M
Mohamed Shawky
:: مسافر ::
#سريلانكا
لفت نظري بعض الأعضاء بيسألوا عن تكلفة السفر و حبيت أشارككم تجربتي لبلد تتميز بطبيعتها الرائعة و ممكن تسافر ليها بسهولة و بتكلفة بسيطة . البلد دي هي سريلانكا
اولا الفيزا : بتقدم عليها علي النت e visa علي الموقع ده
/Online Visa Application و بتدفع الرسوم 35 دولار و بيوصلك إيميل بالتأشيرة في خلال 3 ايّام بتطبعها و تأخدها معاك و انت مسافر
ثانيا الطيران : انا حجزت علي فلاي دبي من إسكندرية لكولومبو ذهاب و عودة ترانزيت دبي تكلفة اجمالي التذكرة 7309 جنيه
ثالثا السكن : انا قضيت هناك 8 ايّام و كل يوم كنت بزور مدينة مختلفة و كان ده خط سيري
Negombo مدينة جنب المطار نزلت فيها يوم في هوستل اسمه hangover سعر الليلة فيه 150 جنيه
Colombo تاني يوم ركبت الأتوبيس للعاصمة كولومبو نزلت في هوستل اسمه clock inn سعر الليلة فيه 185 جنيه
Kandy سافرت من كولومبو لكاندي بالقطر نزلت في هوستل اسمه mountain view هو فعلا بيطل علي جبل منظره تحفة سعر الليلة فيه 141 جنيه
Nuwara eliya سافرت بالقطار من كاندي لنوارا ايليا و نزلت في هوستل اسمه view Bungalow تكلفة الليلة كانت 158 جنيه البلد دي فوق جبل و درجة الحرارة فيها منخفضة في الصيف و امطار طول اليوم لو ناوي تروحها متنساش تاخد معاك جاكيت
Ella من نوارا إيليا الي إيلا باستخدام القطار و نزلت في هوستل اسمه summer villa بتكلفة 243 جنيه لليلة
Mirissa باستخدام الأتوبيس انتقلت الي اول المدن الساحلية ميريسا و نزلت في هوستل علي الشاطيء مباشرة اسمه villa 54 سعر الليلة 243 جنيه
Hikkaduwa
سافرت من ميريسا لهيكادوا بالأتوبيس و نزلت في travellers Hostel بتكلفة 106 جنيه لليلة
Negombo اليوم الأخير سافرت من هيكادوا لكولومبو و من كولومبو لنيجومبو بالأتوبيس و قضيت اليوم في hangover hostel بتكلفة 150 جنيه قبل ما أطلع علي المطار
ملحوظات :
١) العملة هي الروبية و واحد جنيه مصري بيساوي 9 روبية
٢ ) اشتري شريحة للموبايل من المطار فيها 7 جيجا نت و دقايق ب 10 دولار
٣ ) في موقف اتوبيسات في المطار ممكن تركب منه لكولومبو و ممكن تركب مواصلات عامة طول الرحلة و بتكون تكلفتها رخيصة جدا
٤ ) البلد امان و شعبها طيب لكن حاول تفاصل كتير لو هتشتري حاجة انزل بالسعر للنص و غالبا هيوافق و يبيع لك
٥ ) حاول متركبش توكتوك ( هو التاكسي في سريلانكا ) و لو ركبت السواق هيعرض عليك يوديك محلات تشتري منها حاجات متوافقش عشان بيكون متفق مع صاحب المحل علي نسبة
٦) سريلانكا بلد الشاي ممكن تزور مصنع شاي و تشوف الزراعة و التصنيع و تشتري كمان
٧) حاول تجرب الاكل السريلانكي و كمان الفواكه الاستوائية اللي بيكون طعمها جميل و سعرها بسيط
أتمني أكون قدمت لكم معلومات تساعد اي حد حابب انه يسافر للبلد دي ، أسيبكم مع الصور و لو في حد عنده استفسار انا تحت أمره
