I
Iman Abdol
:: مسافر ::
من غير ما حد يزعل منى (معظم مش بعمم عشان ما حدش يتفزلك)احنا شعب ما عندهوش communication skills
ما بيعرف يسأل ما بيعرفش يرد ما بيعرفش يتكلم ما بيعرفش يفكر تفكير منطقى متسلسل وده بسبب منظومة القمع إللى بتبدا فى البيت والمدرسة والدوله..اى عيل صغير هنا بيعرف يتكلم كويس اوى
ما بيعرف يسأل ما بيعرفش يرد ما بيعرفش يتكلم ما بيعرفش يفكر تفكير منطقى متسلسل وده بسبب منظومة القمع إللى بتبدا فى البيت والمدرسة والدوله..اى عيل صغير هنا بيعرف يتكلم كويس اوى
F
Fatma Fathi El Naggar
:: مسافر ::
مش فاهمه فين المشكله بردو ؟! اومال الجروب ده معمول ليه لما هتتنكوا على الناس و تتتريقوا على اسئلتهم .. الكلام ده لو انت واحد لسه مسافرتش خالص و منزل بوست بتسأل فيه و ناس دخلت سألت هي كمان اه تضايق لانك اصلا بتسأل زيك زيهم .. و ساعتها ممكن بردو تاخدها من باب مساعده الناس .. افرض اللي بيقولك عايز اسافر و مفيش فلوس ده عايز نصيحتك بما انك سافرت كتير تقوله مثلا ممكن يحوش ازاي او ممكن بمبلغ صغير يسافر فين و يقتصد و هكذا ؟ بطلوا الاسلوب ده لانكوا اكيد كنتوا بتسألوا في يوم من الايام و اكيد في ناس كانت بتتريق عليكوا .. بطلوا تناكه بجد لان الجروب بقى في بوستات كتير تضايق
بدل من الناس تساءل كتير
H
Hazem Badr
:: مسافر ::
متفقين ان الجروب هدفه مساعدة كل الناس ونقل خبرة السفر من القدامى للجداد فى مجال السفر ... ومن اهم مميزات ادارة الجروب انها بتوافق على كل الاسئلة وطول ما الاعضاء بيزيد عددهم هنلاقى الاسئلة البسيطة بتتكرر وهيبقى فيه برضه ناس تجاوب عليها ... المشكلة بس ان بعض الاسئلة بتحسسنا ان السائل غير جاد وداخل يضيع وقت او انه كسول جدا ومش بيحاول يدور على المعلومة ... يعنى مثلا لو قرأ اخر ١٠ بوستات هيلاقى سؤاله اتكرر وناس جاوبت عليه كمان ... فى النهاية الجروب جميل ودايما السائل هيلاقى اجابة على سؤاله اى كان السؤال
M
Maha Mousa
:: مسافر ::
هما بصراحه يستاهلوا التريقه ... رغم ان كاتب البوست مجبش سيره حد بعينه عشان يحرجه لا سمح الله ... بس ده جروب لتبادل خبرات السفر ... اكيد لو عايزه اسافر سنغافوره مثلا ... هدخل علي جوجل واقول بس سنغافوره ... واقرا عن البلد نفسها ولغتها وقوانينها وفيها اسلام ولا لا وكده ... وبعدين ابدا اكتب ... السياحه في سنغافوره ... واقرا عن السياحه بشكل عام ايه الاماكن ... ايه الطرق ... ايه المواصلات .... ريفيوهات الناس عنها ... وبعدين هبدا اكتب السياحه في سنغافوره للمصريين ... او عايزه اسافر سياحه لسنغافوره ... وابدا اقرا كلام الناس واكتب ملاحظات و ارتبها وكده ... وممكن من ضمن السيرش بتاعي ... ادخل هنا الجروب والحروبات المماثله واعمل سيرش عن البلد برضه واقرا كل البوستات اللي اتكلمت من قريب او من بعيد عن سنغافوره ... ولما اجمع الدنيا بقي ... وارتب واستف ورقي كده ومحتاره في حاجه ولا بتاع ... ابدا اسال واحط بوست محدد بسؤالي ... عشان بصراحه مش قادره اتخيل حد يستني لما الادمن يوافق علي البوست ويستني الناس لما ترد عشان سؤال عام اوي كده ممكن يلاقيه ببحث بسيط اوي ...
اعتقد السفر مش حاجه سهله ... محتاجع مجهود وترتيب وبحث .. ودا من ضمن متعه السفر ... فالادمن معاه حق في البوست دا ... عشان الناس تفهم بالراحه المشكله فين حتي لو في بعض السخريه ... طالما مش محدد حد او ملمخ لحد بعينه ... يبقي الضحك حلو برضه
اعتقد السفر مش حاجه سهله ... محتاجع مجهود وترتيب وبحث .. ودا من ضمن متعه السفر ... فالادمن معاه حق في البوست دا ... عشان الناس تفهم بالراحه المشكله فين حتي لو في بعض السخريه ... طالما مش محدد حد او ملمخ لحد بعينه ... يبقي الضحك حلو برضه