند) .. و بكل اختصار .. لو دي جنة الأرض .. جنة السماء عاملة ازاي !! سبحان الله
- افطار في الفندق و افطار تاني في الميناء البحري - اسورة خاصة بنوعية الرحلة بتاعتي و قارب سريع بأربع محركات - توزيع حبوب داور البحر - الجو كان مشمس جدا و رائع مع سرعة القارب - ممكن تستعملوا القوارب السريعة زي اللي في الصور دي او القارب البطئ .. لكل واحد ميزة و عيب .. القارب السريع اغلي لكن بيختصر المسافة في وقت قليل و بالتالي وقت اكتر في الجزر (5 جزر مختلفة) و لو القارب البطئ فهو أرخص طبعا لكن بتقضي وقت أطول في الانتقالات بس
-ال Sun Block Cream مش اختيار و لا رفاهية و لن ينتقص من رجولتك .. من غيره ها تبقي مقرمش من برة و ملتهب من جوة و ها تقلب بانيه !!
- جزيرة جيمس بوند اروع من الصور بكتير و رغم ان الموبايل تصويره حلو الا انه لا يقارن بالحقيقة في شئ و في نفس الجزيرة فيه مناظر طبيعية كتير لا تقل روعة - في الصور شوية منها
- جزيرة Khai Nai و دي شاطئ رملي ابيض للاسترخاء و Snorkeling للاسماك و الشعاب المرجانية .. المفروض ان دي مكان عظيم و الناس انبهرت بالاسماك و الشعاب المرجانية و لما غطست في المية عشان اشوف اتصدمت بصراحة .. انا اشتغلت سنين في سيناء و البحر الاحمر و عملت Snorkeling و Diving في راس محمد و البلو هول و الجيفتون و غيرها و دي كانت المعني الحقيقي للجنة البحرية فوق الخيال .. اما المنظر اللي شفته في تايلاند فكان بائس بمعني الكلمة و فقير جدا و عاملين عليه مزار !
- الاستاف بتوع المركب في عشر دقايق كانوا نصبوا بوفيه مفتوح كامل للسناكس و المشروبات و الفواكه و منها الاناناس الرهيب اللي اكلت لوحدي معظمه مع البيبسي طبعا (الخمرة الحلال بتاعتي )
- طول الطريق في البحر كنا بنقرب من جزر او شواطئ للتصوير و كلها تستحق ألف صورة لشدة جمالها و روعتها
- بعدها وصلنا لمكان الغداء - جزيرة بانوي - جزيرة فيها 36000 شخص من اصول اندونيسية و الجزيرة مسلمة بالكامل و الاكل فيها حلال اجباري - فيها مساكن و خدمات و مدارس و مساجد و بازارات و مطاعم و كلها مبنية علي دور خشبي مرتفع طبعا عن سطح البحر - الغداء كان جميل جدا و بعدها وقت متاح للمشي داخل الجزيرة او شراء تذكارات .. كنت منبهر بجمال طريقة الحياة و الناس اللي في الجزيرة رغم تأكدي من انها اصعب مما ممكن نتخيل - اشتريت منها تذكارات لؤلؤ طبيعي و شوية حاجات و كان سعرها 20% فقط من سعر نفس الحاجة في بازارات بوكيت - الصورة موجودة
- اتحركنا بعد الغداء لمنطقة داخل البحر عبارة عن مجموعة من الجبال الصخرية العالية لما المد بيقل خلال النهار و مستوي البحر بينزل بينكشف جواها شاطئ جميل جدا لفترة بسيطة نقدر نمشي عليه و نتصور و لكن الوصول ليه بيكون عن طريق الكانوي (القوارب المطاطة في الصور) كل قارب بيشيل فرد او فردين تمنه مشمول في الرحلة لكن بتدي اي مجاملة للي بيجدف لا تقل عن 50 باهت و مفيش منزل للقارب علي الأرض فإما بتستني دور طويل لحد ما تنزل علي الكانوي بتاعك او لو بتعرف تعوم بتنط من مقدمة القارب للبحر و تعوم لحد الكانوي - انا عملت كدة في الفيديو اللي هنا و قفزتي كانت فضيحة بصراحة - التكوينات الصخرية عاملة في جبل شكل سمكة متوحشة بأسنان مرعبة بصراحة و في جانب تاني شكل راس فيل بيشرب من البحر بخرطومه .. سبحان الله فيما أبدع و الكانوي بتاعك بياخد في كهوف داخل الجبل و مغارات مرعبة و جمالها مبهر فوق الوصف او حتي الصور
- بعدها وقفنا تاني في مكان في عرض البحر بجانب جبل صخري لكن ممكن نعمل منه Snorkeling للشعاب و الأسماك و كان افضل شوية من أول جزيرة لكن بيعتمد علي قدرتك علي السباحة لانه بدون شاطئ او أرض تقف عليها و برضه اختصارا للوقت نطينا من مقدمة المركب في ال Deep Blue Sea
