انا شوفت كتير مواضيع علي الفيس بوك ازاي تلف...

  • بادئ الموضوع بادئ الموضوع Amr Eldeeb
  • تاريخ البدء تاريخ البدء
عرض العطلة
A

Amr Eldeeb

:: مسافر ::
#1
انا شوفت كتير مواضيع علي الفيس بوك ازاي تلف العالم وتروح اوروبا و تقعد في هوستيل و السفر الؤخيص بس مافيش حد يقدر يفيدني اسافر ازاي اتفسح برا مصر بفلوس رخيصة انا واولادي و زوجتي.. السفر العائلي مهضوم حقه والله.. اقل تذكره اللي شاب ممكن تروح و ترجع بيها يضربها في 4 اضعاف و الغرفة تبقي كمان 4 اضعاف و مستلزمات السفر من اكل و شرب و عنايه لان بيكون معاك اطفال يعني فكره مستحيلة.. هل حد عنده افكار للموضوع ده.. ولا الحدوته كتابة بوستات مطرقعه و شوية صور ممكن اجيب زيهم من علي النت..
 
#2
بص من الأخر بعد التعويم وبأسعار تذاكر السفر الحالية مفيش سفر عائلي خارج مصر إلا إذا كنت ثري أو يكون ليك سفر رحلة عمل في شركتك بره مصر وهتكمل بس وتدفع جزء تذكرة باقي العائلة لكن غير كده ركز بقي علي السفر محليا... إلا طبعا لو مقتدر ماديا
 
#3
هو طبعا الموضوع يفرق كتير لما تكون لوحدك غير لما تاخد زوجتك و أطفالك معاك بس برضو تقدر توفر و تتفسح و تتبسط انت و المدام و الاولاد بأقل الإمكانيات.. حضرتك تحجز تذاكر الطيران قبل سفرك بمدة كبيرة عشان هتكون أرخص في السعر و برضو بدل ما تقعد في فندق اقعد في هوستل في أوضة ليكوا كلكوا و اديك وفرت تمن الفندق المواصلات ممكن تركب المترو لو متوفر في البلد اللي انت رايحها وسيلة نقل سهلة و سريعة و مريحة و مش مكلفة تماما و ممكن الباص برضو و بالنسبة للأكل حضرتك قبل ما تروح البلد اعمل سيرش عن المطاعم في البلد دي فين و أسعارها ايه و كل ده بقى سهل دلوقتي و تقدر تجيبه من على النت و برضو بالنسبة لأماكن الفسح و الخروجات برضو تعمل سيرش قبل ما تسافر و هتعرف و لو عايز تريح دماغك من كل ده تقدر تطلع مع شركة سياحة بس المصاريف هتبقى عالية شوية عكس اما تطلع مع نفسك و صدقني مش عشان متجوز و عندك اولاد يبقى ده عائق للسفر لا حضرتك ممكن تسافر و تتفسح و بأقل الإمكانيات برضو
 
عرض العطلة
#6
للاسف دها واقع مش طرقعه و حركات السفر الرخيص دها بالنسبه للعمله الخارجيه كمان لو حسبتها مصري مش رخيص ابدا فما بالك ب اربعه اسخاص و عفكره دها كمان قبل التعويم
 
#8
بالنسبة لعائلة أحسن حل انو تأجر شقة مفروشة بيكون أوفر بكتير من فندق وأريح للأطفال. في موقع انترنات airbnb يمكن تحجز منو. كمان مهم تعرف تختار بلد تكون تكلفتها معقولة. يعني تختار تونس أو المغرب. أروبا بقت نار. التذاكر ممكن تحجز قبل بوقت وتقارن الأسعار. مثلا تذكرة مصر تونس رايح جاي على الخطوط التونسية بتكون في حدود ٣٥٠٠ جنيه ومرات في خصم كمان
 
#9
حضرتك هتضطر تعمل حالة تقشف لحاجات كتير.. لو فيه خروجات كل اسبوع ..و الكلام ده .. حاول تظبط ممكن توفر ف ايه.. و ربنا يعينك كفاية النية
 
#10
تقشف في بنود معينة/متسافرش جوة مصر/ سفر لبلاد قريبة عشان التذاكر/ اوتيل نص نص بس مكانه كويس/ سفر مرة واحدة في السنة و تقعد تحوشلها فترة قبلها..
 
