يا جماعه انا ان شاء الله مستنى رد على فيزا...

[Amr Salah]

يا جماعه انا ان شاء الله مستنى رد على فيزا شينجن من سفاره بولندا خلال يومين وهو تدريب فى جامعه وارسو هناك و الاقامه الى معايا خلال فتره الفيزا فى سكن الجامعه .. ف انا كنت عايز انزل اول اربع ايام على برلين و بعد كدا ابقى اروح وارسو و هحجز الاربع ايام دول بس فى برلين .. ف هل انا ممكن يقابلنى مشكله فى المطار او حاجه ولا عادى هعدى من غير مشاكل ؟!

 

[Romel Ramy]

ربنا يوفقك يابوب بس ممكن تقولنا تجربتك ايه مع سفاره بولندا من ناحيه الاجرائات والمعامله وهكذا

 

[Mohammed Abd Elkader]

بلاش الحركة دي في مطارات ألمانيا بالذات والتزم ببلد الدخول
وبعد كدة اتنقل براحتك

 

[Mohammed Badari]

من رايي في مدينه كدا اسمها بوزنان قريبه من المانيا انزل قضي فيها يوم بعدها اطلع علي برلين قريبه جدا قضي وقتك وبعدها اركب باص علي وارسو ولو مش عاوز بوزنان في طياره من الغردقه لمدينه اسمها كاتوفيتسه تاخد قطار لفراتسواف تقضي يوم وبعدها باص لغايه برلين

 

[Mohammed Badari]

وبخصوص العوده ارجع من اي مكان يعجبك

 

[Abdel Hamid Elbeltagi]

الفيزا طالما صادره من بولندا وعاوز تدخل المانيا متعبه شويه بس ينفع وده حصل معي قبل كده لازم تاخد كل أوراقك معك كانك بتقدم علي الفيزا ومنهم تامين السفر الكلام ده عن تجربه واتصلت بالسفير عن طريق الاميل ورد علي بكده المانيا وهولندا أسوأ بلدين تدخلهم لو الفيز مش صادره منهم

 

[Mohammed Badari]

خد معاك نسخه من الاوراق الي قدمتها في السفارة تحسبًا لأي شيء وخلي معاك كاش وحجز فندق وتذاكر عوده
ورايي كالآتي
طياره من الغردقه الي كاتوفيتسه بعدها باص أوسترافا التشيك ثم فينا ثم براتيسلافا ثم بودابست ثم قطار النوم الي بلغراد ثم طائره الي كراكوف بولندا ثم قطار الي وارسو خلص شغلك اطلع علي برلين ثم مصر
كدا لفيت في بولندا والتشيك والنمسا وسلوفكيا والمجر وصربيا وألمانيا

 

[Marawan Elhalwagy]

كلمني و انت رايح بس متشغلش بالك

 

[Abdelkarim Mostafa]

لو الفيزا طلعت )multiple visa خش من البلد الى تريحك مش لازم بولندا بس خلى معاك صورة تذكرة الطيران الى فيها معاد العودة علشان هيطلب يشوفها فى المطار

 

[Amr Ahmed]

تقدر تنزل اى بلد بس لازم يكون معاك اثباتات حجزك للفندق
يعنى هتنزل ألمانيا يكون وانت واخد الفيزا من بولندا مَش مشكلة
انزل ألمانيا عادى معاك حجز فندق فى ألمانيا وإقامتك فى بولندا

المهم بقى وجدا انك لازم تخرج من بولندا يعنى لازم يتختم باسبورك سواء دخول او خروج من مطار بلد الفيزا

 

[Moø Fayed]

انزل علي بولندا الاول وبعد كدة ابقي أسفر زي ما نحب علي المانيا.احنا كنّا بنسافر بولندا بالعربية من الدنمارك وكانت رحلة ممتعة جدا.رحلة موفقة