Z
Zozo Shatla
:: مسافر ::
اولا اعملي ريفيو في TripAdvisor وbooking حتي لو الفندق مش علي بوكينج اعملي ريفيو علي الفندق اللي انتي حجزتيه في بوكينج بس بلاش موضوع الميه في الغرف لان كل فندق وله نظام وحسب السعر وبلاش موضوع الكوبايات الازاز لان معروف علي البيتش بيكون كله بلاستيك عشان الكسر والاصابات وبعد كدا اما تكوني عايزه تروحي اي مكان ابقي دوري علي اكتر من مصدر عشان تعرفي كل الاماكن المتاحه وتقارني براحتك دا موقع تاني افضل من بوكينج لانه بيشتغل مع بوكينج وغير بوكينج يعني ممكن تعملي مقارنه وتلاقي ريفيو لكل الفنادق اللي انتي عيزاها ادخلي واتاكدي بنفسك واعملي كمان رفيو هناك /هوتيلز كومبايند قارن و وفر بين أفضل عروض الفنادق HotelsCombined
S
Sas Soo
:: مسافر ::
ياجماعه معلش الحق يتقال الضغط في شهور الصيف صعب جدا انا لما بروح الغردقه بتعامل احسن من الاجانب دي حاجه الحاجه التانيه اني نزلت في شهر 5 قبل الزحمه في صني داي بالما دي ميريت والحجز ع البوكينج وكنت عارفه من الاول الفرق بين البلاسيو وميريت وناس محترمين جدا
ده غير النضافه مجرد مابخرج وارجع بلاقي الفوط متغيره والاوضه متنضفه والشامبو والشاور زياده ده غير اني كنت حاجزه هاف بورد وكان في مايه في التلاجه وعادي وكمان الاكل كان حلو خالص بمقارنه بفنادق تانيه جربتها اه صح ومكنتش حاجزه لا سي فيو ولا حاجه وكانت قدام البحر علي طول
ده غير النضافه مجرد مابخرج وارجع بلاقي الفوط متغيره والاوضه متنضفه والشامبو والشاور زياده ده غير اني كنت حاجزه هاف بورد وكان في مايه في التلاجه وعادي وكمان الاكل كان حلو خالص بمقارنه بفنادق تانيه جربتها اه صح ومكنتش حاجزه لا سي فيو ولا حاجه وكانت قدام البحر علي طول
J
Jasmin Salim
:: مسافر ::
انا روحت شهر ٨ فندق sunrise royal makadi hotel and resort حاجة مختلفة تمااااما عن الصراحة.. الأكل يوميا فيه دجاج ولحوم وأسماك وبتتشوي ادامك اللسريفس اصلا مش بيلحق يفضي قبل ما يفضي يشلوه ويحطوا واحد تاني مكانه الموظفين في منتهي الذوق والاحترام وعلي طول مبتسمين كلهم وكان في مصريين واجانب بنفس النسبة تقريبا... والملاحظ بقي والي فعلا لفت انتباهي ان كل الناس ومعاهم المصريين كل واحد بيحط اكل علي قده ومحدش بيتبقي منه اكل كتيير.. الفندق كان حاطط علي كل الطاولات leaflet مكتوب عليها l love food I hate waste وكانوا كاتبين انهم مخصصين يوميا كمية من الخضروات والفواكة واللحوم للمطاعم بتاعتهم وان كل ما يفيض عن هذه الكميات يوميا بيتبرعوا بيه للجمعيات والمؤسسات الخيرية وبيقولوا للناس كل زي ما انت عايز بس وانت بتحط الأكل اسال نفسك انت هتقدر تاكل كل دا ولا لاااا؟ عشان الي هيفيض منك هنرميه والي هنقدر نوفره هنتبرع بيه... انا بصراحة احترم اوووي الفكر دي والطريقة دي.. محدش من الشيف كان بيقول لحد اي حاجة ان شاء الله تطلب بدل القطعة عشرة وكل انواع الفواكه محطوطة ومتوفرة بكثرة والمياه زي ما انت عايز ... بجد اول مرة انبسط في فندق في مصر كدّا... رغم طبعا ان كان عندي شوية كومنتس وقلتلهم عليها.. عشان كدّا يا جماعة ان بقول ان الي يصير معاه تجربة كويسة يحط ريفو والعكس صحيح.. ومعلش ربِنَا يعوضهالك بحاجة احسن المرة الجاية ان شاء الله.. متزعليش
A
Ahmad El-batl
:: مسافر ::
