المسافرين انواع.... نوع مش غاوي سفر بس بيجرب ومش مخطط لحاجه و مهيئ نفسيا انه حينبهر مقارنة بالجو العام اللي عايش فيه ولما مينبهرش بالقدر اللي متوقعه بيجيله احباط ويرجع يقولك باريس زبالة وفيينا عنصرية وسويسرا غالية وتايلند كلها شواذ كأن ده هي الحاجة الوحيدة اللي لفتت نظره
ونوع تاني بيعشق السفر وتجربة مكان جديد وثقافة جديدة وفاتح ذهنه وحواسه لتقبل الاشياء والاماكن والاكلات اللي بيحبها الاخرين وده بيستمتع بكل دقيقة
ونوع عارف هو عايز ايه من السفرية وهو بيحب ايه في السفر ...بيحب طبيعة ، بيتذوق فن او موسيقى ، بيحب يتعرف على اشخاص جديدة فبيروح للمكان اللي بيحبه .
الملخص ، لما تسافر لازم تبقى عارف انت بتحب ايه وعايز ايه ومتفتح للتجربة بشكل عام
