M
Moataz Khaled
:: مسافر ::
سلام عليكم يا جماعة
الحقيقة انا مش بعرف اكتب عناوين حلوة ولكن الموضوع باختصار ان انا الجواز السفر بتاعي ابيض واترفضت في تأشيرة شينجن من سفارة اسبانيا بس خدتها بعد ما عملت Appeal .
انا سافرت يوم ٤ سبتمبر ورجعت من يومين ( ٢٥ سبتمبر ) قضيت ٢١ يوم في ٤ مدن بدأت ببرشلونلة ثم باريس ثم امستردام ونهيت باسطنبول، ولكن للاسف قضيت اسبوع واحد بس في المدن الثلاثة الاولي واسبوعين في اسطنبول وده كان بسبب ان مدة تأشيرة شينجن عندي قليلة، وده الموضوع الي حابب اتكلم عنه في البوست ده ( التأشيرة ) لأن حصلت معايا حاجات غريبة. انا قدمت علي تأشيرة اسبانيا من خلال مكتب BLS وبالنسبة للورق المطلوب للتأشيرة فعشان مطولش هو موجود بالتفصيل علي الموقع بتاع BLS /Official Website : Spain Visa بالنسبة للي حصل معايا بقي ( انا اترفضت في الاول عشان سبب ٣،٢ و ٨ فكان الوضع صعب اوي وزعلت شوية في الاول وبقي الموضوع بالنسبالي خلاص انا مش هسافر واقتنعت بكدة بس بعدها بدأت أسعي في موضوع الappeal بعد ما قريت ان في ناس نجحت في الموضوع ده. وعرفت المطلوب من مكتب BLS واستشارة من شركة سياحية وأكيد بوست استاذة Hend ربنا يجازبها كل خير
(1) /Hend Salem
(2) /Hend Salem
الي انا عملته هو اني عملت خطاب للسفارة ورضيت علي كل سبب رفض يعني بالنسبة لرقم 2 عملت itinerary كل يوم هقضيه فين وكده، ورقم 3 دي ليها علاقة بالحساب البنكي فأنا أصلا مكنش عندي وكنت مقدم في الاول بحساب أخويا فالي عملته اني فتحت حساب ليا شخصي وخليت أخويا يجي معايا BLS يمضي علي ورقة انه موافق اني استخدم الحساب بتاعه، بالنسبة لاخر سبب رقم 8 والي متعلق بالاقامة غيرت الحجز الي كنت عمله علي بوكنج من هوستل لفندق وقللت المدة الي كنت مقدم عليها من 22 يوم ل10 ايام بناءا علي رأي الشركة السياحية ان الفترات الطويلة بتترفض (والي طلع مش صح اوي وهوضح ليه قدام). بعد ما قدمت علي ال appeal ب3 أيام تقريبا لقيت السفارة بتكلمني وبتقولي الappeal اتقبل وتعالي خد التأشيرة !! لما رحت السفارة في المعاد المحدد ودخلت جالي رجل أسباني وسألني جي تعمل ايه حكتله الي حصل وخد مني جواز السفر طبعا انا زي مقلت كنت غيرت مواعيد السفر الي مخططلها عشان قللت المدة غير ان فترة كانت عدت فكنت عامل حجز طيران جديد وتأمين بالعشر أيام الجداد وده كان بناءا علي كلام الموظفة الي كلمتني من السفارة اني طلاما غيرت المواعيد فلازم اجيب حجوزات جديدة، بس هو مطلبهوش مني فخفت لحسن يكون واخد جواز السفر يحط التأشيرة علي طول بالتواريخ القديمة ( كانت مدة طويلة بس مكانتش مناسبة عشان كان فاضلها يوم وتبدأ، وأسعار الطيران بقيت نار) فقلت لموظفة هناك علي المعلومة دي قالتلي متخفش هو هيخرج ياخد منك التواريخ الجديدة وبالفعل خرج وقالي اجي ولكن للاسف خرج يسألني انت ليه غيرت التوايخ بتاعتك