S
Salma Michael
:: مسافر ::
السلام عليكم جميعا 
انا سلمى و بدرس فى امريكا حاليا بقالى سنة
انا عملت ايديت للبوست بس عشان الاسئلة الكتير اللى جاتلى بالنسبة لموضوع دراستى بامريكا
انا خلصت ثانوى و قدمت عادى على جامعات فى امريكا و قبلت الحمد لله بالنسبة للفلوس, انا لما بتقبل فى جامعة عالية هما بيغطوا الفلوس بس مش كلها طبعا يعنى still بدفع حوالى 9000 دولار فى السنة, بس الشغل هنا مع الدراسة بيجيب فلوس و اخدة قرض من الجامعة بردو ... بالنسبة للناس اللى بتسأل على التقديم و كدة دة الموضوع مش فى الجروب و دة و فيه صفحات كتير على الفيس بتشرح الكلام دة بردو بس متطلبات اساسية لازم يكون مع انجلش قوى و امتحانات زى SAT - ACT - TOEFL و Extracurricular Activities و Recommendation Letters و حجات كتير برد تانية.
و الصفحة دى فعلا من احسن الصفحات اللى بتشرح كل حاجة للناس اللى فى ثانوى او فى جامعة حتى
/Sicherheitskontrolle erforderlich
نيجي بقا لموضوع البوست الاساسي اللى برجو منكم تساعدونى فيه
دلوقتى معظم جامعات امريكا عشان بهتموا بالطلاب و كدة بيعملوا حاجة اسمها Study Abroad Programs و دى بيجيبوا الطلاب بتاعتهم و تختار اى دولة من دول العالم بس يكون فيها جامعات محترمة طبعا و تروح تقضي ترم من ال 4 سنين بتوعك هناك او سنة لو حابب او ممكن تروح فى الصيف بس و كدة يعنى اللى انت عاوزه
المهم انا اختارت الترم التانى من سنة تانية يعنى من شهر 1 اللى جاى ل شهر 5 و عشان انا سألت ناس كتير قالو ياما تروح (Barcelona - Ireland - Australia) ف دول اللى فى مزاجى حاليا و يا ريت اللى يرجح دولة تانية يا ريت بس يجاوب على السؤال الاول انه دولة من التلاتة عشان دول اكتر 3 انا حباهم
المهم دافع السفر بالنسبالى هيكون عشان الدراسة اولا لانى هكون لسا بدرس ثانيا انا بحب الاستكشاف ثالثا و دة الاهم انا بحب السفر جدا ف عشان كدة بقول برشلونة لانها هتودينى على جميع الدول الاتحاد الاوروبى اللى ممكن ازورهم لو روحت برشلونة بس المشكلة الوحيدة انا سمعت ان اللغة هناك مش اسبانى حاجة اسمها Catalan و انا اتصدمت لانى اول مرة اعرف كدة بجد.
بالنسبة للناس اللى بتقول روح استراليا و كدة عشان الهجرة ف انا يا جماعة مش عاوزة هجرة انا حتى بفكر لما اخلص دراستى فى امريكا اشتغل كام سنة و ارجع مصر تانى عادى لان محدش فيكم حاسس بشعور الغربة اللى انا حاسة بيه دى و اهلى و صحابى كلهم فى مصر و الثقافة كانت فى امريكا او استراليا مختلفة عننا حتى الضحك و الهزار و كل ده يعنى.
وبالنسبة للناس اللى بتقول الشهادة الجامعية يا جماعة دة مجرد برنامج والله ترم واحد و راجعة جامعتى الاصلية فى امريكا تانى ف مش هتفرق اللى ممكن يفرق بس جودة تعليم اللغة و الهندسة عشان دة مجال دراستى.