عرض العطلة
#12
بوص يا معلم انا ربنا رزقنى ب اربع أطفال
١- تخطط من بدرى اوى ٦ شهور على الأقل
٢-تمشى عكس الناس الموجة السنة دى الناس رايحة فين يبقى انت تشوف العكس
٣- مفيش حاجة اسمها مكاتب وشركات سياحة مع نفسك جوجل وتربادفيزور غيره
٤- اى بلد ما تحجز فندق او ابروتيل فى السنتر ..... شوف منطقة مش سياحية و الابروتيل جنب المترو
دول شوية حاجات مبدأية كدة لو محتاج حاجة او مساعدة فى مكان معين قولى
 
#14
حضرتك ممكن كل سنة تاخد طفل واحد و تخطط من بدري جدا لان اسعار التذاكر بتفرق. اختار البلاد ال من غير فيزا او فيزا رخيصة.
 
#15
السفر مع العيله له متعته بصراحه اه شويه متعب بس بتفضل ذكرياته معاكم
الموضوع عايز تخطيط كويس يعني شوف عايز تروح اي بلد وأبعد عن فتره السيزون فالبلد دي يعني لو عايز أوروبا تقدر تضبط رحلتك في شهر ١٠ الاسعار حتبقا كويسه علي مستوي الطيران والفنادق الاطفال الصغيرين بيبقوا مجاني في حاجات كتير يعني تحت ال٣ سنين مجاني في الفندق والمواصلات فوق ال٣ سنين لحد ١٢ سنه بيبقا تقريبا نص التذاكر
يعني شوف ميزانيتك وعدد أفراد اسرتك ورتب رحلتك من قبلها بفتره طويله
 
عرض العطلة
#16
أسهل حاجة دون الدخول في أمور معقدة جنب مبلغ شهريا يتناسب مع مستوى دخلك ولما يكون معاك مبلغ كويس بما يعادل 800-1000 دولار ممكن تعمل برنامج سفر لمدة أسبوع وفاهم طبعا ان السفر بأسرة مش كل الناس هتتقبل هوستل أو فنادق 3 نجوم، لازم تكون مستعد نفسيا. السفر جوة مصر ممكن يكون حل أفضل لو عندك شوق ولهفة السفر.
 
#17
للاسف طبعا البوستات بتبقي للافراد مش العائلات... لان لو عائلات يبقي عايز ثروة بالجنية المصري..

ارخص حاجه اقدر ارشحها هي تركيا و جورجيا او لبنان...
تمن التذكرة و الفيزا مع بعض للشخص حوالي 3500 جنية وده لو مش الموسم.. لكن لو عايز تسافر في الصيف مثلا ممكن تبقي اكتر...
بس مثلا بص للجانب الكويس.. لو سافرت جورجيا في الشتاء حاتشوف ثليج حقيقي و كتير.. و عيالك عمرهم ما ما يشوفوا حاجه زي دي...

5 ايام مثلا في جورجيا في شقة عن طريق airbnb

دي ممكن تبقي مثلا 5000 جنية كمان... لو نص البلد علي توقعي.. و ممكن تبقي ارخص انت و حظك...

اكلك بقي و شربك يعني الرحلة ممكن تبقي ل ،5 ليالي الف دولار زي مالاستاذ اللي فوق بيقول...

ربنا يعينك و يعيننا كلنا
 
عرض العطلة
عرض العطلة
عرض العطلة
أعلى أسفل
عودة
قائمة