- انتهت الرحلة بالعودة تاني للميناء و منها لباصات الرجوع للفندق - شاور سريع و لبس خفيف و نزلت تمشية لمحلات الاكل و اكشاك الوجبات السريعة و حلقة المصارعة و قررت اتعشي هناك في الشارع - اخترت وجبة سي فود عبارة عن طبق مشهور اوي اسمه Tom Yum رز مقلي بالجمبري و قطع السمك و طلبت معاه طبق جمبري بالصوص Sweet and Sour و كان راااائع و سعرها 280 باهت و هناك حصل موقف كوميدي شوية - كنت قاعد باكل و مركز أوي في الأكل و باقي الترابيزات مليانة ناس كتير منهم أوروبيين واضح انهم عايشين في تايلاند من لبسهم و التاتوهات و الناس اللي معاهم - المهم المزيكا المسخرة اللي كانت شغالة في كل حتة فجأة اتقلبت لمزيكا شبه سلام جمهوري كدة عرفت في الاخر انها اغنية عن الملك اللي له مكانه مقدسة هناك - فجأة الناس كلها بطلت كلام و ضحك و لقيت كل الناس قامت وقفت و تنحت لمصدر الموسيقي و انا الوحيد اللي قاعد عمال ابص من فوق النضارة بكل سذاجة مش فاهم هو فيه ايه بالظبط - الناس دي قامت فرجتا طولها ليه - المهم الموضوع طول و كلهم واقفين و انا الوحيد اللي قاعد في نصهم و الاوروبيين عمالين يبصولي كدة بجنب عينيهم شايفيني مستتغرب و مش عارف اعمل ايه بصراحة - حسيت بالاحراج رحت قمت وقفت زيهم بس تقريبا دي كانت اخر 5 ثواني و النشيد خلص و لقيت كل الناس اللي حواليا اتدوروا ناحيتي و فضلوا يصقفولي و يضحكوا و الاوروبيين دول قعدوا يقولولي شكرا و يحنوا راسهم بالطريقة التايلاندية و انا و لا فاهم اي حاجة
- خلصت الاكل و رجلي خدتني لحد Bangla Road - و ده شارع كله مسخرة بصراحة و من احراجي صورت حوالي 500 صورة و فيديو بس مش كتير يعني - و انا في نص الطريق دخلت في حارة غلط و اتفاجأت انها كلها مواخير لا مؤاخذة و بنات كتير اتلموا عليا و فضلوا يشدوني من ايدي عشان اقعد ع الكافيه بتاعهم و شرب و كدة و انا اصلا بأسكر من البيبسي - قلقت علي نفسي بصراحة شديت ايدي منهم بالعافية و طلعت أجري - وصلت للبحر اشتريت بيبسي عشان افوق من الصدمة و قعدت ع البحر - شاب أوروبي معاه جيتار بيعزف اغاني جميلة علي رمل البحر و صوت الأمواج و ريحة الهوا كانت من امتع لحظات حياتي - قضيت باقي الليلة و رجعت تاني مشي للفندق حوالي نص ساعة - برضه من نفس الشارع قليل الأدب ده (ماحدش يسألني علي صوره عشان مش لاقي فيها صورة محترمة بصراحة )
كفاية كدة النهاردة سيداتي أنساتي سادتي و غدا لنا لقاء أخر مع يوم أخر و رحلة أخري كلها عجائب وطرائف و غرائب و فؤاد علام
لبوستات الايام اللي فاتت و لمتابعة باقي الأيام الجاية - بحث في الجروب بالهاشتاج بتاع تايلاند ده (عربي او انجليزي)
#تايلاند
[HASHTAG]#Thailand[/HASHTAG]
اسف لتأخر البوستات بسبب ظروف شغلي .. و كنت بصراحة مرتب اني اختصر يومين او تلاتة في كل بوست عشان ماطولش زي كل مرة لكن لقيت الصور هي المشكلة (حد اقصي 42 صورة لكل بوست) و انا في يوم 3 سبتمبر (تالت يوم في رحلتي) اخدت اكتر من 1500 صورة و فيديو
فبالتالي اضطريت اخلي بوست لكل يوم عشان الصور توضح لكم اكتر من كلامي - دي كان اول رحلة ليا في البحر و الجزر و كانت رحلة (جيمس بوند ايلاند) .. و بكل اختصار .. لو دي جنة الأرض .. جنة السماء عاملة ازاي !! سبحان الله
- افطار في الفندق و افطار تاني في الميناء البحري - اسورة خاصة بنوعية الرحلة بتاعتي و قارب سريع بأربع محركات - توزيع حبوب داور البحر
- الجو كان مشمس جدا و رائع مع سرعة القارب - ممكن تستعملوا القوارب السريعة زي اللي في الصور دي او القارب البطئ .. لكل واحد ميزة و عيب .. القارب السريع اغلي لكن بيختصر المسافة في وقت قليل و بالتالي وقت اكتر في الجزر (5 جزر مختلفة) و لو القارب البطئ فهو أرخص طبعا لكن بتقضي وقت أطول في الانتقالات بس-ال Sun Block Cream مش اختيار و لا رفاهية و لن ينتقص من رجولتك .. من غيره ها تبقي مقرمش من برة و ملتهب من جوة و ها تقلب بانيه !!