طبعا انا وضحت قبل كدا اني نزيل في الفندق ، ولا علاقة لي تماما بالإدارة من قريب أو بعيد ،،،،، اولا الحجز عن طريق booking.com , غير متاح للبلاسيو ومتاح فقط ل ، ميريت ، الفرق بين الفندقين أن البلاسيو مناسب اكتر لاتنين شباب أو عائله معاها اطفال ، ودي ميريت مناسب اكتر للناس اللي محتاجه هدوء اكتر ، مواعيد الغداء محددة مسبقاً ودا بوفيه مفتوح في حال وجود اي نواقص بيتم تبديلها زي اي فندق ،وفعلاً في أوقات الضغط الاستقبال بيتأخر شوية وطبعا لو الفندق عرض الغداء يبقي لازم يلتزم بالعرض دا حتي لو ميعاد الغداء انتهي، ودونا فندق البلاسيو دا بصراحه توفيق من عند ربنا ،وبخصوص الحجز عن طريق اي موقف الكتروني لازم احنا نتصل بنفسنا ناكد الحجز ودا طبيعي برضوا ، اغلب فندق البلاسيو sea view حتي الحجرات اللي في مدخل الفندق برضوا بتشوف البحر وقليل مش بيشوف البحر ودا معناه أن الاشغال كان عالي أو النزيل ما تعاملش بطريقة تشجع الريسيبشن علي استقباله وكمصريين كلنا عارفين أن النفسيات في بلدنا زي الزفت من الأساس فممكن يكون دا خطأ فردي، بخصوص المصريين الكتير انا مصري وللاسف عانيت في اخر زيارة ليا للفندق السنه دي من سلوك كتير من المصريين الغير آدمي بالمرة في حاجات كتير ولما بنقول كتير من المصريين بنتكلم عن اللي كانوا موجودين في وقت تواجدي في الفندق مش المصريين عموما ،،، وهنا حابب أشير لنقطه مهمة وهي إننا لو مصريين لكن فاهمين أو بتعامل بطريقة تحافظ على منظر بلدنا وفنادقنا اكيد المعامله هتتغير معانا ,انا هنا بتكلم بشكل عام لا أقصد صاحب البوست تماماً، الهوس كييبر اول حد بقابله لما بستلم الغرفة وانا اللي بضحك في وشه وكمان بصاحبه لاني عارف أنه جاي من الأقاليم وغالبا الصعيد فالكلمه الحلوة بتحوله من شخص عدائي ليا كمصري ، لشخص ودود تماما (تجربه شخصية) ، البلاسيو معلق منشور علي البلاكونات بتلات لغات بيطلب فيها من نزلاءة عدم نشر أي شىء ودا طبعا مظهر حضاري وللاسف في اجانب ومصريين ما بيعملوش دا ، فانا شايف أن دا عدم التزام منا ، الفوط والملايات تتغير بحسب رغبه الناس ولو هي مش مطبقة ومحطوطه علي الأرض يبقي محدش هيغيرها ، الملايات نفس الكلام لازم نطلب إننا نغيرها، البشاكير في البلاسيو بالفعل لونها فاتح ولو الولد اداني بشكير معجبنيش بطلب منه تغييرة وبيغيرة، الكوكتلات أو الخمور بتنزل في كوبيات اكريلك شبيهه بالزجاج والكوبيات البلاستك بالنسبه لي اساسا افضلا لانها بتستخدم مرة واحدة فقط ، طعم العصير دا شىء مش هقدر احكم عليه لكن انا من الأساس مبيعجبنيش التانج فبالتالي مش هقدر أناقش النقطة دي ، الاهتمام بالفندق في وجود الاجانب اكيد واضح من كلام حضرتك وانا برضوا مش هقدر اعلق علي النقطة دي للاسف ، مع العلم أن المفروض مستوي الفندق والخدمه الفندقيه يظل ثابت ، الرجل بتاع الفطير لو قال كدا ممكن حضرتك تطلبي مدير الصاله ولو قلتيله ان حضرتك مستائه من كلامه هيخليه ييجي يعتذر لحضرتك، وفعلا احنا كمصريين بما فيهم انا شخصيا ثقافتنا في الاكل مختلفة تماما واللي منا بيسافر كتير هيعرف أن الاكل برة مصر بالجرام لكن عندنا الوضع مختلف ، للاسف احنا اتربينا كدا، لا تعليق للموقفين الاضافيين ، ارجو تقبل المشاركه بصدر رحب
H
Heba Ahmed
:: مسافر ::
الفنادق كلها فى الغردقة و شرم و غيرها لا ترحب بالجست اللى هيدفع اقل ... سواء كان مصرى او من الاجانب اللى مش بيصرفوا .. و كلهم بردوه بيرحبوا جداا بالجست اللى بيصرف فى شيل شنط فى و تبس بيشترى من محلات بيطلب درينك ديما ... هو ده الموضوع ببساطة غير بقه ال attitude بتاع الناس بيفرق معاهم ... عامة الفندق ده الاوض بتاعته وحشة و قديمة و الاستاف ال attitude بتاعهم وحش جدا كمعاملة و برود و قلة ذوق .. و اكل و نضافة وحش بردوه .. و نرجع نقول الغالى تمنه فيه .. بلاش الفنادق الرخيصة دى .. هى رخيصة عشان وحشة .. و الغالى الحلو موجود و الرخيص الوحش موجود بردوه