امريكا ملهاش كبير امبارح كانت المقابله لفيزا...

[Ahmed Hassan]

امريكا ملهاش كبير
امبارح كانت المقابله لفيزا سياحه فى السفاره الامريكيه فى ابوظبي مده المقابله كانت حوالى 10 دقايق كالتالى انا ومراتى وكان ابنى فى المدرسه سنه 7 سنين مفيش داعى لحضوره ايه الغرض من الزياره؟
جاوبت سياحه
رايح فين؟
جاوبت نيويورك
هتقعد قد ايه؟
جاوبت 12 يوم
بتشتغل ايه؟
جاوبت HR
انتو متجوزين ؟
جاوبت ايوه
ابنك هيسافر معاك؟
جاوبت ايوه
بقالك كام سنه فى الامارات؟
جاوبت 12 سنه عندك HR عطيته ال HR عندك كشف حساب عطيته كشف الحساب
سافرت فين قبل كده؟
جاوبت انجلترا وفرنسا والمانيا وهولندا والنمسا واسبانيا قالى كفايه يفتح جوازى يبص على التاشيرات الشنجن وبريطانيا ويهرش فى دماغه ويسكت ونفس الشئ مع مراتى وابنى يفتح الجوازات ييص على التاشيرات ويهرش ويبص فى السقف وساكت ويفكر لعد حوالى 3 دقايق ساكت سالنى كل الدول دى سافرتها سياحه جاوبت اه رجع تانى يهرش فى دماغه ويبص فى السقف وفى الاخر مسح بايده على راسه وقالى اسف مش هقدر اعطيك فيزا
اللى حد عنده سبب منطقى للى حصل ياريت يفيدنى

 

[Khaled Saeed]

مفيش سبب مقنع غير ان راسه مئملة

 

[Basma Diaa]

رخامه او. حقد معرفش

 

[David Kamal]

علشان حضرتك رايح مع اسرتك
بيتوقعوا انكم هاتكسروااا و مش هاترجعواا

 

[Hosam Awad]

ههههههههههههههه أمريكا

 

[Ahmed Zaki]

اللى نقدر نقوله انك لسه مجاش نصيبك في الفيزا
وحاول مره تانيه ده اذا مكنتش اول مره
ومتخدتش اولادك وجرب لوحدك

 

[Khaled Hassan Massoud]

لازم يتأكدوا انك طالع سياحة و حترجع تاني ، طبعا دول مرر عليهم بشر كتير بيستغلوا ڤيز السياحة و يكسروها . حتي لو كنت من الاتحاد الاوروبي لازم ڤيزا لامريكا طبعا مبتاخدش وقت كتير لو كان الهدف صحيح و مثبت .

 

[Mabrouk Aymanm]

معقول يكون غبي وشك في انك دورت علي شغل في كل الدول دي وما لاقيتش

 

[Ingi Elzagh]

احجز رحلة كروز مثلا من هناك او ديزني لاند فلوريدا وخد معاك الحجز

 

[Islam M. Rafiq]

انا متوقع ان ده حيحصل ...ياباشا الراجل قر عليك انت سافرت اكتر منه شخصيا

 

[Mostafa Sherif]

السبب و السبب الوحيد انه ممكن يكون عنصري او عندهم تعليمات بتقليل عدد الموافقات بقدر الامكان في الوقت الحالي مثلا، لكن عمليا انت مافيش اي حاجه تخليك ماتخدش الفيزا، عموما ماتعرفش الخير فين

 

[Om Sara]

لكن مش من حقك تساله عن السبب يعنى ولا ايه ؟؟

 

[Tayseer Saber]

وفر ...هم الخسرانين ☺☺☺

 

[Tarek Shafiek]

انا زيك بس لوحدي .. اترفضت من دبي لسببين اولهم ان كان بقالي في دبي ٥ شهور رغم ان كان بقالي ٣ سنين في الخليج مع نفس الشركة وجواب الشغل موضح ده وتاني سبب ان اخويا عايش هناك

 

[Amr Dessouki]

12يوم نيويورك كتير...ماكانش اجابه مقنعه ان حد هيعمل رحله طويله ليري مدينه واحده

 

[Mahmoud Ebrahim]

اقول حضرتك الاجابه وسبب الرفض
هو بالمنطق هيديك التاشيرة ولو مفيش منطق مش هيديك التاشيرة


حضرتك قولت رايح لنيويورك ١٢ يوم
هنعتبر ان السفير دة جاي مصر

فهل لو قالك انه هيجى من نص الكره الارضيه الثانى لمصر عشان يقعد فى إسكندرية ١٢ يوم وهيدفع تذاكر طيران مبلغ وقدره هل حضرتك هتقتنع بان الشخص دة جاى من اجل اسكندريه ؟؟

اما لو قالك انا هاجى القاهرة ٤ ايام و اسكندريه ٤ ايام وشرم الشيخ ٤ ايام
وفى كل محافظة قالك هزور ال ٢٠ مكان دول باجمالى ٦٠ مكان

ساعتها هقول الراجل دة جاي يزور فعلا وسايح فعلا


هو ادالك رفض مش عشان خايفك تكسر
هو ادالك رفض عشان مش مقتنع بسبب الزياره !
امريكا بذات عايز يصدقك وبس
لو حاس ١% بنسبه شك انك رايح لسبب مختلف ساعتها هيديك رفض


الموضوع محتاج ترتيب صح


انا ملفتش العالم زيك هما ٤ دول ف سفريه واحدة
وانا مش متجوز و ٢٤ سنه
يعنى اسبب الكسر منى اكبر منك بكتيرررررر واخدت التاشيره و سالنى على HR قولتله مش معايا !
ومسألنيش على كشف حساب بنكى

بس كنت بتكلم معاه بمنطق والابكليشن اللى انا عامله معمول بمنطق صح

 

[Ahmed Elagouz]

مفيش سبب مقنع غير انه عنده شعره .. ساعه تروح ااه و ساعه تيجي

 

[مصطفي خلف]

ده ظلم بصراحة. بفلوسك ورايح دولة سياحة هو مال امه

 

[Loay Zack]

مزاجية بحتة

 

[Akram Essam Mohamed]

مقتنعش بيك و لا بكلامك و الابليكيشن كان معمول بطريقه فيها اڤوره اكيد!