م
محمد الأمير
:: مسافر ::
كبرت في دماغي وقلت أروح طابا رغم اني من سوهاج.. يعني ١٢ساعة سواقة بالعربية .. الطريق شاق لكنه ممتع طريق السويس نوبيع مليان كمائن ومفهوش خدمات .. نزلت ستراند طابا وكنت حاجز مع شركة وده اخر مرة اعملها .. الفندق زحمة .. السعر رخيص وبالتالي متتوقعش خدمة رغم انه خمس نجوم .. بغض النظر انا كاتب البوست عشان اكلمكم عن مكان من احلى الاماكن في مصر .. لاني وانا راجع قررت اعدي من سانت كاترين مش من طريق نوبيع السويس .. مكان مليان هدوء وروحانيات .. عرفت أن الدير ده مبني على الشجرة المقدسة اللي ربنا تجلى عندها على سيدنا موسى .. وان الوادي ده وادي مقدس وبقعة مباركة بنص القران .. الناس هناك محترمة جدا وودودة جدا .. المكان خيالي .. قبر سيدنا هارون مكان روحاني جدا .. بس للاسف الدير بيفتح بس من ٩الى ١٢ بس وساعة واحدة يوم الجمعة وما بيفتحش خالص يوم الأحد
