شركه سياحه بتقدملي علي فيزا لفرنسا .فطلبت مني...

[Ahmed Farrag]

شركه سياحه بتقدملي علي فيزا لفرنسا .فطلبت مني شهادت تحركات ..اللي اعرفو انها من مجمع التحرير ..محتاج اعرف بتاخد كام يوم و انجزها علي طول ازاي واخد ايه معايه وانا رايح.و اروح ع الساعه كام

 

[Hossam Ali]

بعد اذن معاليك ممكن اعرف شركة السياحه دي ؟وهتاخد منك كام لو تكرمت ؟ في انتظار ردك للأهميه القصوي وان شاء الله حد من الاعضاء يجاوبك بخصوص شهادة التحركات

 

[Hany El Shafie]

ممكن تستلمها فى نفس اليوم

 

[Ahmed Ramy]

Ahmed Farrag شهادة التحركات لما عملتها طلعت في خلال أسبوع وبتحتاج معاك الباسبور بتاعك بس.

 

[Roma Ramy]

فرنسا مش بتطلب شهادة تحركات

 

[Mohammed Abdou]

فرنسا مش بتطلب شهاده تحركات

 

[Ayman Zaid]

مفيش شهادة تحركات في فرنسا

 

[Sayed Said]

هي بتحتاج الباسبور بس وبتطلع خلال اسبوع

 

[Sherif Nagy Tanamly]

فرنسا مش بتطلب شهادة تحركات بس هيا بتيجي من المجمع و تقولهم انك عايزها لسفارة فرنسا و بتاخد ممكن ٣ ايام و تروح بدري اوي علشان الزحمة كتير و اتأكد انك واقف عالشباك الصح بتاع السفارات

 

[Mahmoud Seada]

فرنسا مش بتطلب بس لو اول مره تمام كويس بتاخد يومين بصوره باسبور وصوره بطاقه وخد صوره زياده منهم معاك
شباك ٦ صحيح

 

[Ahmed Kafrawy]

دا مكتب كفته فرنسا مش مجتاجة شهادة تحركات

 

[Omar Adel]

مكتب اي كلام فرنسا مش عايز تحركات حتى لو باسبور ابيض

 

[Alaa Elemam]

اي المكاتب الثقة فى موضوه فرنسا

 

[Christina Hesham]

فرنسا الوحيدة في الشنجن اللي مش بتطلب شهادة تحركات

 

[Victor Farouk Fahmy]

طيب لو سمحتو انا عشان اقدم فرنسا مع نفسي لزم يكون لى اكونت ع tls

 

[Ahmed Mostafa Nasef]

فرنسا مابتطلش شهاده تحركات انت واثق ان الناس دي فاهمه

 

[Reda Omar]

فرنسا ملهاش شهاده تحركات

 

[Mariam Samy El-Shazly]

فيزا فرنسا مش بتطلب شهادة تحركات...هى الشركة مبتدأة فى المجال ده ولا ايه...
مرة كنت حاجزة رحلة فرنسا مع شركة (مشهورة اوى) وحضرت ورق المطلوب للفيزا كله موجه لسفارة فرنسا طبعا...لقيتهم جايبنلى ميعاد فى سفارة السويد ( نظام ملقيناش فرى فرنسا جبنا فى السويد..بلاها سوسو خد نادية) اقولوهم والورق اللى محضراه موجه لفرنسا ..يقولولى مفيش مشكلة ..كله شنجن...هههههه...(يا مثبت العقل والدين)

 

[Amro Wahdan]

المطلوب..صورة جواز السفر وصورة البطاقة..و10جنيه..وبتستلمها بعد10ايام..من مجمع التحرير الدور التالت..بس حاول تروح بدري علشان الزحمه..الساعه8صباحا تكون هناك..وربنا معاك ويصبرك بقي

 

[Ismail Fawaz]

فرنسا مش عايزه شهاده تحركات وبما ان الشركه قالت لك كده يبقى هى مش فاهمه شغلها وهتورطك