بالنسبه ياجماعه للسفر مع طفله قرابه السنتين ،...

  • بادئ الموضوع بادئ الموضوع Eslam Sameer
  • تاريخ البدء تاريخ البدء
عرض العطلة
E

Eslam Sameer

:: مسافر ::
#1
بالنسبه ياجماعه للسفر مع طفله قرابه السنتين ، الوضع يبقي عامل ازاي
ياريت نصائح من الناس اللي سافروا برة مع اطفالهم ، مع العلم اني وانا مسافر غالبا بطلع ٨ الصبح برجع ع٧-٦
هل الوضع دة صعب مع طفله ولاعادي لأني قلقان الصراحه وحاسس اني هتكدر
 
#4
فرق الضغط في الطائرة يضايق الأطفال وخصوصا الرضع، للرضع ممكن تستخدم ماء غريب وهو يساعد على الاسترخاء وممكن النوم، الأطفال الأكبر سنا حاول أن يكون معاك العاب بسيطة تلهيهم
 
#5
هي حسب الطفل نفسه هتفرق يعني في أطفال بتحب الخروج وبتندمجً وتسكت وتنام في العربيه شويه وترجع تكمل وفِي اطفال بتزن وترخم وعاوزه هدوء في اطفال تجري وتسيبك في الشارع فأكيد انت ادري لأولادك بس تغيير الجو والخروج طول آليوم هيبقي صعب والحركة هتبقي بطيئه
 
عرض العطلة
#6
اهم حاجة تخدها معاك عربية الطفل لأنه هينام وانت خارج بيه ومش هتقدر تشيله مسافات
وانت فى الطيارة لازم يكون معاك بامبرز وأكل وماية وشيبسى وبسكويت وأى لعبة من غير صوت تلهيه بيها
بصراحة انت هتتعب ، بس لو مسافر سياحة فرحة بنتك من تغير جو البيت بالدنيا ومافيها
انا خت اولادى بوكيت وبانكوك مرمطونى وطلعوا عينى بس لما كنت بشوفهم فرحانين كنت بنسى التعب
ربنا معاك
 
#7
بوصي في الطياره ببقي عايزه أديله بأي حاجه في إيدي من كتر مابتوتر فده ممكن تتفاداه وتحجز طيران بليل علشان يناموا وانا سافرت بيه ٩ ساعات ونام وكان إبن ناس وسمع الكلام

الخروج مكنتش بحس بيه خالص بحطه في الاسترولر وبنعيش حياتنا وبينام فيها وياكل ويلعب وكل حاجه
 
#10
لو طالعه معاك لواحدها ومتعلقه فيك اوعه تزعلها خدها معاك لكن خلي بالك انك لازم ترعاها كويس وتركز معاها كويس يعني لو هتقدر تلاعبها وتخلي بالك منها خدها الطفل بيحب الاب يلاعبه ويرعاه ومينشغلش عنه ولو لفت انتباه الطفل انك مشغول عنه هينفخك غير كده بلاش تظلمها معاك
 
عرض العطلة
#12
مش هقولك غير ربنا معاك انا سافرت ببنتي سنتين و ابني ٥ سنين من سان فرانسيسكو للقاهره ٢ ترانزيت عباره عن ١٠ ساعات و طيران ٣٠ ساعه
 
#14
انا سافرت مع بنتي عمرها سنتين.....4 ساعات ما بطلتش صراخ....وكنت حاجز )first class....وعينك ما تشوف الا النور.....كاني كنت حاجز مكان فوق محرك الطيارة مش first class.....انا كنت زعلان على الجماعة الي في نفس الحتة معايا....مساكيييين...دافعين فلوس زيادة علشان يريحوا.....بس ما شافوش طعم الراحة...هههههه
 
#15
والله بحكم سفري سنين. كل الاولاد هاديه ومحترمه وجميله ومبتزنش. الاوربيين بس. لكن العيال ولادنا تحس راكبهم عفريت او لسه مطاهرين حالا. حاجه كده تخليك عاوز تنط من الطياره او ترميهم هما
 
عرض العطلة
#17
هو من ناحيه هاتتنفخ، هايحصل. لا لعبه هاتنفع ولا حاجه هاتحوق. نسبه صغيره من الاطفال بيبقوا كويسين، مافيش غير انك تدعي ان ربنا يهدي بنتك وتكون من النسبه دي. ربنا معاك
 
#20
بالعكس متعة السفر مع الاطفال
لكن شوي يثقل الانسان..مثلا لازم تاخد شي للاكل بالشنطة لان احتمال يجوع في وقت ومكان غير مناسب
و ثاني شي لازم.كل شوي يروح الطواليت او.اذا كان بالحفاظات لازم مكان تغيرله فيها الحفاظات..الخ
لكن.عموما ممتع بس خلي بالك يمرض مع تغيرات الجو
 
عرض العطلة
عرض العطلة
عرض العطلة
أعلى أسفل
عودة
قائمة