طبعا انا كنت قلقان شوية ومن القلق معرفتش ارد عليه رد منطقي ولقيته بيقولي انت كده قلقتني وبعد ما بص علي الحجوزات الجديدة قالي انا بالفعل حطتلك التأشيرة علي الجواز بالتواريخ الي كنت مقدم عليها في الابليكش ال22 يوم يعني ( عشان كده كنت بقول الشركة السياحية مش صح واني أخدت مدة طويلة اهو ) فأنا جويا الحمد لله يارب ولكن لم تدوم الفرحة طويلا حتي فاجأني وقالي بس دي هتتلغي عشان انت هتسافر في توايخ مختلفة عن الي انا ادتهالك ولازم تأشيرة جديدة بفلوس جديدة !! حاولت معاه كتير وان خالص تمام انا موافق علي التأشيرة دي موافقش خالص حاولت مع الموظفة الي انا قلتلها مفيش اي فايدة. مكنش قدامي غير اني يا اخد الجواز بالتأشيرة الملغية يا أروح تاني يوم ادفع واخدها بالتواريخ الجديدة وبالفعل رحت تاني يوم وللاسف دفعت واخدتها 10 ايام بالظبط بصلاحية 24 يوم. فالي حابب اقوله فالنهاية ان علي قد ما تقدر اسعي طالما قدامك فرصة واتعب في حاجة بسيطة ممكن تكون سبب في حاجة كبير وأهو في ناس بتاخد تأشيرة شينجن علي جواز ابيض المهم الورق يكون تمام.
وأخيرا أسف علي الاطالة والي حابب يسألني عن أي تفاصيل مش واضحة هكون سعيد أني أساعده. وأن شاء الله ممكن أبقي اعمل بوست تاني قريبا عن الرحلة نفسها وحبة تفاصيل وبعض المواقف الي اتعرضتلها والسلام عليكم.
وصحيح الصورة من zaanse schans المشهورة بطواحين الهواء في هولندا وتبعد عن امستردام حوالي نص ساعة بالقطار.
الحقيقة انا مش بعرف اكتب عناوين حلوة ولكن الموضوع باختصار ان انا الجواز السفر بتاعي ابيض واترفضت في تأشيرة شينجن من سفارة اسبانيا بس خدتها بعد ما عملت Appeal .
انا سافرت يوم ٤ سبتمبر ورجعت من يومين ( ٢٥ سبتمبر ) قضيت ٢١ يوم في ٤ مدن بدأت ببرشلونلة ثم باريس ثم امستردام ونهيت باسطنبول، ولكن للاسف قضيت اسبوع واحد بس في المدن الثلاثة الاولي واسبوعين في اسطنبول وده كان بسبب ان مدة تأشيرة شينجن عندي قليلة، وده الموضوع الي حابب اتكلم عنه في البوست ده ( التأشيرة ) لأن حصلت معايا حاجات غريبة. انا قدمت علي تأشيرة اسبانيا من خلال مكتب BLS وبالنسبة للورق المطلوب للتأشيرة فعشان مطولش هو موجود بالتفصيل علي الموقع بتاع BLS /Official Website : Spain Visa بالنسبة للي حصل معايا بقي ( انا اترفضت في الاول عشان سبب ٣،٢ و ٨ فكان الوضع صعب اوي وزعلت شوية في الاول وبقي الموضوع بالنسبالي خلاص انا مش هسافر واقتنعت بكدة بس بعدها بدأت أسعي في موضوع الappeal بعد ما قريت ان في ناس نجحت في الموضوع ده. وعرفت المطلوب من مكتب BLS واستشارة من شركة سياحية وأكيد بوست استاذة Hend ربنا يجازبها كل خير
(1) /Hend Salem
(2) /Hend Salem
