بالنسبه ياجماعه للسفر مع طفله قرابه السنتين ،...

[Omnia Kamel Rizk]

طبعا مافيش داعي، اولا هي مش حتستمتع بحاجة ولا حتفتكر حاجة من الرحلة.. ثانيا اليوم حيبقي طويل عليها جدا واكيد حتزهق بسرعة وتعيط وتوترك جدا

 

[Dina Hamdy Sleem]

اطمن لو الطيارة فيها شاشات بيتفرج على افلام الكرتون والوقت بيعدي وبالنسبة للفسح لازم تاخد عربية الاطفال معاك هتعرف قيمتها جدا في السفر لان بيتعبوا بسرعة وبيناموا ف انت بالتالي بترتاح منهم ومن شيلهم ويكون معاك مياه وعصير وشيبسي وبسكوت الحاجات اللي بيحبها عشان تسكته بيها وهتعدي كفاية فرحتهم بالتغيير وطبعا دا بيرجع لطبيعة الاماكن اللي انت رايح تزورها يعني مفيش طلوع جبال مثلا وهكذا اي حاجه فيها خطورة عليهم وتعب ليك... ومتنساش ادوية البرد والحرارة والحساسية من تغيير الجو

 

[Hader El Shafeay]

عادي جدا كان بالنسبة ليا ابني كان عنده 1.10 وقت الطيارة بس اللي كان مقرف لانهم بيزهقو لكن غير كدة واحنا طول اليوم برة الحمد الله كان كويس وبعدين في السن دة هي ممكن تقعد في stroller

 

[Noura Ayman]

والله انا برأيي ان تقعد ببيتك اشرف من الطلعه مع الاطفال هي نصحيه من الاخر

 

[Amina Alsayigh]

جربت السفر مع اولادي من كان عمرهم ٦ شهور

طبعا برنامج السفر لازم بتحاسب انه يكون فيه وقت يرتاح الطفل فيه .. او اذا خذت معاك العربة ف بينحل الموضوع ..

اغلب سفراتي فيها تنقلات ل اكثر من مكان .. صحيح انه بعض الاوقات يكون الشي متعب لما يكونون تعابة او لما بيتشاجرو مع بعض بس مو معناته السفرة ككل مو كويسة..

دايما خل يكون عندك اشيا تلهيها و هي ف العربة ( لعبة .. اكل .. ايباد .. قصة)

نوع في الاماكن الي بتروح لها

تغاضى عن بعض تصرفات الطفل

 

[GhaDa HayTham]

لو انت حابب فكرة السفر معاها هتستمتع وهتنسي اي حاجة وهتتقبل كل تصرفتها.. لو هي متعودة تخرج الموضوع هيكون عادي بس ممكن ناس كتير ومتعرفهمش يزعجها شوية فهتحتاج تهديها واوعي تنسي اوعي تنسي لعبتها المفضلة ويفضل تسافر طيران ليلي علشان تنام
سبيها تتحرك عادي مش هتديقك
بسافر مع بنتي كامبات وسفاري ومبسوطة وبتستمتع من وعمرها سنة وشهرين .. رحلة سعيدة
فاكرة سيوة Rehab MK

 

[Tarek Sherif]

عادى

 

[Hebatalla Adel]

على حسب رايحين فين و سنها كام و هتعملوا ايه جدولكوا ايه يعنى لإن فيه بلاد مناسبة جدا للأطفال و الكبار و لو دخلت على جوجل او باينترست Pinterest عملت سيرش هتلاقى ناس عاملة برامج كتير مناسبة للأهل اللى معاهم أطفال فى كل بلد

 

[Tarek Attalla]

حاول تسافر لبلد ممكن فيها تاجر عربية بسواق بسعر رخيص علشان لو الطفل عايز ياكل او ينام يبقى العربية دي اكنها بيت متنقل انا برشحلك كسمير بالهند او سريلانكا اسعار تاجير العربية بالسواق فيها رخيص و متهيالي حتحل مشكلة انك بتحب تتفسح وقت طويل و نفس الوقت متبهدلش الولاد و والدتهم و رحلة موفقة باذن الله

 

[Abdel Razzaq Abu Laban]

بص انا عن تجربة شخصية حصلتلي لما انا نفسي كنت في ابتدائي وانا دلوقتي عندي 43 سنة.. كان اول سفر ليا لاسبانيا مع الوالدين واخويا اللي اصغر مني.. انا لغاااية دلوقتي فاكر اماكن احنا رحناها زي الملاهي مثلا وحصل فيها ايه معايا انا شخصيا وزي مصارعة الثيران وحصل فيها ايه والمكان اللي اتصورنا فيه بورتريه..
كل الكلام الطويل ده عشان اقولك ان لو هيه مش حتكون واعيه وحاسه بالمكان والفسحة والسفر وكده يبقى بلاش.. عشان تستمتعوا وخصوووصا زوجتك الكريمة وخلي بنتك الله يحفظهالكم لما تكبر شويه..
طولت عليك معلش.. صلوا استخاره وربنا يخترلكوا اللي فيه الخير ويرضيكوا بيه ويسعدكم وتروحوا وترجعوا بالسلامة ان شاء الله.. امين
تحياتي

 

[Eman Samir]

سهري قبل السفر بمدة كافية عشان تتطلع تنام

 

[Elham Kraman]

انا في قلب الحدث بصراحه لازم تبقا عارف ان الرحله حتمشي علي حسب مزاجهم هما مش بمزاجك انت
عامه الطيران مفيهوش مشكله وخد عربيه بيبي معاك بتطلع بيها لحد باب الطياره وقلل شنطك علي اد ما تقدر علشان متبقاش بهدله
طبعا توقع الزّن والطلبات الغير مبرره خلي معاك حلويات وعصاير الي بتحبها لان أوقات مش حتعرف تسكتهم غير بالطريقه دي
وطبعا جاكيت علشان الجو