في كام سؤال بيتسالوا علي الجروب بيجيبوا لادمنز...

  • بادئ الموضوع بادئ الموضوع Moutaz Mohamed
  • تاريخ البدء تاريخ البدء
عرض العطلة
M

Moutaz Mohamed

:: مسافر ::
#1
في كام سؤال بيتسالوا علي الجروب بيجيبوا لادمنز شلل رعاش و اعضاء الجروب بيجيلهم الضغط و السكر فقلت اجمعهم عشان ملهمش اجابه فلقيت الاجابه المناسبه لكل سؤال :

_ انا نفسي اسافر
*انا موافق انك تسافر مش همانع
مش لازم تاخد اذن مني علي فكره

_انا عايز اسافر بس مش معايا فلوس
*ده علي اساس انك داخل Traveller Gam3eia فنجمع و نسفرك؟!

-هو لبنان او ماليزيا ليها تصريح امني؟
*التصريح الامني لطلبه بس ماعدا تركيا لكل الناس
طيب حضرتك انا حاصل علي يعني كده هطلع تصريح؟
يا حبيبي لو طالب طلع تصريح غير كده ملكش
طيب يعني كده ظابط الجوازات مش هيسالني عن التصريح

-هو انا موظف و عايز اسافر تركيا ليا تصريح
*حضرتك حتي لو رئيس خارجيه ليك تصريح
لا انا موظف كده يعني ليا تصريح؟

-حد في جورجيا؟
*فين السؤال؟!
اصل محتاج اسال علي حاجه
*طيب يا حبيبي ما تسال السؤال علطول ليه لازم تعمل شات ؟!

_انا عايز اسافر دبي او ماليزيا حد يعرف هصرف قد ايه؟
*طيب حضرتك هتصرف ١٠٠٠٠٠٠ دولار معاك و لا هتلغي السفريه؟؟
طيب حضرتك ناوي تاكل و لا هتصوم
طيب حضرتك ناوي تخرج من الفندق و لا انت هتنام في المطار؟؟؟
ليك اول ما اعيش معاك و اعرف بتصرف علي ايه هقولك الاجابه.

-هو درجه الحراره في شهر اتنين في اسيا هتكون كام؟؟
ده علي اساس اني بشتغل في الارصاد الجويه و بتنبا كمان كام شهر هتكون درجه الحراره كام؟

-انا عايز اسافر بلد مش غاليه
*طيب حضرتك مش غاليه ديه بتختلف من شخص لاخر
انا ممكن ادفع ٢٠٠ دولار و غيري يدفع ١٠٠٠٠ و يقول برده مش غاليه
كل واحد و ليه وجهه نظره و بيختلف علي حسب الفلوس الي معاه.

-احسن بلد هنبسط فيها ايه؟
حضرتك في ٢٥٠ دوله
اي دوله بره مصر هتبسطك علي فكره

-انا طالب و عايز اسافر ادرس بره و اشتغل بس مش معايا لغه
*الله يخربيت النمر الاسود بتاع احمد ذكي و همام في امستردام الي بوظوا عقول الطلاب

-عايز اتجوز اجنبيه و اخد الجنسيه
*ليك حضرتك اول ما اتجوز اجنبيه و الاقي ليها اخت هبقي ارشحك ليها.

-عايز فندق كويس
*طيب حضرتك في اكتر من ١٠٠٠٠٠٠٠٠٠ فندق و اكتر من ٢٥٠ دوله
حضرتك ناويه كام نجمه و تسافري كام دوله؟؟؟

-حضرتك عايز اسافر اسيا بس سمعت انهم بياكلوا كلاب و صراصير ؟
ده علي اساس ان حضرتك مش بتاكل ممبار و كرشه و فشه و كوارع و مخ و لسان
ما اكيد في سمك و فاكهه و كل حاجه.

-انا نفسي اكل بيتزا في ايطاليا بس عايز مكان معروف بيعرف يعمل بيتزا.
*كده اكيد انت واخده الشنجن واسطه

-ايه هو الشنجن؟
ديه ورقه ملهاش تلاته لازمه خليك في مصر احسن

-انا معايا ٢٠٠٠ جنيه يسفروني فين؟
يودوك مطاعم عالميه بس جوه مصر
NZcosCN4vzniAF45x4eKepobBw8Vf3Of.jpeg
 
#5
في بعض الأسئلة تبان عبيطة و تجيب شلل .. زي معيش فلوس أو مبلغ قليل أو
بيكون هدفها التشجيع .. يعني مستنى رأي يشجعه و يحكي تجبة مشابهة و كده
أسئلة زي بتاعت التصريح بتكون من ناس موسوسة و خايفة تروح عليها السفرية و هو دافع فيها كل اللي معاه .. ف بيتاكد
أخيرا دا جروب تبادل معرفة و خبرات .. ميضرش يعني الناس تتعشم شوية :D
 
عرض العطلة
#6
والله القروب جميل بس التمسخر على بعض زاد في آخر يومين
صح في أسئله سخيفه وتافهه وحتى في أسئله مالها علاقه بهدف القروب بس برضو يعني بما انك أدمن تقدر تمسح السؤال اللي تشوف انه ماله داعي بدون ما نجرح في بعض
 
#9
خليها عليك يا كوتش
مش كل واحد بيفكر بنفس طريقتك في ناس من قله المعلومات بتحب تسئل عن كل حاجه ...صباحكم مشرق جميعا...
 
