M
Mohamed Shawky
:: مسافر ::
#جورجيا
بعد ما كتبت عن تجربتي لسريلانكا و شوفت التفاعل الكبير معاها و فعلا ناس تواصلوا معايا و قرروا انهم يسافروا سريلانكا تشجعت اني أتكلم عن تجربتي التانية
جورجيا بلد كانت تابعة للاتحاد السوفيتي موجودة ما بين روسيا و تركيا
الفيزا : بتقدم عليها علي النت e visa و بتدفع 20 دولار سمعت انها حاليا بتحتاج تصريح أمني لكن مش متأكد من المعلومة دي و لو مقيم في احد دول مجلس التعاون الخليجي مش بتحتاج فيزا لكن خد معاك ترجمة الإقامة عشان ممكن الظابط يطلبها منك في المطار
الطيران : حجزت من الرياض لتبليسي (عاصمة جورجيا ) علي طيران العربية ترانزيت الشارقة ذهاب و عودة ب 7540 جنيه في شهر يناير اللي فات
في المطار ظابط الجوزات بعد ما ختمت لي الدخول ادتني ازازة خمرة هدية كنوع من انواع الترحيب ( صورتها تحت ) طبعا جورجيا كبلد مشهورة جدا بصناعة الخمور و ليها تاريخ طويل فيها
المدن اللي زورتها :
Tbilisi :
نزلت في هوستل اسمه like Hostel الليلة ب 128 جنيه
و ممكن تزور في تبليسي :
Bridge of Peace
Mother of Georgia
الكاتدرائية
Mtskheta & jvari دي كنائس قديمة جدا مبنية في القرن الرابع الميلادي و كان بيحج لها سكان دول البلقان
Old town
Turtle lake
طبعا كنا في الشتا و لقيتها مجمدة و بدل ما أشوف السلاحف مشيت علي البحيرة
Batumi :
سافرت لها من تبليسي بالقطر التذكرة كانت ب 149 جنيه كان في رحلتين في اليوم الساعة 5 صباحا و 5 مساء و الطريق بياخد تقريبا 5 ساعات القطر مريح جدا و جميل و فيه واي فاي حاول تحجز رحلة الصبح عشان تستمتع بالمنظر الرائع في الطريق
نزلت في هوستل اسمه calypso ب 117 جنيه لليلة باتومي مدينة شاطئية موجودة علي البحر الاسود
و ممكن تزور فيها :
تمثال ali & Nino
ده تمثال بيحكي عن قصة حب بين شاب مسلم من أذربيجان و بنت مسيحية من جورجيا و بيرمز لقوة الحب و تغلبه علي الصعاب
Europe square
Batumi boulevard
6 may park
Alphabetic tower
Gudauri :
دي مدينة جنب تبليسي فيها جليد و مشهورة بالالعاب المرتبطة بالثلج روحتها من تبليسي و رجعت في نفس اليوم معتقدش انك لو روحت جورجيا في الصيف المفروض انك تزورها
Borjomi :
سافرت ليها من باتومي باستخدام الأتوبيس مدينة فيها طبيعة جميلة جدا و جبال متغطية بالتلج
نزلت فيها في هوستل اسمه Geust house Mzia ب 250 جنيه لليلة
ملحوظات :
١) ممكن تركب تاكسي داخل المدن و الأجرة تتراوح ما بين 35 و 70 جنيه متدفعش اكتر من كده مهما كانت المسافة و طبعا ممكن تعمل كارت مواصلات و تشحنه و تركب بيه المواصلات العامة
٢) مشكلة هتقابلك ان معظم الناس مش بيعرفوا إنجليزي لكن عادي ممكن تتعامل
٣) العملة هي لاري و الواحد لاري بيساوي 7 جنيه مصري
٤) الاكل رخيص ممكن تتغدي في مطعم كويس جدا ب 100 جنيه
نصيحة لاخواننا اللي بيدوروا علي اي فرصة و يخلعوا من مصر جورجيا مش المكان اللي انت بتدور عليه هي بلد فقيرة و مفيش فيها فرص عمل او فلوس لو سافرت هناك و كسرت فيزا هتشتغل حرامي او متسول بلاش تصعبوا علي الناس اللي حابة تسافر و تنبسط الفرصة
لو حد عنده اي استفسار انا تحت أمره ، اسيبكم مع الصور
