S
Sameh Mohamed Mohamed
:: مسافر ::
هاى .. لو سمحتم ممكن او حد يجاوبنى على السؤال دة : يعنى اية اقدم على بلد زى قبرص ولا ليها لازمة اصلا وانا معايا شنجن من 6 شهور ومعايا سفرية لتركيا ومقدملهم ورق كامل وخطة سفر وخطاب عمل وكل حاجة صح واتفاجئ بكل برود مديانى رفض من غير حتى القنصل مايعمل معايا مقابلة يسألنى على اى استفسار حابب يعرفة يبقى دة عدم احترام .. حتى قبرص بتتنك اللى هى اساسا عبارة عن جزيرة مش دولة ليها هيبة يعنى انا مش مقدم على امريكا يعنى علشان المعاملة الزبالة دى .. دة سفارة امريكا بصراحة محترمة والقنصل بيعمل مقابلة علشان يكون فى فرصة للمتقدم يشرح فيها موقفة ويوضح كل شي القنصل محتاج يعرفة ... قال فى الرفض رقم 8 مش مقتنعين انى المعلومات كافية وانى هارجع مصر .. اية العنصرية الزبالة دى ؟ يعنى انا سافرت اوروبا ورجعت ومكسرتش هاجى بقى على قبرص دى واكسر الفيزا ؟ بصراحة انا تفسيرى انا القنصل عنصرى وبيبيعوا اصلا الفيز دى بفلوس للى يدفع لاى سمسار تبعهم ودة المفروض شئ غير قانونى وانا اتعرض عليا بس انا رفضت .. وعلى فكرة انا مقدم ورق قوى وكمان روابط ليا بمصر وكمان انا متزوج يعنى مش واحد قاطع هاسيب مصالحى وحالى واروح اضيع وقتى هناك .. انا كان غرضى من السفر رحلة استجمام واغير جو لانى ماسافرتش فى اى اجازة بعد اخر رحلة ليا لاوروبا من 6 شهور .. لكن انى اتفاجئ بالرفض من دولة اصلا مش شنجن والميزة الوحيدة اللى خلتنى اختار اسافرها انها قريبة ويارتنى اصلا ما كنت قدمت فيها .. لو حد يعرف ازاى اقدم شكوى فى القنصل والسفارة ياريت يدلنى ازاى اعمل تظلم وشكوى علشان الناس دى تشوف شغلها صح .. على فكرة انا مش عايز كدة علشان زعلان على الرفض .. بالعكس انا قبرص ماتشغلنيش ولا ليها لزمة وفى امريكا وكندا ودول شنجن اقدم فيهم .. لكن اللى حارق دمى المعاملة والاسلوب وعدم تقييم الشخص بطريقة محترمة .. ودعوتى لكل الناس تاخد موقف مع اى سفارة بتقدم فيها خصوصا الدول الصغيرة بالذات انهم مايترددوش بأخذ موقف قانونى فى حال اى زلم ومعاملة فيها عنصرية خصوصا ان احنا مش بنقدم ببلاش وبندفع فلوس وبترجم ورق وبيطلع عينا لتجهيز الاوراق من وقتنا وعطلة علينا من شغلنا ومصالحنا .. اتمنى تشاركونى برأيكم وكمان نصيحتكم .. واتمنى تكونوا ايجابيين ومحدش يكون سلبى طالما لية حق بأنة يعترض ويقدم تظلم ولو فى حد لية موقف اتظلم فية لازم يقدم شكوى ونعمل كلنا مقاطعة علشان معاملة اى سفارة لينا بعدم احترام او بعنصرية تتغير لاننا عندنا كرامة وعزة نفس اكبر بكتير من اى بلد م موجودة على وش الارض