و اخيرا انا بدرس هندسة و مصرية عادى جدا ابا عن جد عشان محدش يفكر انا امريكية ولا اجنبية ولا اى حاجة فياريت مساعدتكم بئا (استراليا - برشلونة - ايرلندا) و اهم حاجة استمتع و هاف فان يا جماعة
شكرا
انا سلمى و بدرس فى امريكا حاليا بقالى سنة
انا عملت ايديت للبوست بس عشان الاسئلة الكتير اللى جاتلى بالنسبة لموضوع دراستى بامريكا
انا خلصت ثانوى و قدمت عادى على جامعات فى امريكا و قبلت الحمد لله بالنسبة للفلوس, انا لما بتقبل فى جامعة عالية هما بيغطوا الفلوس بس مش كلها طبعا يعنى still بدفع حوالى 9000 دولار فى السنة, بس الشغل هنا مع الدراسة بيجيب فلوس و اخدة قرض من الجامعة بردو ... بالنسبة للناس اللى بتسأل على التقديم و كدة دة الموضوع مش فى الجروب و دة و فيه صفحات كتير على الفيس بتشرح الكلام دة بردو بس متطلبات اساسية لازم يكون مع انجلش قوى و امتحانات زى SAT - ACT - TOEFL و Extracurricular Activities و Recommendation Letters و حجات كتير برد تانية.
و الصفحة دى فعلا من احسن الصفحات اللى بتشرح كل حاجة للناس اللى فى ثانوى او فى جامعة حتى
/Sicherheitskontrolle erforderlich
نيجي بقا لموضوع البوست الاساسي اللى برجو منكم تساعدونى فيه
دلوقتى معظم جامعات امريكا عشان بهتموا بالطلاب و كدة بيعملوا حاجة اسمها Study Abroad Programs و دى بيجيبوا الطلاب بتاعتهم و تختار اى دولة من دول العالم بس يكون فيها جامعات محترمة طبعا و تروح تقضي ترم من ال 4 سنين بتوعك هناك او سنة لو حابب او ممكن تروح فى الصيف بس و كدة يعنى اللى انت عاوزه
المهم انا اختارت الترم التانى من سنة تانية يعنى من شهر 1 اللى جاى ل شهر 5 و عشان انا سألت ناس كتير قالو ياما تروح (Barcelona - Ireland - Australia) ف دول اللى فى مزاجى حاليا و يا ريت اللى يرجح دولة تانية يا ريت بس يجاوب على السؤال الاول انه دولة من التلاتة عشان دول اكتر 3 انا حباهم
المهم دافع السفر بالنسبالى هيكون عشان الدراسة اولا لانى هكون لسا بدرس ثانيا انا بحب الاستكشاف ثالثا و دة الاهم انا بحب السفر جدا ف عشان كدة بقول برشلونة لانها هتودينى على جميع الدول الاتحاد الاوروبى اللى ممكن ازورهم لو روحت برشلونة بس المشكلة الوحيدة انا سمعت ان اللغة هناك مش اسبانى حاجة اسمها Catalan و انا اتصدمت لانى اول مرة اعرف كدة بجد.
بالنسبة للناس اللى بتقول روح استراليا و كدة عشان الهجرة ف انا يا جماعة مش عاوزة هجرة انا حتى بفكر لما اخلص دراستى فى امريكا اشتغل كام سنة و ارجع مصر تانى عادى لان محدش فيكم حاسس بشعور الغربة اللى انا حاسة بيه دى و اهلى و صحابى كلهم فى مصر و الثقافة كانت فى امريكا او استراليا مختلفة عننا حتى الضحك و الهزار و كل ده يعنى.
وبالنسبة للناس اللى بتقول الشهادة الجامعية يا جماعة دة مجرد برنامج والله ترم واحد و راجعة جامعتى الاصلية فى امريكا تانى ف مش هتفرق اللى ممكن يفرق بس جودة تعليم اللغة و الهندسة عشان دة مجال دراستى.
و اخيرا انا بدرس هندسة و مصرية عادى جدا ابا عن جد عشان محدش يفكر انا امريكية ولا اجنبية ولا اى حاجة فياريت مساعدتكم بئا (استراليا - برشلونة - ايرلندا) و اهم حاجة استمتع و هاف فان يا جماعة
شكرا