بعد ما كتبت عن تجربتي لسريلانكا و شوفت التفاعل الكبير معاها و فعلا ناس تواصلوا معايا و قرروا انهم يسافروا سريلانكا تشجعت اني أتكلم عن تجربتي التانية
جورجيا بلد كانت تابعة للاتحاد السوفيتي موجودة ما بين روسيا و تركيا
الفيزا : بتقدم عليها علي النت e visa و بتدفع 20 دولار سمعت انها حاليا بتحتاج تصريح أمني لكن مش متأكد من المعلومة دي و لو مقيم في احد دول مجلس التعاون الخليجي مش بتحتاج فيزا لكن خد معاك ترجمة الإقامة عشان ممكن الظابط يطلبها منك في المطار
الطيران : حجزت من الرياض لتبليسي (عاصمة جورجيا ) علي طيران العربية ترانزيت الشارقة ذهاب و عودة ب 7540 جنيه في شهر يناير اللي فات
في المطار ظابط الجوزات بعد ما ختمت لي الدخول ادتني ازازة خمرة هدية كنوع من انواع الترحيب ( صورتها تحت ) طبعا جورجيا كبلد مشهورة جدا بصناعة الخمور و ليها تاريخ طويل فيها
المدن اللي زورتها :
Tbilisi :
نزلت في هوستل اسمه like Hostel الليلة ب 128 جنيه
و ممكن تزور في تبليسي :
Bridge of Peace
Mother of Georgia
الكاتدرائية
Mtskheta & jvari دي كنائس قديمة جدا مبنية في القرن الرابع الميلادي و كان بيحج لها سكان دول البلقان
Old town
Turtle lake
طبعا كنا في الشتا و لقيتها مجمدة و بدل ما أشوف السلاحف مشيت علي البحيرة
Batumi :
سافرت لها من تبليسي بالقطر التذكرة كانت ب 149 جنيه كان في رحلتين في اليوم الساعة 5 صباحا و 5 مساء و الطريق بياخد تقريبا 5 ساعات القطر مريح جدا و جميل و فيه واي فاي حاول تحجز رحلة الصبح عشان تستمتع بالمنظر الرائع في الطريق
نزلت في هوستل اسمه calypso ب 117 جنيه لليلة باتومي مدينة شاطئية موجودة علي البحر الاسود
و ممكن تزور فيها :
تمثال ali & Nino
ده تمثال بيحكي عن قصة حب بين شاب مسلم من أذربيجان و بنت مسيحية من جورجيا و بيرمز لقوة الحب و تغلبه علي الصعاب
Europe square
Batumi boulevard
6 may park
Alphabetic tower
Gudauri :
دي مدينة جنب تبليسي فيها جليد و مشهورة بالالعاب المرتبطة بالثلج روحتها من تبليسي و رجعت في نفس اليوم معتقدش انك لو روحت جورجيا في الصيف المفروض انك تزورها
Borjomi :
سافرت ليها من باتومي باستخدام الأتوبيس مدينة فيها طبيعة جميلة جدا و جبال متغطية بالتلج
نزلت فيها في هوستل اسمه Geust house Mzia ب 250 جنيه لليلة
ملحوظات :
١) ممكن تركب تاكسي داخل المدن و الأجرة تتراوح ما بين 35 و 70 جنيه متدفعش اكتر من كده مهما كانت المسافة و طبعا ممكن تعمل كارت مواصلات و تشحنه و تركب بيه المواصلات العامة
٢) مشكلة هتقابلك ان معظم الناس مش بيعرفوا إنجليزي لكن عادي ممكن تتعامل
٣) العملة هي لاري و الواحد لاري بيساوي 7 جنيه مصري
٤) الاكل رخيص ممكن تتغدي في مطعم كويس جدا ب 100 جنيه
نصيحة لاخواننا اللي بيدوروا علي اي فرصة و يخلعوا من مصر جورجيا مش المكان اللي انت بتدور عليه هي بلد فقيرة و مفيش فيها فرص عمل او فلوس لو سافرت هناك و كسرت فيزا هتشتغل حرامي او متسول بلاش تصعبوا علي الناس اللي حابة تسافر و تنبسط الفرصة
لو حد عنده اي استفسار انا تحت أمره ، اسيبكم مع الصور