يا ريت لو حد عنده معلومة بخصوص السفر للبنان...

[Mostafa Eldaly]

يا ريت لو حد عنده معلومة بخصوص السفر للبنان عشان عايز أسافر من الكويت انا و زوجتي و طفل رضيع
1- التاشيرة اخدها من المطار مباشرة في لبنان ؟ و بكام ؟
2- أفضل الأماكن سواء فندق أنزل في فندق ايه و اروح اتفسح فين ؟
3- لو حاسافر يومين او تلاته بس ممكن نتبسط ولا مش حنلحق ؟

 

[Khaled Ragheb EL Magbary]

٢٠$ للشخص ، المصريين الفيزا في مطار رفيق الحريري ، هيتاكد من حجز الفندق معاك ما يزيد عن الفين $، وفيزا او ماستر كارد ، استخدم دليل بوكينج للمعالم ، مرتكبش تاكسي من قدام المطار نصابين ، اطلب من الفندق يبعتلكً تاكسي

 

[Sherif Farouk]

اولا كل واحد فيكم يكون معاه ٢٠٠٠$ كاش و لازم حجز الفندق و تذكره العوده و هتروح لبنان الفيزا في المطار ب ٢٠$ و لو قالك حاجه او غلس خليه يشوف اقامه الكويت
في فندق حلو اوي و سعره حلو في شارع الحمرا اسمه تقريبا wh و في اكتر من فندق بس ده سعره كويس
عندك التليفريك و متحف الشمع و جعيتا و متحف المشاهير اعتقد كله في طريق واحد
في الطريق التاني هتطلع الجبل و في بيت واحد عمله و عامل فيه قصه حياته عن طريق تماثيل محتركه
في مغاره مش فاكر اسمها بس اي كلام و في مكان بتشتري منه حاجات و اي كلام برضو
بس هي لبنان اخرها اربع او خمس ايام كلها
الجو حلو اوي دلوقتي و نص اكتوبر احلى و يفضل على اخر ١١
في منطقه ال داون تاون حلوه و نضيفه اوي بس غاليه اوي بس بتروح تتصور فيها
أوعى تاكل من مطعم اسمه بربر الناس طالعه بيه بالسما هناك لكن اي كلام
في مطعم في شارع الحمرا اسمه سناك غلايني قدام بربر جرب من عنده الشاورما و كمان مطعم اسمه Kalaa chicken في ساندوتش اسمه فرانسيسكو لو بتحب الفراخ برضو في شارع الحمرا بس في طريق الروشه
نسيت أقولك انك تزور الروشه هتتصور هناك و لازم الصبح حتى التليفريك الصبح

 

[Rock Pop]

معك طفل و اسره و الناس بتقولك ممكن يغلسوا عليك فى المطار و دا حسب مزاجهم يبقى مفيش داعى تسافر من غير تاشيره من السفاره و لو عملت بحث بسيط على الصفحه حتلاقى عشرات من تجارب الناس من مختلف الاعمار و الوظائف السافرت من غير تاشيره و رجعوهم و فى ناس دخلت بدون مشاكل مفيش داعى تعرض نفسك و اسرتك معك لموقف محرج فى المطار ارجع للسفاره افضل طالما الدخول بتاشيره من المطار مش مضمون للكل و 3 ايام قليله ممكن اسبوع اما الفنادق المستوى حسب السعر و المنطقه و اهم شئ تشوف اراء و تعليقات السائحين على اى فندق على موقع بوكينج للفنادق و تريب ادفايزير علشان تعرف عيوب و مميزات المكان لان فى فنادق غير مناسبه للاسر و فى مناطق تعبانه جدا دل لينك موقع بوكينج للفنادق اكتب تاريخ السفر و شوف النتائج بالتوفيق /النجدة! ما هو أفضل فندق؟