سؤال حيادي للناس اللي ماعندهاش عقدة الخواجة :...

  • بادئ الموضوع بادئ الموضوع MaHa A Alarepi
  • تاريخ البدء تاريخ البدء
عرض العطلة
#21
انا كل ما اسافر اى بلد بتصعب عليا مصر جدا لإن هما برة حتى لو من دون اى مقومات السياحة من أتفه حاجة يعملوها مزار سياحي و الناس تجيلها من اخر الدنيا و يدفعوا باليورو و احنا عندنا كل حاجة و مش عارفين نسوقها ولا نخدم عليها و هى تكسبنا دهب
 
#22
والله ع حسب ناس و نفسية انا روحت امستردام و اسطنبول يلى عاجبنى النظام و مواصلات بس كنت مضايق عشان مفيس ناس اعرفهم ف بلبدى كده كل بلاد ربنا حلوة
 
#23
عندنا كل حاجه ولكن ينقصنا التنظيم اما بره مفيش دوله فيها نفس الموارد بتاعتنا من حيث بحار وصحارى وهكذا ولكنهم متفوقين علينا ف التنظيم وازاى يعرضوا الحاجه دى بطريقه صح الصح..... يعنى اقولها لحضرتك باللغه الدارجه لو اجرنا مصر لهم شهرين ممكن يخلوها جنه :) او هما ينظموها واحنا ناخد النصف مثلا :)
 
#25
دي مش عقدة خواجه .... ده بيبقى انبهار بالنظام وبالقانون وبالمؤسسات اللي تقدر تعمل من الفسيخ شربات في حين ان عندك كل الامكانيات السياحية وقاعد محلك سر !!!
 
عرض العطلة
#27
بصراحة المشكلة الكبيرة بتكمن في الكاستمر سيرفيس في اماكن برة مصر بتحسسك انك راجل دافع فلوس مقابل خدمة فبتاخد احسن خدمة حتى لو في امكانيات محدودة لكن في مصر المشكلة ان الخدمة غالباً ضئيلة وتدفع ثمن الخدمة ولو مدفعتش تبس للي هيأديها يبأى كأنك مدفعتش تمن الخدمة
 
#28
فى كتير بل بالعكس عندنا فى مصر أماكن اجمل و احلى بس للاسف اللى مبوظ الدنيا عدم التسويق ، عدم النظام و بعض الأوقات المعاملة السيئة
 
عرض العطلة
#34
اه اليونان عن نفسي اتينا شبه اسكندريه اوى فى شوارع فى منطقة لابلاكا كانها المنشية القديمة حتى محلات الاكل بتقدم محاشى و الحلو بطيخ وكمان فى اسواق بيفرشوا فى الارض عادى جدا وكل السياح بيشتروا منها وفى مول اسمه جامبو فى اليموس تحس كده التوحيد والنور بتاع اوروبا
 
#35
اللي بيفرق في اماكن بره مصر انك بتشوف شعوب تانيه ما حدش يبص علي حد ماحدش يتعدي علي خصوصيتك واحترام النظام وكل حاجة بطابور منظم. واحترام الخصوصية برده بشوفه في دول الخليج مش بس في الدول الاوروبية.
 
عرض العطلة
#36
انا الحمدلله روحت شويه بلاد حلوين
وانا راجع بكون فرحان اني نازل مصر
يومين تلاته وأفكر هسافر امتي تاني
مش بس الأماكن هي اللي يتفرق
طريقه تعامل الناس معاك وابتسامتها وحبها للنظام والجمال
واحترامها لأدميتك وخصوصياتك هو ده اللي يفرق
 
#37
الشانزليزية فى باريس حسيت وسط البلد لو نضفت هاتبقي شبهه و شواطئنا بجد من أفضل شواطئ العالم خاصة البحر الأحمر بس عدم تسويقنا الجيد و عدم الاهتمام و سلوكيات البعض مشكلة و القاهرة أغنى و اجمل من اسطنبول بس الزبالة اللى فى شوارعنا وسوء وسائل النقل عندنا مبوظاها
 
#39
اسطنبول نحس كده انها مكس بين اسكندريه وقاهره كنا نازلين في منطقه اسمها السلطان احمد تحس كده انها تيبكال ش صفيه زغلول في محطه الرمل
 
عرض العطلة
عرض العطلة
عرض العطلة
أعلى أسفل
عودة
قائمة