الي انا عملته هو اني عملت خطاب للسفارة ورضيت علي كل سبب رفض يعني بالنسبة لرقم 2 عملت itinerary كل يوم هقضيه فين وكده، ورقم 3 دي ليها علاقة بالحساب البنكي فأنا أصلا مكنش عندي وكنت مقدم في الاول بحساب أخويا فالي عملته اني فتحت حساب ليا شخصي وخليت أخويا يجي معايا BLS يمضي علي ورقة انه موافق اني استخدم الحساب بتاعه، بالنسبة لاخر سبب رقم 8 والي متعلق بالاقامة غيرت الحجز الي كنت عمله علي بوكنج من هوستل لفندق وقللت المدة الي كنت مقدم عليها من 22 يوم ل10 ايام بناءا علي رأي الشركة السياحية ان الفترات الطويلة بتترفض (والي طلع مش صح اوي وهوضح ليه قدام). بعد ما قدمت علي ال appeal ب3 أيام تقريبا لقيت السفارة بتكلمني وبتقولي الappeal اتقبل وتعالي خد التأشيرة !! لما رحت السفارة في المعاد المحدد ودخلت جالي رجل أسباني وسألني جي تعمل ايه حكتله الي حصل وخد مني جواز السفر طبعا انا زي مقلت كنت غيرت مواعيد السفر الي مخططلها عشان قللت المدة غير ان فترة كانت عدت فكنت عامل حجز طيران جديد وتأمين بالعشر أيام الجداد وده كان بناءا علي كلام الموظفة الي كلمتني من السفارة اني طلاما غيرت المواعيد فلازم اجيب حجوزات جديدة، بس هو مطلبهوش مني فخفت لحسن يكون واخد جواز السفر يحط التأشيرة علي طول بالتواريخ القديمة ( كانت مدة طويلة بس مكانتش مناسبة عشان كان فاضلها يوم وتبدأ، وأسعار الطيران بقيت نار) فقلت لموظفة هناك علي المعلومة دي قالتلي متخفش هو هيخرج ياخد منك التواريخ الجديدة وبالفعل خرج وقالي اجي ولكن للاسف خرج يسألني انت ليه غيرت التوايخ بتاعتك طبعا انا كنت قلقان شوية ومن القلق معرفتش ارد عليه رد منطقي ولقيته بيقولي انت كده قلقتني وبعد ما بص علي الحجوزات الجديدة قالي انا بالفعل حطتلك التأشيرة علي الجواز بالتواريخ الي كنت مقدم عليها في الابليكش ال22 يوم يعني ( عشان كده كنت بقول الشركة السياحية مش صح واني أخدت مدة طويلة اهو ) فأنا جويا الحمد لله يارب ولكن لم تدوم الفرحة طويلا حتي فاجأني وقالي بس دي هتتلغي عشان انت هتسافر في توايخ مختلفة عن الي انا ادتهالك ولازم تأشيرة جديدة بفلوس جديدة !! حاولت معاه كتير وان خالص تمام انا موافق علي التأشيرة دي موافقش خالص حاولت مع الموظفة الي انا قلتلها مفيش اي فايدة. مكنش قدامي غير اني يا اخد الجواز بالتأشيرة الملغية يا أروح تاني يوم ادفع واخدها بالتواريخ الجديدة وبالفعل رحت تاني يوم وللاسف دفعت واخدتها 10 ايام بالظبط بصلاحية 24 يوم. فالي حابب اقوله فالنهاية ان علي قد ما تقدر اسعي طالما قدامك فرصة واتعب في حاجة بسيطة ممكن تكون سبب في حاجة كبير وأهو في ناس بتاخد تأشيرة شينجن علي جواز ابيض المهم الورق يكون تمام.
وأخيرا أسف علي الاطالة والي حابب يسألني عن أي تفاصيل مش واضحة هكون سعيد أني أساعده. وأن شاء الله ممكن أبقي اعمل بوست تاني قريبا عن الرحلة نفسها وحبة تفاصيل وبعض المواقف الي اتعرضتلها والسلام عليكم.
وصحيح الصورة من zaanse schans المشهورة بطواحين الهواء في هولندا وتبعد عن امستردام حوالي نص ساعة بالقطار.