- جزيرة جيمس بوند اروع من الصور بكتير و رغم ان الموبايل تصويره حلو الا انه لا يقارن بالحقيقة في شئ و في نفس الجزيرة فيه مناظر طبيعية كتير لا تقل روعة - في الصور شوية منها
- جزيرة Khai Nai و دي شاطئ رملي ابيض للاسترخاء و Snorkeling للاسماك و الشعاب المرجانية .. المفروض ان دي مكان عظيم و الناس انبهرت بالاسماك و الشعاب المرجانية و لما غطست في المية عشان اشوف اتصدمت بصراحة .. انا اشتغلت سنين في سيناء و البحر الاحمر و عملت Snorkeling و Diving في راس محمد و البلو هول و الجيفتون و غيرها و دي كانت المعني الحقيقي للجنة البحرية فوق الخيال .. اما المنظر اللي شفته في تايلاند فكان بائس بمعني الكلمة و فقير جدا و عاملين عليه مزار !
- الاستاف بتوع المركب في عشر دقايق كانوا نصبوا بوفيه مفتوح كامل للسناكس و المشروبات و الفواكه و منها الاناناس الرهيب اللي اكلت لوحدي معظمه مع البيبسي طبعا (الخمرة الحلال بتاعتي
)- طول الطريق في البحر كنا بنقرب من جزر او شواطئ للتصوير و كلها تستحق ألف صورة لشدة جمالها و روعتها
- بعدها وصلنا لمكان الغداء - جزيرة بانوي - جزيرة فيها 36000 شخص من اصول اندونيسية و الجزيرة مسلمة بالكامل و الاكل فيها حلال اجباري
- فيها مساكن و خدمات و مدارس و مساجد و بازارات و مطاعم و كلها مبنية علي دور خشبي مرتفع طبعا عن سطح البحر - الغداء كان جميل جدا و بعدها وقت متاح للمشي داخل الجزيرة او شراء تذكارات .. كنت منبهر بجمال طريقة الحياة و الناس اللي في الجزيرة رغم تأكدي من انها اصعب مما ممكن نتخيل - اشتريت منها تذكارات لؤلؤ طبيعي و شوية حاجات و كان سعرها 20% فقط من سعر نفس الحاجة في بازارات بوكيت - الصورة موجودة- اتحركنا بعد الغداء لمنطقة داخل البحر عبارة عن مجموعة من الجبال الصخرية العالية لما المد بيقل خلال النهار و مستوي البحر بينزل بينكشف جواها شاطئ جميل جدا لفترة بسيطة نقدر نمشي عليه و نتصور و لكن الوصول ليه بيكون عن طريق الكانوي (القوارب المطاطة في الصور) كل قارب بيشيل فرد او فردين تمنه مشمول في الرحلة لكن بتدي اي مجاملة للي بيجدف لا تقل عن 50 باهت و مفيش منزل للقارب علي الأرض فإما بتستني دور طويل لحد ما تنزل علي الكانوي بتاعك او لو بتعرف تعوم بتنط من مقدمة القارب للبحر و تعوم لحد الكانوي - انا عملت كدة في الفيديو اللي هنا و قفزتي كانت فضيحة بصراحة
- التكوينات الصخرية عاملة في جبل شكل سمكة متوحشة بأسنان مرعبة بصراحة و في جانب تاني شكل راس فيل بيشرب من البحر بخرطومه .. سبحان الله فيما أبدع و الكانوي بتاعك بياخد في كهوف داخل الجبل و مغارات مرعبة و جمالها مبهر فوق الوصف او حتي الصور- بعدها وقفنا تاني في مكان في عرض البحر بجانب جبل صخري لكن ممكن نعمل منه Snorkeling للشعاب و الأسماك و كان افضل شوية من أول جزيرة لكن بيعتمد علي قدرتك علي السباحة لانه بدون شاطئ او أرض تقف عليها و برضه اختصارا للوقت نطينا من مقدمة المركب في ال Deep Blue Sea
