"السفر لوحدك" الناس اللى بيكون عندها مشكلة فى...

[Shady Mohamed Safwat]

"السفر لوحدك"

الناس اللى بيكون عندها مشكلة فى السفر ان لازم يكون حد من صحابهم معاهم فبيستنوا فرصة وده صعب ان يظبطوا مع حد والناس كلها تقيلة..بقولهم ان السفر لوحدكم هيضيفلكم كتير جدا واوعوا تفتكروا ان هتكون لوحدك ابدا..بس متقعدش فى فندق..احجز فى هوستيل وهتلاقى اصدقاء بالهبل انا سافرت لوحدى رجعت بعشر اصدقاء من كل جنسيات العالم..الناس اللى بتقعد فى هوستيلز معظمهم عشاق سفر وشخصياتهم اجتماعية جدا..هتلاقى الناس بتطبخ سوا وبتتكلم مع بعض وكله بيتعرف على بعض..بيعملوا الرحلات سوا..بتكتشف شخصيتك الحقيقية وتكتشف حاجات فيك متعرفهاش..متربطوش سفركم بالناس لو جتلكم فرصة سافروا على طول..

الناس اللى عندها تجارب للسفر لوحدها تكتب فى تعليقات عشان تكسر حاجز الخوف عند اللى عايز يسافر لوحده

الصورة من على قمة First فى grindelwald بسويسرا..مستنيين حكاياتكم فى التعليقات

 

[Moro Mahmoud]

الكبرى ده فى النمسا " رويته " ؟

 

[Nashwa Eltaweel]

انا سافرت لوحدي و سافرت مع صحابي
السفر يعني تسافر لوحدك

 

[Aya Raslan]

انا نفسى اووووى اسافر بالعربية واشوف كل الاماكن بس للاسف صعب

 

[Mirna Mohamed]

م

 

[Rania Saeed Elkholy]

والله انا دايما بقول لازم على الأقل واحد بس معايا
وانا كفيلة بالتعرف على البلد بالكامل
بس يظهر لاختلاف ظروف الجميع معايا
حبدأ افكر كدا

 

[Ali Hashem]

محتاجين منشورات زي كدة كتير تشجعنا فعلا

 

[Shaimaa Said]

دا كلامي بالظبط و حصل معايا .. صحيح السفر مع الصحاب ما يتعوضش بس احيانا بيبقي صعب و خلاص لازم تتعامل لوحدك . فعلا الهوستل بيفرق عن الفندق . اتعرفت علي ناس جداد و حتي ظبطنا برامجنا بحيث ممكن نتحرك مع بعض و كانت تجربة حلوة جدا :-D

 

[Nemo Awad]

سافرت لوحدي كتير وكان حلو اوي في الاول كنت خايفه بس بعد كدا بقي عندي الشجاعه اروح اي دوله اي لغه وانا متاكده اني هعرف اتصرف كويس اوي .السوال والخريطه وتلم شويه معلومات من علي الانترنت قبل ما تسافر اهم حاجه وطبعا متنساش يكون كام فيزا معاك للاحتياط

 

[Hana El Sharkawy]

معنديش الجراة اعمل كده

 

[Hend Aḥmād Al-Ṭāher]

سافرت ماليزيا لوحدي، كنت 22 سنة واخدت القرار وحجزت في يوم.
سافرت السنادي المغرب لوحدي ورحت 6 مدن و عرفت اني ممكن انبسط من غير ما اعتمد على حد يبسطني. رجعت عندي ثقة في نفسي عشان عرفت اخطط وارتب واخرج من مواقف صعبة بفضل الله. وطبعا كنت حاسة بامان للاسف اكتر من مصر

 

[Shereen Badawy]

نفسي اعملها

 

[Nada Nader]

يعنى اية هوستيلز؟

 

[Mohamed Khairat]

السفر لوحدى دة كان زمان. .دلوقتى بالأسرة باكدج واحد كدة

 

[Mirna Mohamed]

ياريت تفاصيل السفر لوحدك زي خوفك من الفندق ولا الهوستيل بخصوص الأمان وبالذات للبنات والستات
أزاي أتأكد إن الفندق ولا الهوستيل أمان؟

 

[Tissam Tissam]

Up

 

[Nesma Kazem]

انا سافرت لوحدي وكانت مع شركة سياحيه وبصراحه مكنتش حاجه لطيفه خاصه ان تنظيم الرحله مكنش متظبط بس الرحله كلها عرفتني لاني لوحدي حسيت انهم مشفقين عليا حاجه زي الزفت الصراحه

 

[Nehal Ahmed El Sayed]

نفسي بس خايفة

 

[Amr Saber]

افضل السفر لواحدك، ليها متعه خاصه كتابك، هاند فري، برنامج انت عامله و غالبا مش هتمشي عاليه، كريدت كارد و شويه فكه معاك و انطلقو انا برشح الدول اللي مش محتاجه فيزا و يسهل السفر اليها زي اندونسيا او ماليزا

 

[Mahmoud A. ElAtty]

فعلآ دي حقيقة... السفر لوحدك بيبقي أمتع بكتيير من السفر مع أي حد تعرفه.
أنا أول مرة سافرت فيها لوحدي كان عندي ١٩ سنة ومكنتش معرف أهلي إني هبقي لوحدي و من بعدها بقيت افضل السفر لوحدي في معظم الوقت.