#10
اعتقد ان البوست ملوش اي لازمه والادمن بيعمل ابروف علي البوستات انا كشخص بسافر عارف تفاصيل والناس اللي خبرتها قليله في السفر بتسال عن التفاصيل دي وبتبسط اني بقدر اساعدهم فمش كل الناس بتسافر زيك احنا هنا نساعد بعض واللي بيسافر كتير يساعد اللي مش فاهم حاجه انما انت بتتكلم علي اساس ان كل الناس هنا خبرا ،،، البوست معتقدش ان فيه فكاهه
 
عرض العطلة
#12
انت معاك حق وفعلا الاسئلة ممكن تكون بالنسبة ليك لانك سافرت كتير اوى تافهة او اللى هى نعم فين السؤال بس اكيد اللى بيسال بيبقى محتاج ان حد يرد عليه وانه مش عارف فعلا يعمل اية مش كل الناس تعرف حوار التصريح الامنى او مواقع الفنادق او السفر او اى سؤال تانى اعملها من بابا انك بتاخد ثواب فى انك بتجاوب على حد محتاج لمعرفتك وانت رديت عليه او الاعضاء ردوا عليه انا برضوا بعمل كدة لانى ادمن فى جروب كبير برضوا بس مختلف طبعا بس فعلا بشوف اسئلة عجيبة بقول انا عارفة بس فى غيرى مش عارف من حقة انه يعرف
وبصراحة انا شايفة الجروب حلو جدا ومفيد وان الاعضاء هنا محترمين محدش بيتريق على اتفة سؤال ولا بيتمسخر عليهم وبيردوا بصراحة ردود محترمة جدا وانت كادمن بتوافق على البوستات ممكن انك ماتوافقش على الاسئلة اللى برة هدف الجروب او اللى انت تحس معاها ان اللى بيتكلم بيستظرف
لكن فعلا فى ناس كتير بتقول انا ماسفرش الصين اكل صراصير وهم فى دماغهم انهم بياكلوا كدة بس فتبقى انت سبب انهم عرفوا ان لا ممكن فى اماكن تاكل فيها لان وارد يكون مسافر شغل مش سياحة ومجبر انه يسافرها
معلش خليها عليك انت انت بصراحة حد محترم جدا وبتحب تساعد كل الناس ودة اللى لاحظتة
 
#14
هو الفكرة من البوست
اننا نتعب شوية في البحث على الجروب و ناخد فكرة عن كل الأسئلة و نقرأ البوست المثبت .. يعني مثلا بشوف جروبات للهجرة واحد داخل يقول " قولولي اهاجر ازاي" مع انه متنوه ان فيه بوست مفصل مثبت في الجروب ...ماحدش هياخد حد من ايده يسفره او يخلص له ورق و الحقيقة الواحد لما بيتعب بيتعلم اكتر حتى لو عمل حاحة غلط ...
الفكرة ان اي جروب للسفر حد يدخل يكتب انا عايز اسافر و خلاص لمجرد انه عمل join مش هقولك هو استسهل الكتابة يمكن فعلا مش عارف الطريقة ، بس دا هيهدر وقت الادمنز و هيحول الجروب لبوستات كتيرة مكررة لنفس المعنى و مع اختلاف الأشخاص و البوستات المهمة هتوه .. نراقب في صمت يا جماعة لحد ماربنا يكرمنا و ننزل بوستات بسفريتنا و نولعها
 
#15
دا انت هنا فى نعمه يا باشا.. هتقول ايه بقا لو شفت السؤال دا على احدى جروبات التوظيف الشهيره..
لو سمحتوا جايلى فرصة سفر السعوديه ب 4000 ريال.. اسافر ولا مصر احسن
قولى بقا ايه ردك عالسؤال دا
* دا على اساس احنا عارفين انت فمصر بتاخد كام ومستواك المعيشى عامل ازاى وعندك اولاد وبتدخلهم مدارس عاديه ولا لغات ولا انترناشيونال.. لما بتشترى هدوم بنجيب من العتبه ولا من ماسيمو دوتتى.. حاجه تجنن
 
عرض العطلة
#18
انا شايفة أن ف ناس مش بيكون عندها معلومات ولسه جديدة ف مغامرات السفر ف طبيعي جدا أنها تسأل أسئلة هتكون من وجهة نظر اللي بيسافر كتير تافهة بس اصلا المفروض أن فكرة الجروب قائمة ع تبادل الخبرات يبقي ايه لزمة الجروب لما الكل هيبقي فاهم كل حاجة
 
#19
الناس غلبانه لو مش عايز تساعد بلاش تعمل انك بطل علشان بترد عليهم او اخرج من الجروب او غير اسمه لااسئله علي مزاجك العنصريه المصريه
 
عرض العطلة
عرض العطلة
عرض العطلة
أعلى أسفل
عودة
قائمة