السلام عليكم.. لو سمحتم انا قدمت علي فيزا UK...

[Sherif Hamdy]

السلام عليكم..
لو سمحتم انا قدمت علي فيزا UK من يوم 10 سبتمبر و السايت باين انهم لسه لم يعطوا قرار في الفيزا..
يعني لسه الموافقه او الرفض و بعد كده الشحن للباسبور من عمان و تسليمه لي في اسكندريه...
كده مفيش عندي وقت لأني مفروض أسافر 1 أكتوبر...
حد عنده حل ممكن أصعد بيه الموضوع و لا كده خلاص ؟؟

ملحوظه : انا قدمت علي فيزا لمؤتمر و كان عادي مش مستعجل... و بعت شكوي ل TLS و ردوا عليا برساله معناها افضل اتابع السايت بتاعهم و ردهم مش مفيد.
شكرااااااا

 

[Hend Salem]

حضرتك مقدم قبل موعد السفر ب 20 يوم و ده غير كافى لازم دايما تحط احتمالات التاخير فى الاعتبار لما تقدم على تأشيرة
التاشيرة بتاخد 14 يوم ... ممكن اكتر او اقل حسب السفارة يعنى لحد الان يتعبر مافيش تاخير يذكر
مكتب التقديم tls مالهمش علاقة بالموضوع ...هم وظيفتهم سلم و استلم فقط
كل اللى هتقدر تعمله انك تنتظر و ان شاء الله التأشيرة تطلع قبل موعد سفرك

 

[محمد عبد الوهاب ريحان]

اظن اتصال تليفوني ممكن يكون له نتيجة .. انا مريت بموقف مشابه و لكن في قنصلية اسبانيا في الاسكندرية و الحمد لله قدرت اسافر ... مع الوضع في الاعتبار الفرق بين الشنجن و فيزا بريطانيا.