- انتهت الرحلة بالعودة تاني للميناء و منها لباصات الرجوع للفندق - شاور سريع و لبس خفيف و نزلت تمشية لمحلات الاكل و اكشاك الوجبات السريعة و حلقة المصارعة و قررت اتعشي هناك في الشارع - اخترت وجبة سي فود عبارة عن طبق مشهور اوي اسمه Tom Yum رز مقلي بالجمبري و قطع السمك و طلبت معاه طبق جمبري بالصوص Sweet and Sour و كان راااائع و سعرها 280 باهت و هناك حصل موقف كوميدي شوية - كنت قاعد باكل و مركز أوي في الأكل و باقي الترابيزات مليانة ناس كتير منهم أوروبيين واضح انهم عايشين في تايلاند من لبسهم و التاتوهات و الناس اللي معاهم - المهم المزيكا المسخرة اللي كانت شغالة في كل حتة فجأة اتقلبت لمزيكا شبه سلام جمهوري كدة عرفت في الاخر انها اغنية عن الملك اللي له مكانه مقدسة هناك - فجأة الناس كلها بطلت كلام و ضحك و لقيت كل الناس قامت وقفت و تنحت لمصدر الموسيقي و انا الوحيد اللي قاعد عمال ابص من فوق النضارة بكل سذاجة مش فاهم هو فيه ايه بالظبط - الناس دي قامت فرجتا طولها ليه - المهم الموضوع طول و كلهم واقفين و انا الوحيد اللي قاعد في نصهم و الاوروبيين عمالين يبصولي كدة بجنب عينيهم شايفيني مستتغرب و مش عارف اعمل ايه بصراحة - حسيت بالاحراج رحت قمت وقفت زيهم بس تقريبا دي كانت اخر 5 ثواني و النشيد خلص و لقيت كل الناس اللي حواليا اتدوروا ناحيتي و فضلوا يصقفولي و يضحكوا و الاوروبيين دول قعدوا يقولولي شكرا و يحنوا راسهم بالطريقة التايلاندية و انا و لا فاهم اي حاجة
- خلصت الاكل و رجلي خدتني لحد Bangla Road - و ده شارع كله مسخرة بصراحة و من احراجي صورت حوالي 500 صورة و فيديو بس مش كتير يعني - و انا في نص الطريق دخلت في حارة غلط و اتفاجأت انها كلها مواخير لا مؤاخذة و بنات كتير اتلموا عليا و فضلوا يشدوني من ايدي عشان اقعد ع الكافيه بتاعهم و شرب و كدة و انا اصلا بأسكر من البيبسي - قلقت علي نفسي بصراحة
شديت ايدي منهم بالعافية و طلعت أجري - وصلت للبحر اشتريت بيبسي عشان افوق من الصدمة و قعدت ع البحر - شاب أوروبي معاه جيتار بيعزف اغاني جميلة علي رمل البحر و صوت الأمواج و ريحة الهوا كانت من امتع لحظات حياتي - قضيت باقي الليلة و رجعت تاني مشي للفندق حوالي نص ساعة - برضه من نفس الشارع قليل الأدب ده (ماحدش يسألني علي صوره عشان مش لاقي فيها صورة محترمة بصراحة )كفاية كدة النهاردة سيداتي أنساتي سادتي و غدا لنا لقاء أخر مع يوم أخر و رحلة أخري كلها عجائب وطرائف و غرائب و فؤاد علام
لبوستات الايام اللي فاتت و لمتابعة باقي الأيام الجاية - بحث في الجروب بالهاشتاج بتاع تايلاند ده (عربي او انجليزي)
#تايلاند
[HASHTAG]#Thailand[/HASHTAG]