لفت نظري بعض الأعضاء بيسألوا عن تكلفة السفر و حبيت أشارككم تجربتي لبلد تتميز بطبيعتها الرائعة و ممكن تسافر ليها بسهولة و بتكلفة بسيطة . البلد دي هي سريلانكا
اولا الفيزا : بتقدم عليها علي النت e visa علي الموقع ده
/Online Visa Application و بتدفع الرسوم 35 دولار و بيوصلك إيميل بالتأشيرة في خلال 3 ايّام بتطبعها و تأخدها معاك و انت مسافر
ثانيا الطيران : انا حجزت علي فلاي دبي من إسكندرية لكولومبو ذهاب و عودة ترانزيت دبي تكلفة اجمالي التذكرة 7309 جنيه
ثالثا السكن : انا قضيت هناك 8 ايّام و كل يوم كنت بزور مدينة مختلفة و كان ده خط سيري
Negombo مدينة جنب المطار نزلت فيها يوم في هوستل اسمه hangover سعر الليلة فيه 150 جنيه
Colombo تاني يوم ركبت الأتوبيس للعاصمة كولومبو نزلت في هوستل اسمه clock inn سعر الليلة فيه 185 جنيه
Kandy سافرت من كولومبو لكاندي بالقطر نزلت في هوستل اسمه mountain view هو فعلا بيطل علي جبل منظره تحفة سعر الليلة فيه 141 جنيه
Nuwara eliya سافرت بالقطار من كاندي لنوارا ايليا و نزلت في هوستل اسمه view Bungalow تكلفة الليلة كانت 158 جنيه البلد دي فوق جبل و درجة الحرارة فيها منخفضة في الصيف و امطار طول اليوم لو ناوي تروحها متنساش تاخد معاك جاكيت
Ella من نوارا إيليا الي إيلا باستخدام القطار و نزلت في هوستل اسمه summer villa بتكلفة 243 جنيه لليلة
Mirissa باستخدام الأتوبيس انتقلت الي اول المدن الساحلية ميريسا و نزلت في هوستل علي الشاطيء مباشرة اسمه villa 54 سعر الليلة 243 جنيه
Hikkaduwa
سافرت من ميريسا لهيكادوا بالأتوبيس و نزلت في travellers Hostel بتكلفة 106 جنيه لليلة
Negombo اليوم الأخير سافرت من هيكادوا لكولومبو و من كولومبو لنيجومبو بالأتوبيس و قضيت اليوم في hangover hostel بتكلفة 150 جنيه قبل ما أطلع علي المطار
ملحوظات :
١) العملة هي الروبية و واحد جنيه مصري بيساوي 9 روبية
٢ ) اشتري شريحة للموبايل من المطار فيها 7 جيجا نت و دقايق ب 10 دولار
٣ ) في موقف اتوبيسات في المطار ممكن تركب منه لكولومبو و ممكن تركب مواصلات عامة طول الرحلة و بتكون تكلفتها رخيصة جدا
٤ ) البلد امان و شعبها طيب لكن حاول تفاصل كتير لو هتشتري حاجة انزل بالسعر للنص و غالبا هيوافق و يبيع لك
٥ ) حاول متركبش توكتوك ( هو التاكسي في سريلانكا ) و لو ركبت السواق هيعرض عليك يوديك محلات تشتري منها حاجات متوافقش عشان بيكون متفق مع صاحب المحل علي نسبة
٦) سريلانكا بلد الشاي ممكن تزور مصنع شاي و تشوف الزراعة و التصنيع و تشتري كمان
٧) حاول تجرب الاكل السريلانكي و كمان الفواكه الاستوائية اللي بيكون طعمها جميل و سعرها بسيط
أتمني أكون قدمت لكم معلومات تساعد اي حد حابب انه يسافر للبلد دي ، أسيبكم مع الصور و لو في حد عنده استفسار انا تحت أمره